Bo Sa e Kontesta?

(Por haña e kontestanan dje kwes aki den e tekstonan di Beibel duná, i e lista kompletu di kontesta ta na página 30. Pa mas informashon, konsultá e publikashon na spañó “Perspikasia pa Komprondé e Skritura,” publiká dor di Testigunan di Yehova.)

1. Ounke e intenshon di Hudas tabata pa skirbi su rumannan kristian tokante e salbashon ku nan tabatin en komun, kiko el a hañ’é ta hasi en bes di esei? (Hudas 3)

2. Riba kaminda pa kua pueblo Kleopas i su kompañero tabata ora ku Hesukristu materialisá a djòin nan? (Lukas 24:13-32)

3. Segun e relato bíbliko, pa medio di kiko e Dies Mandamentu a ser skirbí riba dos tabla di piedra? (Eksodo 31:18)

4. E ‘hopi muhénan stranhero’ ku Salomon a tuma i ku “a hasi su kurason desviá pa sigui tras di otro diosnan,” tabata di kua nashonalidat? (1 Reinan 11:1, 4)

5. Ounke Hesus a hasi hopi milager, kiko su rumannan no tabatin den dje? (Juan 7:5)

6. Ounke ta dos yu hòmber di Rei David, Absalon i Adonias, na okashonnan diferente a konspirá pa tumb’é for di trono, kua di nan a hera di logra? (2 Samuel 16:15-22; 1 Reinan 1:9-11, 38-53)

7. Kiko tabata e peso di e piedranan di hagel simbóliko ku a kai ora e di shete angel a basha su kònchi di e furia di Dios? (Revelashon 16:21, NW)

8. Kiko e Skritura ta rekerí di esnan den kongregashon kristian, ora un miembro ser ekspulsá? (1 Korintionan 5:11)

9. Kua dios falsu e muhénan apóstata hebreo tabata yora den un vishon ku Ezekiel a haña? (Ezekiel 8:14)

10. Dikon Agur, e eskritor di Proverbionan kapítulo 30, a pidi pa no dun’é “ni pobresa ni rikesa”? (Proverbionan 30:8, 9)

11. Ki señal Ezekias a haña komo garantia ku Yehova lo kur’é i defendé Yerusalèm for di e asirionan? (Isaias 38:5-8)

12. Kiko e bon samaritano a hasi pa e hòmber batí i mitar morto ku el a haña riba e kaminda pa Jeriko? (Lukas 10:34)

13. Kiko lei a preskribí pa e sumo saserdote di Israel bisti na su kabes? (Eksodo 28:37)

14. Dikon Abraham a bisa na dos okashon ku Sara ta su ruman? (Génesis 12:19; 20:2)

15. Kon ta nòmber di e serunan riba kua lo a pronunsiá bendishon pa hende ku a kumpli ku e Lei di Dios i maldishon pa esnan ku a kibr’é? (Deuteronomio 11:29)

16. Den kua stat Saul, e promé rei di Israel, tabata biba? (1 Samuel 10:24-26)

17. Kon ta nòmber di e rei ku a laga tira Daniel den kueba di leon? (Daniel 6:9, 16)

 Kontestanan di e Kwes

1. Konsehá nan “pa lucha seriamente pa e fe”

2. Emaus

3. Pa medio di e “dede di Dios”

4. ‘Moabita, amonita, edomita, sidonio i heteo’

5. Fe, pues nan no a “kere den dje”

6. Absalon

7. Un talento (mas o ménos 20 kilo)

8. Pa nan no tin kontakto sosial ku e persona ei

9. Tamuz

10. Pa e no keda satisfecho ku su mes i nenga Yehova òf hòrta i profaná e nòmber di Dios

11. E sombra di solo riba e trapi di Akaz a bolbe bai dies tret patras

12. El a basha zeta i biña riba su heridanan i mara nan, i a hib’é na un posada i a perkurá p’é

13. Un tulban

14. Dor ku Sara tabata bunita, Abraham tabatin miedu ku Fárao i tambe Rei Abimelek lo a mat’é pa por a tuma Sara komo esposa

15. Seru Gerizim (bendishon); Seru Ebal (maldishon)

16. Gabaa

17. Darío