Bo Mes Por Skohe Bo Futuro
Mas o ménos 3.500 aña pasá, Yehova Dios a bisa su sirbidónan kiko nan mester hasi pa nan por tin un futuro sigur. El a bisa nan: “Mi a pone bida i morto boso dilanti, e bendishon i e maldishon. P’esei, skohe bida pa bo biba, abo i bo desendientenan.”—Deuteronomio 30:19.
Pa e hendenan ei por tabatin un bon futuro, nan mester a tuma e desishon korekto. Awe nos tin e mesun opshonnan nos dilanti. Beibel ta splika kiko bo mester hasi pa skohe un futuro sigur: “Stima SEÑOR bo Dios” i “obedesé su bos.”—Deuteronomio 30:20.
KON NOS POR STIMA YEHOVA I SKUCHA SU BOS?
STUDIA BEIBEL: Pa bo por stima Yehova, e promé kos ku bo mester hasi ta siña tokante dje for di Beibel. Segun ku bo ta studia Beibel, lo bo ripará ku e ta un Dios amoroso ku ke loke ta mihó pa bo. E ta invitá bo pa hasi orashon na dje “pasobra e ta interesá den [bo].” (1 Pedro 5:7) Beibel ta primintí ku si bo hasi esfuerso pa siña tokante Dios, “lo e hala serka [bo].”—Santiago 4:8.
PONE NA PRÁKTIKA LOKE BO TA SIÑA: Skucha Dios ta nifiká ku nos ta sigui su guia sabí ku tin den Beibel. Si bo hasi esei, “lo bo . . . prosperá, i e ora ei lo bo tin éksito.”—Hosue 1:8.
Otro Artíkulo Interesante
PREGUNTA KU BEIBEL TA KONTESTÁ
Kiko Beibel Ta Bisa Tokante Boluntat Liber? Ta Dios Ta Determiná Bo Destino?
Hopi hende ta kere ku nan bida ta mará na destino. E eskoho ku nos ta hasi ta influensiá nos éksito den bida?
E TOREN DI VIGILANSIA
Bo Futuro Ta den Bo Man
Tin hende ta kere ku destino ta kontrolá nan bida. Pero esei ta bèrdat?
PREGUNTA KU BEIBEL TA KONTESTÁ
Kiko Bo Tin Mester pa Komprondé Beibel?
Ta posibel pa bo komprondé e mensahe di Dios den e Skritura Santu.
