KON NOS POR YUDA VENSE ODIO?
2 | No Tuma Vengansa
Loke Beibel Ta Bisa:
“No paga malu ku malu. . . . Si ta posibel, te asina leu ku ta dependé di boso, keda na pas ku tur hende. No tuma vengansa, . . . pasobra ta pará skirbí: ‘Vengansa ta di mi; ami lo paga bèk, Yehova ta bisa.’”—ROMANONAN 12:17-19.
Kiko Esei Ta Nifiká?
Aunke ku ta normal pa rabia ora ku un hende trata nos malu, Dios no ke pa nos tuma vengansa. Mas bien, e ke pa nos tene pasenshi, pasobra pronto e mes lo kaba ku tur inhustisia.—Salmo 37:7, 10.
Loke Bo Por Hasi:
Ora hende imperfekto tuma vengansa, e ta kousa mas odio. P’esei, si un hende ofendé bo òf hasi bo daño, no tuma vengansa. Purba di kontrolá bo sintimentunan i reakshoná na un manera pasífiko. Den algun kaso, ta mihó pa djis ignorá loke a pasa. (Proverbionan 19:11) Den otro kaso, kisas ta mihó pa raportá loke a pasa. Por ehèmpel, ora abo ta e víktima di un krímen, bo por skohe pa raportá e krímen na polis òf otro outoridat superior.
Tuma vengansa no ta yuda bo ku nada
Awor kiko si bo no ta mira un manera pasífiko pa resolvé e problema? Òf kiko si ya bo a hasi tur loke bo tabata por pa resolvé e problema na un manera pasífiko? No tuma vengansa. Esei probablemente lo hasi e situashon bira mas pió. Si bo no tuma vengansa, lo bo yuda vense odio. Konfia ku Yehova lo resolvé e problema na su debido tempu. Beibel ta bisa lo siguiente tokante Dios: “Konfia . . . den dje, i e lo hasié.”—Salmo 37:3-5.
Otro Artíkulo Interesante
BEIBEL TA KAMBIA BIDA DI HENDE
Mi Kier A Bringa Kontra Inhustisia
Rafika a djòin un grupo pa bringa kontra inhustisia. Pero, el a siña tokante Beibel su promesa di pas i siguridat bou di Reino di Dios.
BEIBEL TA KAMBIA BIDA DI HENDE
Na Ki Tempu Amor Leal Lo Vense Odio?
Por ta masha difísil pa vense prehuisio. Wak kon un hudiu i un palestino a logra vense prehuisio.
