For di Nos Lektornan

Yunan Manera mi a haña e seri di artíkulo “Yunan—Loke Nan Mester for di Nan Mayornan,” mi a les’é ku hopi smak. (8 di yanüari 2004) Siendo mama di sinku yu, e artíkulonan ei a konmové mi profundamente. Mare tur mama na mundu por a lesa nan.

C. M., Fransia

E artíkulonan ku boso ta publiká ta parse di yega nèt na ora pa mi. Ora ku ami ku mi kasá a haña sa ku mi ta na estado, boso a publiká informashon pa muhénan na estado. (8 di yanüari 2003) Awor ku nos ta e felis mayornan di un yu hòmber di tres luna, boso ta publiká sugerensianan maravioso enkuanto kon pa kria beibi. Pa un mama hóben, e artíkulonan aki ta masha útil.

D. K., Polonia

E Nòmber Dios E seri di artíkulo “Bo Konosé Dios na Su Nòmber?” (8 febrüari 2004) ta un di e konsiderashonnan mas bunita i profundo tokante e nòmber di Dios ku mi a mira for di tempu ku mi a bira un kristian na aña 1973. E portada yamativo, e layout, e diseño i e presentashon sumamente lógiko, a hasi e seri aki un obra maestro. Bon trabou!

D. L., Merka

Mi a haña ku e seri di artíkulonan aki tabata informativo, kompletu i bon investigá i a keda presentá den un manera masha interesante i atraktivo. Ademas, mi a gusta masha hopi di mira Yehova su nòmber skirbí na 39 idioma na kabes di e páginanan. E presentashon aki ta duna gloria i onor na Yehova su nòmber i mester apelá na hende di kurason onrado.

G.D.M., Merka

Hùiswèrk Mi ta un alumno di promé aña di skol sekundario, i semper mi tabatin problema pa manehá mi tempu. E artíkulo “Hóbennan Sa Puntra . . . Kon Mi Por Haña Tempu pa Hasi Mi Hùiswèrk?” a yuda mi. (8 di febrüari 2004) Mi no tabata wak televishon dje hopi ei, pero ora mi sinta pa wak, mi ta keda wak un programa tras di otro. Awor mi no ta wak televishon mes.

R. O., Hapon

Mi ta siguiendo un kurso na kas, i bo mester tin hopi disiplina pa siña tur dia. Ku yudansa di e sugerensianan den e artíkulo, lo mi traha tempu pa hasi mi hùiswèrk.

X. R., Merka

Mi ta kompletamente di akuerdo ku boso ku hùiswèrk ta hoga hende! Tin biaha mi mayornan ta pensa ku ta floho mi ta pasobra mi ta tuma hopi ora pa traha mi hùiswèrk. Pero tin biaha e hùiswèrk ta hopi difísil òf simplemente muchu hopi. Danki pa mustra nos kon pa haña tempu pa traha nos hùiswèrk i usa nos tempu na un manera efisiente.

J. S., Merka

Mi a haña e artíkulo hopi útil. E sugerensianan bou di e suptema “Usa Bo Tempu na un Manera Mas Efisiente” a yuda mi drecha mi kustumbernan di siña.

B. L., Italia