E Reunion Mas Importante di Aña—Bo Ta Bonbiní!

Djaweps dia 24 di mart 2005, lo tin un evento ku lo bo no ke pèrdè. Riba e dia ei mas ku seis mion Testigu di Yehova rònt mundu huntu ku miónes di amigu lo reuní na nan respektivo paisnan pa rekordá e último sena ku Hesus tabatin huntu ku su disipelnan. Siguiendo e instrukshonnan di Hesus, nan lo pasa pan sin zürdeg i biña kòrá na kada un dje reunionnan ei. Tambe nan lo splika e nifikashon di e seremonia aki.—Marko 14:22-24.

Pa hopi hende e evento aki ta konosí komo e Sena di Señor òf e Último Sena. Testigunan di Yehova ta yam’é e Konmemorashon òf Memorial di e morto di Kristu. E ta un rekordatorio masha importante di e sakrifisio ku Hesukristu a hasi na fabor di humanidat pekaminoso ora el a muri. (Juan 3:16; 1 Juan 2:2) Despues di e último sena, nan a arestá Hesus i el a muri despues na un staka komo si fuera e tabata gewon un malechor. —Juan 19:17, 18.

Lo bo risibí un bonbiní kaluroso na e reunion spesial aki, esun mas importante entre e eventonan anual di Testigunan di Yehova. Por fabor, chèk na e Salòn di Reino den bo área pa e lugá i ora eksakto dje reunion den bo bisindario.