ARTÍKULO DI ESTUDIO 35
Yehova Ta Balorá Su Sirbidónan Humilde
“SEÑOR . . . ta atendé e hende humilde.”—SAL. 138:6.
KANTIKA 48 Kana Tur Dia ku Yehova
UN BISTA ADELANTÁ *
1. Kon Yehova ta mira hende humilde? Splika.
YEHOVA ta stima hende humilde. P’esei, solamente hende ku di bèrdat ta humilde por tin un amistat será kuné. Di otro banda, Yehova “ta oponé hende orguyoso.” (Sant. 4:6) Nos tur ke agradá Yehova i sinti su tierno amor. Pues, ta masha importante pa nos siña kultivá humildat.
2. Ki pregunta nos lo kontestá den e artíkulo akí?
2 Den e artíkulo akí, nos lo kontestá e siguiente preguntanan: (1) Kiko ta humildat? (2) Dikon nos mester ta humilde? (3) Ki situashon por pone nos humildat na prueba? Manera nos lo mira, ora nos ta humilde, nos ta hasi Yehova kontentu i lo bai bon ku nos.—Pro. 27:11; Isa. 48:17.
KIKO TA HUMILDAT?
3. Kon lo bo deskribí un hende humilde?
3 Un hende humilde no ta orguyoso ni arogante. E no ta pensa ku e ta mihó ku otro hende. Beibel ta bisa ku un hende humilde ta rekonosé ku Yehova ta mas grandi kuné. E ta konsiderá ku tur otro persona, den un manera òf otro, ta superior na dje.—Flp. 2:3, 4.
4-5. Nos por bisa ku un hende ta humilde djis pasobra e ta parse di ta humilde? Splika.
4 Tin hende ta parse di ta humilde. Kisas di naturalesa nan ta tímido òf reservá. Òf, nan ta masha respetuoso i amabel debí na nan kultura i kriansa. Pero, kisas en realidat Luk. 6:45.
nan por ta masha orguyoso. Hende asina, tardi òf trempan, lo revelá ken realmente nan ta di paden.—5 Di otro banda, hende ku ta parse di ta sigur di nan mes i ku no tin miedu di bisa loke nan ta pensa no nesesariamente ta orguyoso. (Huan 1:46, 47) Pero, un hende asina mester tene kuidou pa e no konfia demasiado den su mes kapasidat- i abilidatnan i asina bira orguyoso. Sea ku nos ta reservá òf nò, nos tur mester hasi nos máksimo esfuerso pa nos ta humilde di kurason.
Apòstel Pablo tabata humilde i no a pensa ku e tabata importante (Wak paragraf 6) *
6. Segun 1 Korintionan 15:10, kiko nos por siña for di ehèmpel di Pablo?
6 Laga nos trata ehèmpel di apòstel Pablo. Yehova a us’é pa lanta vários kongregashon nobo, den un stat tras di otro. Posiblemente, el a asta prediká den mas stat ku kualke otro apòstel di Hesukristu. Apesar di tur esei, Pablo no a halsa su mes riba su rumannan. Ku humildat, el a atmití: “Mi ta esun di mas insignifikante di e apòstelnan, i mi no ta digno di ser yamá apòstel, pasobra mi a persiguí e kongregashon di Dios.” (1 Kor. 15:9) Anto, el a bisa ku e úniko motibu ku e tabata un bon amigu di Yehova ta pasobra Yehova a mustr’é bondat inmeresí i no pasobra e tabata spesial òf a logra hopi kos. (Lesa 1 Korintionan 15:10.) Sin duda, Pablo tabata un hende humilde. E karta ku el a skirbi na e korintionan a mustra esei, foral si tene na kuenta ku algun ruman na Korinto tabata kritik’é.—2 Kor. 10:10.
Karl F. Klein, un ruman humilde kende a forma parti di Kuerpo Gobernante (Wak paragraf 7)
7. Kon un ruman bon konosí a demostrá humildat?
7 Hopi sirbidó di Yehova a lesa e historia di bida animante di Ruman Karl F. Klein, kende tabata miembro di Kuerpo *
Gobernante. Humildemente, el a rekonosé ku e tabatin algun problema i debilidat ku e mester a lucha kuné pa hopi aña. Por ehèmpel, na 1922, el a purba di prediká di kas pa kas. El a haña esei asina difísil ku e no a partisipá den dje pa dos aña largu. Despues, sirbiendo na Bètel, el a tene un ruman ku a dun’é konseho na kurason. Tambe, el a bira malu emoshonalmente debí na strès i ansiedat, pero despues el a rekuperá. Apesar di tur esei, el a risibí hopi asignashon importante i emoshonante. Pensa riba esaki: aunke Ruman Klein tabata bon konosí, e tabata humilde i no tabatin bèrgwensa di atmití su fayonan. No ta pòrnada ku hopi ruman tin grato rekuerdo di Ruman Klein i su historia di bida interesante.DIKON NOS MESTER TA HUMILDE?
8. Kon 1 Pedro 5:6 ta mustra ku humildat ta agradá Yehova?
8 E motibu di mas importante pa nos ta humilde ta pasobra esei ta agradá Yehova. Apòstel Pedro a indiká esei bon kla. (Lesa 1 Pedro 5:6.) Refiriendo na e palabranan di Pedro, e buki “Bin, Sigui Mi” ta bisa: “Arogansia ta manera venenu. E efektonan por ta devastador. Arogansia ta un kualidat ku por pone e persona di mas talentoso bira inútil den bista di Dios. Di otro banda, humildat por hasi asta e persona di mas ménos bira masha útil pa Yehova. . . . [E] lo tin deleite den rekompensá bo pa bo humildat.” * No tin nada mas mihó ku agradá Yehova su kurason!—Pro. 23:15.
9. Kon humildat ta atraé otro hende na nos?
9 Ora nos ta humilde, fuera di agradá Yehova, nos mes ta benefisiá. Si nos ta humilde, otro hende lo gusta di ta rònt di nos. Kon asina? Wèl, puntra bo mes rònt di ki tipo di hende abo gusta ta. (Mat. 7:12) Abo gusta ta rònt di hende ku ta insistí pa hasi kos manera nan ke i ku nunka ta aseptá sugerensia di otro? Di otro banda, no ta bèrdat ku ta dushi pa ta huntu ku rumannan ku ta mustra “sintimentu pa otro, kariño pa e rumannan, tierno kompashon i humildat”? (1 Ped. 3:8) Si nos gusta ta rònt di hende asina, nos mester ta humilde pa nan tambe ke ta rònt di nos.
10. Kon humildat ta hasi nos bida mas fásil?
Ekl. 10:7) Hende ku hopi kapasidat i abilidat no semper ta risibí e rekonosementu ku nan ta meresé. I tin biaha hende ku ménos kapasidat i abilidat ta risibí hopi elogio i atenshon. Pero, Sálomon a komprondé ku e mihó kos pa hasi ta di aseptá realidat i no keda enfoká riba situashon inhustu. (Ekl. 6:9) Si nos ta humilde, ta mas fásil pa nos aseptá bida manera e ta, i no manera nos ke pa e ta.
10 Humildat ta hasi nos bida mas fásil tambe. Lo bai tin biaha ku nos ta mira kos ku, for di nos punto di bista, no ta bon ni hustu. E rei sabí Sálomon a atmití: “Mi a mira esklabonan ta kore riba kabai, i prensnan ta kana na pia manera esklabo.” (ALGUN SITUASHON KU POR PONE NOS HUMILDAT NA PRUEBA
Dikon situashon manera esaki por pone nos humildat na prueba? (Wak paragraf 11-12) *
11. Kon nos mester reakshoná ora nos haña konseho?
11 Tur dia nos tin hopi oportunidat pa demostrá ku nos ta humilde. Laga nos wak algun situashon. Ora nos haña konseho. Ta bon pa nos kòrda ku si un hende a tuma tempu pa duna nos konseho, ta pasobra probablemente nos eror mester tabata mas grandi ku nos a kere. Kisas nos promé inklinashon ta di rechasá e konseho. Podisé nos ta kritiká e hende ku a duna nos konseho òf e manera ku el a konsehá nos. Ma, si nos realmente ta humilde, nos lo hasi esfuerso pa korigí nos aktitut.
12. Segun Proverbionan 27:5 i 6, dikon nos tin ku keda kontentu ora un hende duna nos konseho? Ilustrá.
12 Hende humilde ta keda kontentu ora nan haña konseho. Pa ilustrá: imaginá ku bo ta na Salòn di Reino. Despues di a papia ku vários ruman, un di nan ta hala bo un banda i ta bisa bo na bos abou: “Bo tin un kos meimei di bo djente.” Sin duda, bo ta sinti hopi bèrgwensa. Pero, bo no ta keda kontentu ku e ruman a bisa bo esei? Asta lo bo a preferá ku un hende lo a bisa bo esei mas promé! Di mes manera, si un ruman tuma kurashi pa duna nos konseho ora nos mester di dje, nos mester ta humilde i gradisidu. Nos mester mira e ruman ei komo nos amigu, i no komo enemigu.—Lesa Proverbionan 27:5, 6; Gal. 4:16.
Dikon nos mester ta humilde ora otro ruman haña privilegio? (Wak paragraf 13-14) *
13. Kon nos por demostrá humildat ora otro ruman haña privilegio?
13 Ora otro ruman haña privilegio. Un ansiano ku yama Jason a atmití: “Tin biaha, ora mi mira otro ruman haña privilegio, mi ta puntra mi mes dikon nan 1 Tim. 3:1) Pero, nos mester protehá nos mente. Si nos no paga tinu, nos por laga orguyo krese den nos kurason. Por ehèmpel, un ruman hòmber kisas por kuminsá pensa ku e ta esun mas kualifiká pa un sierto asignashon. Òf un ruman muhé por pensa: ‘Mi kasá por kumpli ku e asignashon ei mihó ku ruman tal i tal!’ Pero, si nos ta realmente humilde, nos lo no tin un aktitut orguyoso asina.
no a skohe ami.” Bo a yega di sinti asina? No tin nada malu si nos ke hasi mas den sirbishi di Yehova. (14. Kiko nos por siña for di e manera ku Moises a reakshoná ora otro hende a haña privilegio?
14 Nos por siña hopi for di e ehèmpel di Moises. Sin duda, el a apresiá su asignashon komo lider di e nashon di Israel. Pero despues, Yehova a permití otro hende pa traha huntu ku Moises. Kon Moises a reakshoná? E no a bira yalurs. (Num. 11:24-29) E tabata humilde i a permití otro hende yud’é ku e trabou di husga e pueblo. (Éks. 18:13-24) Moises no a pone su privilegionan riba e bienestar di e pueblo. E tabata sa ku si tin mas hende ta yud’é husga e israelitanan, esei lo a nifiká ku e nashon lo a haña mihó servisio. Esta un bon ehèmpel pa nos! Nos no mester lubidá ku, si nos ke ta útil pa Yehova, nos humildat mester ta mas importante ku nos kapasidat i abilidat. Kòrda ku, aunke Yehova ta elevá, “e ta atendé e hende humilde.”—Sal. 138:6.
15. Menshoná algun kambio di sirkunstansia ku hopi ruman a enfrentá.
15 Ora nos haña nos ku kambio di sirkunstansia. Resientemente, hopi ruman ku a sirbi Yehova pa hopi aña a haña kambio di asignashon. Por ehèmpel, na 2014, e organisashon a pidi superintendente di distrito i nan kasá pa sirbi den otro forma di sirbishi di tempu kompleto. Den e mesun aña ei, e organisashon a
disidí ku e edat máksimo pa un ruman sirbi komo superintendente di sirkuito ta 70 aña i komo koordinadó di kuerpo di ansiano 80 aña. Ademas di esei, hopi bètelita a haña asignashon pa bira pionero. I otro ruman mester a stòp ku sirbishi spesial di tempu kompleto debí na problema ku salú, responsabilidat di famia òf otro motibu personal.16. Kon nos rumannan a demostrá humildat ora nan a haña nan ku kambio?
16 Adaptá na e kambionan ei tabata difísil pa e rumannan. Nan tabatin hopi aña den e mesun asignashon i ta di komprondé ku nan tabata gust’é mashá. Pero, ora nan a haña un asignashon nobo, tabata komo si fuera nan a pasa den un proseso di “rou” segun ku nan tabata adaptá. Ma, ku tempu, nan a logra adaptá. Dikon? Pasobra mas ku tur kos, nan ta stima Yehova hopi. Nan sa ku nan a dediká nan bida na Dios, i no na un trabou, título òf asignashon. (Kol. 3:23) Nan ta kontentu pa sigui sirbi Yehova humildemente den kualke asignashon. Nan “ta tira tur [nan] inkietut riba” Yehova, pasobra nan sa ku e ta interesá den nan.—1 Ped. 5:6, 7.
17. Dikon nos ta masha kontentu ku Beibel ta animá nos pa nos ta humilde?
17 Nos ta masha kontentu ku Beibel ta animá nos pa nos ta humilde. Ora nos ta humilde, nos ta benefisiá tantu nos mes komo otro hende. Nos por trata mihó ku e difikultatnan di bida. I mas importante ainda, nos ta hala mas serka di nos Tata selestial. Esta bon pa sa ku Yehova, aunke e ta “esun haltu i sublime,” ta stima i ta balorá su sirbidónan humilde!—Isa. 57:15.
KANTIKA 45 Meditashon di Mi Kurason
^ par. 5 Un di e kualidatnan di mas importante ku nos mester tin ta humildat. Kiko ta humildat? Dikon nos mester ta humilde? I dikon por ta difísil pa nos keda humilde ora nos sirkunstansia kambia? Den e artíkulo akí, nos lo kontestá e preguntanan importante ei.
^ par. 7 Wak La Atalaya di 1 di mart 1985, pág. 24-31 i e artíkulo “Jehova A Trata Mi Hopi Bon!” den E Toren di Vigilansia di 1 di mei 2001.
^ par. 8 Wak kap. 3, par. 23.
^ par. 53 DESKRIPSHON DI PLACHI: Na kas di un ruman, apòstel Pablo ta demostrá ku e ta humilde pasando tempu ku tur esnan presente, inkluso e muchanan.
^ par. 57 DESKRIPSHON DI PLACHI: Un ruman hòmber ta aseptá konseho bíbliko di un ruman mas yòn.
^ par. 59 DESKRIPSHON DI PLACHI: E ruman hòmber di mas edat no ta yalurs debí ku e ruman hòmber mas yòn tin privilegio den kongregashon.