Nos Lo Hala Serka Dios ora Nos Siña Konos’é
Nos Kreador no ta djis poderoso, e tin bunita kualidat tambe. Ademas, e ke pa nos siña tokante dje i bira su amigu. (Huan 17:3; Santiago 4:8) P’esei, el a laga nos sa hopi kos tokante dje.
Nos Kreador Tin un Nòmber
“Bo ta digno, Yehova, nos Dios, di risibí alabansa pa bo gloria, onor i poder, pasobra ta abo a krea tur kos, i pa motibu di bo boluntat nan ta eksistí i a ser kreá.”—REVELASHON 4:11.
Beibel ta siña ku Yehova ta e úniko Dios berdadero. El a krea universo i tur loke ta biba den dje. Ta e so meresé nos adorashon.
Yehova Ta un Dios Amoroso
“Dios ta amor.”—1 HUAN 4:8.
Yehova ta usa Beibel i e kosnan ku el a krea pa siña nos ki tipo di persona e ta. Amor ta su kualidat di mas importante. Tur loke e ta hasi ta motivá pa amor. Mas nos siña tokante Yehova, mas nos lo stim’é.
Yehova Ta un Dios Ku Ta Kla pa Pordoná
“Bo ta un Dios di pordon.”—NEHEMÍAS 9:17.
Yehova sa ku nos ta imperfekto, p’esei e ta kla pa pordoná nos. Ora nos pidi Yehova pa pordoná nos i nos ta hasi nos bèst pa stòp di hasi loke ta malu, lo e pordoná nos. E no ta sigui kastigá nos pa e pikánan ku nos a kometé den pasado.—Salmo 103:12, 13.
Yehova Ke pa Nos Hasi Orashon na Dje
“SEÑOR ta serka di tur esnan ku ta sklama na dje . . . E lo tende nan sklamashon.”—SALMO 145:18, 19.
Nos no mester di un seremonia spesial, imágen ni otro opheto pa adorá Yehova. E ta skucha nos orashonnan meskos ku un mayor amoroso ta skucha su yunan.
Otro Artíkulo Interesante
PREGUNTA KU BEIBEL TA KONTESTÁ
Ken Ta Yehova?
E ta Dios di un grupo di hende so, manera e israelitanan?
PREGUNTA KU BEIBEL TA KONTESTÁ
Dios Ta un Forsa Sin Personalidat?
Beibel ta bisa ku Dios a krea tur kos, pero e ta interesá den nos?
PREGUNTA KU BEIBEL TA KONTESTÁ
Dios Lo Pordoná Mi?
Haña sa kiko Beibel ta bisa tokante kon Dios ta pordoná.
