E Bèrdat Tokante e Reino di Dios
Hesus a siña su siguidónan pa hasi orashon asin’akí: “Nos Tata ku ta den shelu, bo nòmber sea santifiká. Laga bo Reino bini. Laga bo boluntat sosodé, meskos ku den shelu, tambe riba tera.” (Mateo 6:9, 10) Kiko e Reino di Dios ta? Kiko e Reino di Dios ta hasiendo? I dikon nos tin ku pidi pa e Reino di Dios bini?
Hesus ta Rei di e Reino di Dios.
Lukas 1:31 pa 33: “Bo tin ku yam’é Hesus. Lo e ta grandi i lo ser yamá Yu di e Haltísimo, i Yehova Dios lo dun’é e trono di su tata David, i lo e reina komo Rei pa semper riba e kas di Yakòb, i lo no tin fin na su Reino.”
E Reino di Dios tabata e tema prinsipal di Hesus su predikashon.
Mateo 9:35: “Hesus a kuminsá ku un gira den tur stat i pueblito. E tabata siña hende den nan [snoanan], prediká e bon notisia di Reino i kura tur sorto di malesa i tur sorto di enfermedat.”
Hesus a duna su disipelnan un señal pa yuda nan sa ki tempu e Reino di Dios lo a bini.
Mateo 24:7: “Pasobra nashon lo lanta kontra nashon i reino kontra reino, i lo tin skarsedat di kuminda i temblor den un lugá tras di otro.”
Hesus su disipelnan ta predikando tokante e Reino di Dios rònt mundu.
Mateo 24:14: “I e bon notisia akí di e Reino lo ser prediká den henter e tera habitá, komo testimonio pa tur nashon, anto e fin lo yega.”
Otro Artíkulo Interesante
PREGUNTA KU BEIBEL TA KONTESTÁ
Kiko Ta e Reino di Dios?
Wak dikon e Reino di Dios ta superior na tur otro gobièrnu.
SIÑANSA DI BEIBEL
Kiko e Reino di Dios Ta?
Tempu Hesus tabata riba tera, el a papia mas tantu tokante e Reino di Dios ku kualke otro kos. Pa hopi siglo su siguidónan a pidi den orashon pa e Reino ei bini.
