HESUS a bisa: “Tin mas felisidat den duna ku den risibí.” (Echo. 20:35) E bèrdat fundamental akí ta apliká na nos relashon ku Yehova tambe. Kon asina? Yehova a duna nos hopi regalo ku ta hasi nos felis, pero nos por ta asta mas felis si nos duna Yehova regalo. Ki regalo nos por duna Yehova? Proverbionan 3:9 ta bisa: “Onra SEÑOR ku bo rikesa.” Nos “rikesa” ta inkluí nos tempu, nos talentonan, nos energia i nos kosnan material. Ora nos usa nos rekursonan pa promové adorashon berdadero, ta komo si fuera nos ta duna Yehova regalo, i esaki ta trese hopi felisidat.

Kiko lo yuda nos pa nos no lubidá di duna Yehova regalo for di nos rekursonan material? Apòstel Pablo a bisa e korintionan pa “pone algu un banda” komo kontribushon. (1 Kor. 16:2) Si bo ta deseá mas informashon tokante e diferente maneranan ku bo por hasi donashon kaminda bo ta biba, por fabor, wak e kuadro aki bou.

E opshon di hasi donashon online no ta disponibel pa tur pais. Sinembargo, riba e página di donashon bo por haña informashon tokante otro manera ku bo por hasi donashon. Na algun pais, e página akí tin un dokumento ku ta kontestá pregunta ku hopi hende sa hasi tokante donashon.