E Tabatin Efekto Riba Bida di e Mucha Aki

Añanan pasá, Savinien, un mucha hòmber di nuebe aña ku tabata biba den un stat chikitu na Pennsylvania, Merka, a skirbi un karta pa ekspresá su apresio pa e publikashon Mi buki di relato bíblico. E hóben a splika ku el a kaba di lesa e buki yen di plachi ku ta ilustrá hende i susesonan ku Beibel ta papia di dje.

El a skirbí e editornan di e buki: “Mi ta haña ku boso mester sigui imprimí e buki aki pa asina boso por sigui animá mucha chikí manera ami pa siña mas di Beibel.

Loke mi a siña for di e buki aki ta, ku tur loke tin den Beibel ta bèrdat i ku el a ser skirbí pa siña nos, pa nos por wak futuro ku speransa.

Lo mi no tabata sa tur e kosnan ei si boso no a mustra interes den hóbennan i trese e informashon aki na un manera fásil pa asina nos por komprondé mihó.”

Kiko abo ta hasiendo pa animá bo yu p’e siña? Bo por manda pidi un ehemplar di Mi buki di relato bíblico. E ta un buki di 256 página i tin 116 relato di hende i susesonan ku Beibel ta papia di dje. Djis yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin ningun obligashon, mi ta pidi un ehemplar di Mi buki di relato bíblico.

□ Por fabor, tuma kontakto ku mi pa un estudio di Beibel grátis na kas.