‘Un Revista Ku Tin Dios Su Sosten’

UN HÒMBER ku ta studia Beibel ku Testigunan di Yehova na Nigeria a asistí na un seminario organisá dor di e Komité Inter-Afrikano Tokante Hende Muhé i Mucha. El a bai ku dos edishon resien di Spièrta!

Riba e promé dia di e seminario, e hòmber a realisá ku e oradó tabata usa puntonan for di un di e revistanan ku el a bin kuné. E seri di portada tabata titulá “Bida Ta Bale la Pena” (na spañó, 22 di òktober 2001). Mesora el a saka su revista i a kuminsá sigui e oradó den dje.

Na final di e dia, un abogado ku tabatin ku tene un charla e siguiente dia a mira e portada di e otro edishon di Spièrta! ku e studiante di Beibel tabatin huntu kuné. Esei a presentá e seri “Yudansa pa Hende Muhé Maltratá.” E abogado kier a fia e revista. Anochi, el a benta su boskeho original un banda i a prepará un charla nobo basá riba e artíkulonan di Spièrta! E siguiente dia, miéntras ku e abogado tabata presentá su parti, un señora sintá den e mesun fila ku e studiante di Beibel a saka su edishon di Spièrta! i a kuminsá sigui e oradó den dje.

E studiante di Beibel mes por a duna un kontribushon balioso na e diskushonnan durante e seminario debí ku el a lesa e artíkulonan di Spièrta! El a komentá: ‘Mi no tin duda ku e revista aki tin Dios su sosten.’

Abo lo tin gana di haña e revista aki entregá na kas riba un base regular? Pakiko no pidi un Testigu di Yehova hasi e areglonan nesesario pa bo hañ’é?