Hopi Elogio pa un Manual pa Hóbennan

E KABES di e Akademia pa Mucha Muhé Tigoni na Limuru, Kenia, a skirbi e ofisina di sukursal di Testigunan di Yehova den e pais ei pa pidi nan algun ehemplar di e buki Loke hovenan sa puntra—Contesta práctica. El a bisa: “Manera boso sa, pa trata ku teenagernan por ta un desafio. Nos tin dos ehemplar di boso buki, i nan a resultá di ta útil pa tantu e maestronan komo e studiantenan. E tin sufisiente informashon den dje i e ta satisfasé nos nesesidatnan i tambe esnan di e teenagernan.”

Despues, e kabes di skol a bisa: “Direktiva [di skol] lo ke usa e buki práktiko aki pa instruí nos studiantenan. Nan ta gusta e buki aki mashá. Nos mayornan ta masha kontentu ku tur e esfuersonan ku nos ta hasi pa yuda nan yunan. Pa aworakí, nos ta pensa ku 25 ehemplar di e buki aki lo ta sufisiente.”

E buki Loke hovenan sa puntra ta analisá pensamentu i sintimentu di hóbennan profundamente. E ta stimulá kòmbersashonnan sano riba tópikonan manera: “Kon Mi Por Hasi Mi Mayornan Duna Mi Mas Libertat?,” “Mi Mester Hui for di Kas?,” “Kon Mi Por Haña Berdadero Amigu?,” “Kua Ofishi Mi Mester Skohe?,” “Kiko di Relashon Seksual Promé ku Kasamentu?,” i “Kon Mi Por Sa si Ta Berdadero Amor?”

Esakinan ta djis un par di título di e kapítulonan. E buki aki tin 39 kapítulo i e ta trata hopi otro tópiko. Pa bo haña un ehemplar, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 di e revista aki.

□ Sin ningun obligashon, mi ta pidi un ehemplar di e buki Loke hovenan sa puntra—Contesta práctica.

□ Por fabor, tuma kontakto ku mi pa un estudio di Beibel grátis na kas.