E Plachi A Konsol’é

Un mucha muhé di 22 aña na Hapon a skirbi resientemente ku komo mucha di 11 aña el a sufri di depreshon. El a bisa ku loke a konsol’é tabata un plachi ku a sali den e revista E Toren di Vigilansia di un mucha den brasa di su tata. E palabranan ku a kompañá e plachi a bisa: “Manera e abraso kaluroso di un tata amoroso, Yehova su konsolashon por kalma nos ansiedat.”

E mucha muhé a splika ku lesando e buki Siña for di e Gran Maestro tambe a dun’é mesun konsuelo. Kon asina? El a splika: “E buki ta skirbí manera ora un tata ta papia ku un yu chikí. Ora mi ta les’é, mi ta sinti komo si fuera mi ta den Yehova su brasa, i mi no por kontené mi lágrimanan. Tin biaha gewon mi tin gana pa un hende skucha mi i otro biahanan mi tin gana pa un hende papia ku mi ya asina mi por skuch’é. Pero miéntras ku esei ta kosnan ku un mucha chikí por pidi, ami sí no por bisa niun hende ku mi ke pa nan papia ku mi òf tene mi den nan brasa. P’esei, pa awor, Yehova ta hasiendo esei ku mi pa medio di e buki.”

E buki aki di 256 página, ku plachinan masha bunita, a keda publiká aña pasá. Pa bo haña un ehemplar, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin ningun obligashon, mi ta pidi un ehemplar di e buki Siña for di e Gran Maestro.

□ Por fabor, tuma kontakto ku mi pa un studio di Beibel grátis na kas.