Kon pa Hala Mas Serka Dios

Hopi hende a rekomendá otro pa lesa e buki Hala Serka Yehova. Un persona ku a les’é a skirbi: “Mi a kaba di les’é, i nunka promé mi no a sinti mi asina konmoví. Danki pa tur e rekordatorionan ku ta mustra ki un Tata amoroso, bondadoso, kariñoso i interesá den nos, Yehova realmente ta.”

Splikando kon el a sinti, un otro persona a ekspresá su mes asin’aki: “E buki aki a duna mi un oportunidat pa siña konosé mi Tata mas íntimamente, esta, su pensamentunan asombroso i su sintimentunan profundo di amor pa nos tur. Ta komo si fuera bo tin un djamanta presioso, briante i bunita den bo man. I pokopoko bo ta drei é pa eksaminá kada faseta—kada kapítulo nobo ta asta mas bunita ku esun promé kuné.”

Un otro señora a remarká: “Mi a kaba di finalisá e buki Hala Serka Yehova. Ora mi a yega n’e último dos paragrafnan mi mester a stòp vários bes pa hasi orashon pasobra mi kurason tabata yen di atmirashon i amor. E buki a pone mi haña un apresio hopi mas profundo pa Yehova!”

Nos ta kere ku abo tambe lo por sinti meskos si bo lesa e buki di 320 página aki. Pa bo haña un ehemplar, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin ningun obligashon, mi ta pidi un ehemplar di e buki Hala Serka Yehova.

□ Por fabor, tuma kontakto ku mi pa un studio di Beibel grátis na kas.