Bo por kontestá e siguiente preguntanan basá riba E Toren di Vigilansia di 2019?

Kiko Dios tabata ke men ora el a primintí: “Ningun arma ku wòrdu formá kontra bo lo no prosperá”? (Isa. 54:17)

Nos por konfia ku Dios lo protehá nos kontra tempestat destruktivo ku ta manera “rosea [òf, “furia,” BPK] di hende kruel.” (Isa. 25:4, 5) Nos enemigunan lo no logra kousa nos daño permanente.—w19.01, pág. 6-7.

Kon e manera ku Dios a trata e israelitanan desobediente i e kananeonan a reflehá su hustisia?

Dios a husga hende ku a partisipá den akto seksual repugnante òf ku a hasi kos inhustu kontra hende muhé i mucha. El a bendishoná hende ku a obedes’é i ku a trata otro hende na un manera hustu.—w19.02, pág. 22-23.

Kiko nos mester hasi si nos ta presente ora un hende ku no ta Testigu di Yehova hasi orashon?

Nos por keda ketu i tòg mustra rèspèt, pero nos lo no bisa “amèn” ni tene man di otro hende presente. Nos por hasi nos mes orashon den silensio.—w19.03, pág. 31.

Kon serio abusu seksual di mucha ta?

Abusu seksual di mucha ta un piká kontra e víktima, e kongregashon, gobièrnu i Dios. Si un pais tin lei ku ta rekerí pa hasi denunsia di abusu seksual di mucha, e ansianonan den e pais ei ta obedesé tal lei.—w19.05, pág. 9-10.

Kon bo por kambia òf mehorá bo aktitut mental dominante?

E kosnan importante ta: Papia ku Yehova den orashon. Meditá ku e meta di analisá bo mes. Sea sabí i skohe bon amistat.—w19.06, pág. 11.

Kiko nos por hasi for di awor pa prepará pa persekushon?

Nos mester fortalesé nos amistat ku Yehova. Konfia ku e stima nos i ku hamas lo e bandoná nos. Lesa Beibel tur dia i hasi hopi orashon. Sea konvensí ku e promesanan tokante e Reino lo kumpli sigur. Siña teksto bíbliko faborito i kantika di alabansa for di kabes.—w19.07, pág. 2-4.

Kiko nos por hasi pa yuda nos famia salba?

Ta importante pa nos mustra empatia, laga nos ehèmpel duna un bon testimonio i tene pasenshi i usa takto.—w19.08, pág. 15-17.

Kon nos ta ser refreská, manera Hesus a primintí na Mateo 11:28?

Nos tin superintendentenan kristian ku ta stima nos, e mihó koleganan i e mihó trabou.—w19.09, pág. 23.

Kon Dios por duna nos e deseo i e poder pa hasi loke ta agrad’é? (Flp. 2:13)

Segun ku nos ta lesa Beibel i meditá riba dje, Dios por duna nos tantu e deseo komo e poder pa hasi tur loke ta agrad’é. Su spiritu santu por mehorá nos abilidat- i kapasidatnan.—w19.10, pág. 21.

Kiko ta sabí pa nos hasi promé ku nos tuma un desishon importante?

E sinku kosnan ta: Hasi bon investigashon. Pidi Yehova pa sabiduria. Analisá bo motivashonnan. Pone meta spesífiko. Sea realístiko.—w19.11, pág. 27-29.

E idea di un alma inmortal ta originá for di loke Satanas a bisa Eva?

Parse ku nò. Satanas a bisa Eva ku lo e no muri; e no a bisa Eva ku su kurpa so lo muri. Kualke idea religioso falsu lo no a sobrebibí Diluvio. E kreensia di alma inmortal probablemente a originá promé ku Dios a plama e hendenan ku tabata traha riba e toren di Babel.—w19.12, pág. 15.