ARTÍKULO DI ESTUDIO 39
“Ata un Multitut Grandi”
“Ata un multitut grandi ku ningun hende no por a konta, . . . pará dilanti di e trono i dilanti di e Lamchi.”—REV. 7:9.
KANTIKA 60 Pa Nan Por Haña Bida
UN BISTA ADELANTÁ *
1. Ki situashon difísil apòstel Huan tabata aden rònt di aña 95?
RÒNT di aña 95 di promé siglo, apòstel Huan tabata den un situashon hopi difísil. E tabata di edat avansá, prezu riba e isla di Patmos, i probablemente e úniko apòstel ku ainda tabata na bida. (Rev. 1:9) E tabata sa ku tabatin apóstata ku tabata plama siñansa falsu den e kongregashonnan i kousa desunion. A parse ku berdadero kristianismo tabata halando su último rosea.—Hudas 4; Rev. 2:15, 20; 3:1, 17.
Apòstel Huan a mira “un multitut grandi” bistí na paña largu blanku i ku rama di palma den nan man (Wak paragraf 2)
2. Segun Revelashon 7:9-14, ki vishon emoshonante Huan a haña? (Wak e plachi riba portada.)
2 Meimei di tur e difikultatnan ei, Huan a haña un vishon emoshonante tokante futuro. Den e vishon ei, kuater angel a haña òrdu pa tene e bientunan destruktivo di e tribulashon grandi te ora kaba ku e seyamentu final di un grupo di esklabo. (Rev. 7:1-3) E grupo ei ta konsistí di 144.000 persona ku lo reina ku Hesus den shelu. (Luk. 12:32; Rev. 7:4) Djei, Huan a mira un otro grupo di hende, un grupo di hende masha grandi mes. El a bisa: “Ata un multitut grandi ku ningun hende no por a konta, for di tur nashon, tribu, pueblo i idioma, i nan tabata pará dilanti di e trono i dilanti di e Lamchi.” (Lesa Revelashon 7:9-14.) Imaginá bo kon kontentu Huan lo tabata di sa ku, den futuro, míles di hende lo a adorá Dios na e manera korekto!
3. (a) Dikon e vishon di Huan lo fortalesé nos fe? (b) Kiko nos lo siña den e artíkulo akí?
3 Sin duda, e vishon ei a fortalesé Huan su fe hopi. I e vishon ei mester fortalesé nos fe mas ainda pasobra nos ta biba den e tempu ku e vishon ei lo kumpli! Nos ta mira e
reunimentu di miónes di hende ku tin e speransa di sobrebibí e tribulashon grandi i biba pa semper riba tera. Den e artíkulo akí, nos lo siña kon Yehova a laga su pueblo sa for di mas ku 80 aña pasá kiko òf ken e multitut grandi ei ta. Despues, nos lo analisá dos karakterístika di e multitut ei: (1) ku e ta masha grandi i (2) ku su miembronan ta bini for di rònt parti di mundu. E puntonan ei lo fortalesé fe di tur hende ku tin e speransa maravioso di ta forma parti di e grupo ei.UNDA E MULTITUT GRANDI LO BIBA?
4. Ki bèrdat di Beibel religion no ta siña hende, i kon Studiantenan di Beibel a mustra ku nan tabata diferente?
4 Generalmente, religion no ta siña hende e bèrdat di Beibel ku hende obediente na Dios lo biba pa semper riba tera. (2 Kor. 4:3, 4) Mayoria di religion di kristiandat ta bisa ku tur bon hende ta bai shelu ora nan muri. Pero, Studiantenan di Beibel ku for di 1879 tabata publiká e revista ku awe yama E Toren di Vigilansia tabatin un punto di bista diferente. Nan a komprondé ku Dios lo transformá e tera den un paradeis i ku miónes di hende obediente na dje lo biba aki riba tera—no den shelu. Pero, a tuma tempu pa nan haña sa ken e hendenan ei lo tabata.—Mat. 6:10.
5. Kiko Studiantenan di Beibel a komprondé tokante e 144.000?
5 Ta klaru ku Studiantenan di Beibel tambe a komprondé ku, di akuerdo ku Beibel, algun hende lo “a ser kumprá for di tera” pa reina ku Hesus den shelu. (Rev. 14:3) E grupo ei lo a konsistí di 144.000 kristian zeloso i dediká ku a sirbi Dios fielmente tempu nan tabata riba tera. Pero, ken lo a forma parti di e multitut grandi?
6. Kiko Studiantenan di Beibel a komprondé tokante e multitut grandi?
6 Huan a mira ku e multitut grandi tabata “pará dilanti di e trono i dilanti di e Lamchi.” (Rev. 7:9) E palabranan ei a pone ku Studiantenan di Beibel a konkluí ku, meskos ku e 144.000, e multitut grandi tambe lo a bai biba den shelu. Pero, si tantu e 144.000 komo e multitut grandi lo biba den shelu, kiko lo ta e diferensia entre nan? Studiantenan di Beibel a pensa ku e multitut grandi lo a konsistí di kristian ku no tabata kompletamente obediente na Dios tempu nan tabata riba tera. Aunke e kristiannan ei a sigui e normanan moral bíbliko, kisas algun di nan ainda tabata forma parti di religion falsu. Studiantenan di Beibel a konkluí ku e kristiannan ei tabatin un grado di zelo, pero no sufisiente pa reina ku Hesus. Komo ku e multitut grandi no tabata stima Dios sufisiente, nan lo por tabata den shelu dilanti e trono, pero no sintá riba e trononan.
7. (a) Di akuerdo ku Studiantenan di Beibel, ken lo a biba riba tera durante e periodo di Mil Aña? (b) Kiko nan a kere ku lo pasa ku e hòmbernan fiel di pasado?
7 E ora ei, ken lo biba riba tera? Studiantenan di Beibel tabata kere ku despues ku e 144.000 personanan ungí i e multitut grandi bai shelu, miónes di hende lo haña oportunidat di biba riba tera i disfrutá di e bendishonnan di e Reinado di Mil Aña di Kristu. Studiantenan di Beibel no a kere ku e miónes di hendenan ei lo a sirbi Yehova promé ku e Reinado di Kristu. Nan a kere ku e grupo ei lo a siña tokante Yehova durante e Sal. 45:16.
periodo di Mil Aña. Na fin di e periodo di Mil Aña, esnan ku a kumpli ku Yehova su normanan lo a haña bida eterno riba tera. Ma, esnan rebelde lo a ser destruí. Studiantenan di Beibel a kere tambe ku algun di e hendenan ku lo a sirbi komo “prens” riba tera durante e periodo di Mil Aña por a bai shelu na fin di e periodo ei. Entre e prensnan ei lo tabatin algun hòmber fiel ku a muri promé ku Kristu a muri i ku a ser resusitá.—8. Ki tres grupo Studiantenan di Beibel a kere tabatin?
8 Pues, Studiantenan di Beibel a kere ku tabatin tres grupo: (1) e 144.000 personanan ungí ku lo a reina ku Hesus den shelu; (2) e multitut grandi di kristian ku ménos zelo, ku lo a para dilanti e trono i dilanti e Lamchi den shelu i (3) miónes di hende ku lo a siña tokante Yehova riba tera durante e Reinado di Mil Aña di Kristu. * Pero, na Yehova su debido tempu, lus di e bèrdat tokante e tópiko ei a kuminsá bira mas i mas kla.—Pro. 4:18.
LUS DI E BÈRDAT TA BRIA MAS KLA
Na e kongreso na 1935, hopi hende ku e speransa di biba riba tera a batisá (Wak paragraf 9)
9. (a) Den ki sentido e multitut grandi por para “dilanti di e trono i dilanti di e Lamchi” asta bibando riba tera? (b) Dikon e splikashon di Revelashon 7:9 tin sentido?
9 Na 1935, a bira kla ken tabata e multitut grandi den Huan su vishon. Testigunan di Yehova a komprondé ku e multitut grandi no mester a bai literalmente den shelu pa para “dilanti di e trono i dilanti di e Lamchi.” Nan por a hasi esei asta bibando riba tera. Para “dilanti di e trono” ta nifiká aseptá Yehova su outoridat i ta obediente na dje. (Isa. 66:1) Para “dilanti di e Lamchi” ta nifiká ehersé fe den e sakrifisio di reskate di Hesus. Ta interesante pa nota ku Mateo 25:31 i 32 ta bisa ku “tur e nashonnan”—inkluso hende malbado—‘lo ser reuní dilanti’ Hesus su trono glorioso. Ta klaru ku e nashonnan ei no ta den shelu ma riba tera. E komprondementu nobo ei tabatin sentido. Beibel no ta bisa niun kaminda ku e multitut grandi ta bai shelu. E úniko grupo ku tin e speransa pa bida eterno den shelu ta e 144.000 personanan ungí ku “lo goberná e tera” huntu ku Hesus.—Rev. 5:10.
10. Dikon e multitut grandi mester siña tokante Yehova su normanan promé ku e Reinado di Mil Aña di Kristu?
10 Pues, desde 1935, Testigunan di Yehova a komprondé ku e multitut grandi ku Huan a mira ta konsistí di un grupo di kristian fiel ku tin e speransa di biba pa semper riba tera. Pa sobrebibí e tribulashon grandi i “logra skapa di tur e kosnan akí ku sigur lo sosodé,” e multitut grandi mester siña tokante Yehova su normanan i demostrá ku nan tin fe fuerte promé ku e Reinado di Mil Aña di Kristu.—Luk. 21:34-36.
11. Dikon algun Studiante di Beibel a pensa ku lo tabatin hòmber fiel ku kisas lo a bai shelu despues di e periodo di Mil Aña?
11 Manera nos a mira den paragraf 7, algun Studiante di Beibel a kere ku lo tabatin hòmber fiel ku lo a bai shelu despues di e periodo di Mil Aña. Dikon nan a pensa asina? E posibilidat ei a bini dilanti den e edishon di 15 di febrüari 1913, di e revista ku awe nos konosé komo E Toren di Vigilansia. Algun hende kisas a rasoná asin’akí: ‘Si e kristiannan ku no
tabata asina obediente ta bai shelu, dikon e hòmbernan fiel di pasado lo djis biba riba tera?’ Klaru ku e manera di pensa ei tabata basá riba dos idea robes: (1) ku e multitut grandi lo biba den shelu i (2) ku e multitut grandi lo konsistí di kristian ku ménos zelo.12-13. Kiko tantu e ungínan komo e multitut grandi ta komprondé?
12 Pero manera nos a mira, desde 1935, Testigunan di Yehova a komprondé ku e hendenan ku sobrebibí Armagedon ta e multitut grandi di Huan su vishon. Nan lo “sobrebibí e tribulashon grandi” aki riba tera i lo “grita: ‘Nos debe nos salbashon na Dios, kende ta sintá riba e trono, i na e Lamchi!’” (Rev. 7:10, 14) Ademas, Beibel ta bisa ku e hendenan ku lo resusitá pa biba den shelu lo risibí “algu mihó” ku e hòmbernan fiel di pasado. (Heb. 11:40) E komprondementu nobo ku nos rumannan a haña na 1935 a yena nan ku entusiasmo. Nan a kuminsá invitá hende pa sirbi Yehova ku e speransa di biba pa semper riba tera.
13 E hendenan ku ta forma parti di e multitut grandi ta masha kontentu ku e speransa ku nan tin. Nan ta komprondé ku Yehova tin tur derecho di disidí si su fiel sirbidónan lo sirbié den shelu òf riba tera. Tantu e ungínan komo e multitut grandi ta komprondé ku nan rekompensa ta posibel solamente debí ku Yehova ta bondadoso i a perkurá e sakrifisio di reskate di Hesukristu.—Rom. 3:24.
GRANDI DEN KANTIDAT
14. Dikon hopi ruman tabata duda si e profesia tokante e multitut grandi lo a kumpli?
14 Ku e komprondementu nobo di 1935, hopi ruman ainda tabata puntra nan mes kon e kantidat di hende ku tin e speransa di biba riba tera lo bira “grandi.” Ronald Parkin, kende tabatin 12 aña ora a splika e komprondementu nobo, a bisa: “E tempu ei, tabatin mas o ménos 56.000 publikadó rònt mundu i hopi, kisas mayoria di nan, tabata ungí. Pues, e multitut grandi no a parse dje grandi ei.”
15. Splika kon kresementu di e multitut grandi a tuma lugá.
15 Durante e dékadanan ku a sigui, e organisashon a kuminsá manda misionero na diferente pais i e kantidat di Testigunan di Yehova a kuminsá oumentá. Djei, na 1968, nos a kuminsá studia Beibel ku hende usando e buki E berdad cu ta hiba na bida eterna. E buki ei a splika e bèrdat Isa. 60:22) Den e añanan mas resien, Yehova su organisashon a produsí vários ekselente hèrmènt pa yuda mas hende haña sa loke Beibel ta siña. Ta bisto ku Yehova ta reuniendo un multitut grandi—ku awor ta mas ku ocho mion.
na un manera asina simpel ku hende humilde a sinti nan atraí na Yehova manera nunka promé. Den un lapso di kuater aña, mas ku mei mion hende a batisá. Unabes ku Iglesia Katóliko a kuminsá pèrdè su gara riba Latinoamérika i otro pais, i prohibishon di nos obra a kita na Ost Europa i parti di Afrika, miónes di hende mas a batisá. (GRANDI I DIVERSO
16. For di unda e multitut grandi ta bini?
16 Ora Huan a skirbi su vishon, el a bisa ku e multitut grandi lo a bini “for di tur nashon, tribu, pueblo i idioma.” Profeta Zakarías a bisa algu paresido hopi aña promé. El a skirbi: “Den e dianan ei dies hòmber for di tur [“idioma di,” NW] e nashonnan lo kohe bistí di un hudiu tene, bisando: ‘Laga nos bai ku boso, pasobra nos a tende ku Dios ta ku boso.’”—Zak. 8:23.
17. Kiko Testigunan di Yehova ta hasi pa yuda hende di tur nashon i idioma?
17 Testigunan di Yehova sa ku pa reuní Mat. 24:14; Huan 13:35.
hende di tur idioma, e bon notisia mester ser prediká den hopi idioma. Ya nos tin mas ku 130 aña kaba ta tradusí publikashon bíbliko. Pero awor, mas ku nunka promé, nos ta tradusiendo den sientos di idioma. Ta klaru ku Yehova ta hasiendo un milager den nos tempu: reuní un multitut grandi for di tur nashon. Awor ku Beibel i publikashon bíbliko ta disponibel den mas idioma, e multitut grandi i diverso ei ta uní den adorashon na Yehova. I Testigunan ta bon konosí pa nan predikashon zeloso i nan amor pa otro. Mirando tur esei sin duda ta fortalesé nos fe!—KIKO E VISHON TA NIFIKÁ PA NOS?
18. (a) Segun Isaías 46:10 i 11, dikon no ta sorprendé nos di mira kon Yehova ta kumpliendo ku e profesia tokante e multitut grandi? (b) Dikon e hendenan ku lo biba riba tera no ta sinti nan ekskluí?
18 E profesia tokante e multitut grandi realmente ta emoshonante! Anto no ta sorprendé nos di mira kon Yehova ta kumpliendo ku e profesia ei na un manera asina maravioso. (Lesa Isaías 46:10, 11.) E miembronan di e multitut grandi ta masha gradisidu pa e speransa ku Yehova a duna nan. E echo ku nan no a ser ungí ku Dios su spiritu pa sirbi ku Hesus den shelu no ta laga nan sinti ku nan ta ekskluí. Ora nos lesa Beibel, nos ta haña relato di hopi hende fiel, manera Huan Boutista i David, ku a ser guiá pa spiritu santu pero ku no ta forma parti di e 144.000. (Mat. 11:11; Echo. 2:34) Nan i hopi otro hende lo resusitá pa biba den Paradeis riba tera. Tantu esnan resusitá komo e multitut grandi lo haña e oportunidat pa demostrá ku nan ta leal na Yehova i na su soberania.
19. Kiko nos lo hasi si nos ta komprondé e vishon tokante e multitut grandi?
19 Nunka promé den historia Yehova a reuní miónes di hende for di tur nashon pa ador’é. Sea ku nos tin e speransa di biba den shelu òf riba tera, nos mester yuda mas tantu hende posibel pa forma parti di e multitut grandi di “otro karné.” (Huan 10:16) Pronto, Yehova lo trese e tribulashon grandi ku lo destruí tur gobièrnu i religion ku ta kousa asina tantu sufrimentu pa humanidat. Tur miembro di e multitut grandi tin un oportunidat maravioso nan dilanti: sirbi Yehova riba tera pa semper!—Rev. 7:14.
KANTIKA 139 Imaginá Bo den e Mundu Nobo
^ par. 5 E artíkulo akí lo trata e vishon di Huan ku a profetisá e reunimentu di “un multitut grandi.” Sin duda, e profesia ei lo fortalesé fe di tur hende ku tin e speransa maravioso di forma parti di e grupo ei.
^ par. 8 Wak Testigunan di Yehova—Proklamadónan di e Reino di Dios (na spañó), pág. 159-163.