Nos Por Vense Odio!
Abo a yega di ta víktima di odio?
Asta si esei no ta e kaso, probablemente bo a yega di mira odio den un manera òf otro sí. Nos ta skucha hopi den notisia tokante hende ku a ser tratá malu pasobra nan ta di un otro pais òf nashonalidat, òf pasobra nan ta homoseksual. Pa e motibu ei, hopi gobièrnu ta pone lei kontra krímen motivá pa odio.
Hende ku ta sufri pa motibu di odio tambe por kuminsá odia otro hende. Hopi bes, hende ku ta víktima di odio ke tuma vengansa, i esei ta pone ku nan tambe ta kuminsá haña sintimentu di odio.
Kisas un hende a yega di trata bo ku prehuisio, insultá bo òf menasá bo. Pero hopi bes, odio ta bai mas leu ainda. E por hiba na tèrmentu, vandalismo, violashon seksual, asesinato òf asta genosidio.
E revista akí lo kontestá e siguiente preguntanan i mustra nos kon nos por vense odio:
Dikon tin asina tantu odio?
Kon nos por yuda vense odio?
Lo yega un dia ku no tin odio mas?
Otro Artíkulo Interesante
E TOREN DI VIGILANSIA
Un Mundu sin Prehuisio—Na Ki Tempu?
Algun ehèmpel ta proba ku ya kaba Beibel ta yudando hende vense prehuisio. Na ki tempu prehuisio lo ser eliminá kompletamente?
SIÑANSA DI BEIBEL
Dikon Dios Ta Permití Sufrimentu?
Hopi hende ta puntra nan mes dikon mundu tin tantu odio i sufrimentu. Beibel tin kontesta satisfaktorio i konsolador.
