Dikon Hende No Tin Rèspèt Mas pa Nan Mes?
DIKON TA IMPORTANTE PA NOS TIN RÈSPÈT PA NOS MES
Hende ku tin balor propio por enfrentá e problemanan di bida ku konfiansa. Nan no ta entregá fásilmente.
-
Investigashon ta mustra ku hende ku no tin rèspèt pa nan mes por sufri mas di ansiedat, depreshon òf problema ku komementu. Ademas, nan tin mas chèns di bebe di mas i usa droga.
-
Hende ku tin balor propio ta evitá di kompará nan mes ku otro hende. P’esei, ta mas fásil tambe pa nan trata ku otro hende i sera amistat fuerte ku otro hende. Di otro banda, hende ku tin poko balor propio tin tendensia di kritiká, loke ta daña nan amistat ku otro hende.
-
Hende ku tin rèspèt pa nan mes ta mustra perseveransia, asta ora nan ta enfrentá problema. Nan no ta laga problema chikitu stroba nan di logra nan meta. Na kontraste, hende ku tin poko rèspèt pa nan mes, hopi biaha ta laga problema chikitu bira opstákulo grandi. Esei por pone ku nan ta entregá fásilmente.
LOKE BO POR HASI
Skohe amigu ku ta animá bo. Sera amistat ku hende ku ta mustra rèspèt, ku ke bo bon i ku ta animá bo.
Yuda otro hende. Ora bo trata hende bon i hasi kos pa nan, inkluso hende ku no por paga bo bèk, lo bo mira ku dunamentu ta hasi bo realmente felis. Ademas, lo bo ta felis asta si otro hende no ripará loke bo a hasi.
Yuda bo yunan kultivá rèspèt pa nan mes. Un manera pa yuda nan hasi esei ta di duna nan espasio pa resolvé problema riba nan mes, te asina leu ku nan por. Esaki ta yuda nan siña trata ku problema i resolvé nan. Ora e yunan siña hasi esei, nan lo tin mas balor propio awor i esei lo yuda nan ora nan bira grandi tambe.
LOKE NOS TA HASI
E reunionnan ku nos komo Testigunan di Yehova ta tene i e kursonan di Beibel ku nos ta duna ta yuda hende biba mihó i asina tin mas rèspèt pa nan mes.
NOS REUNIONNAN SEMANAL
Na nos reunionnan semanal, nos ta disfrutá di diskurso basá riba Beibel. E diskursonan ei ta inkluí sugerensia ku ta yuda nos kultivá balor propio. Nos reunionnan ta grátis i tur hende ta bonbiní. Por ehèmpel, na nos reunionnan lo bo siña . . .
-
dikon bo ta importante pa Dios
-
kon pa haña berdadero propósito den bida
-
kon pa sera amistat duradero ku otro hende
Ademas, lo bo sera konosí ku berdadero amigu ku ta “preokupá pa otro.”—1 Korintionan 12:25, 26.
Pa haña sa mas tokante nos reunionnan, wak e vidio kòrtiku Kiko Ta Sosodé na un Salòn di Reino? Bo por buska e vidio riba jw.org.
NOS KURSO DI BEIBEL
Nos ta ofresé kurso di Beibel interaktivo ku e buki Bo Por Disfrutá di Bida pa Semper! E buki akí tin pregunta ku lo yuda un studiante rasoná riba teksto di Beibel klave. Ademas, e buki tin vidio emoshonante i bunita plachi ku ta apoyá loke un studiante ta siña for di Beibel. Nos kurso di Beibel ta yuda hende sinti ku nan tin balor i ta yuda nan mehorá nan bida.
Pa haña sa kon un kurso di Beibel ku Testigunan di Yehova por yuda bo wak e vidio kòrtiku Dikon Analisá Loke Beibel Ta Bisa? Bo por haña e vidio riba jw.org.
Otro Artíkulo Interesante
PREGUNTA KU BEIBEL TA KONTESTÁ
Kiko Beibel ta Bisa Tokante Stima Bo Mes?
Hesus a bisa: “stima bo próhimo meskos ku bo mes.” Kiko e tabata ke men?
TOKANTE NOS
Pidi un Bishita
Papia tokante un tópiko di Beibel òf haña sa mas tokante Testigunan di Yehova.
TOKANTE NOS
Reunion di Kongregashon di Testigunan di Yehova
Haña sa unda i kon nos ta adorá Dios. Tur hende ta bon biní i no ta pasa kolèkt.
