Bo Ta Corda?

Bo a apreciá di por a lesa e edicionnan recien di E Toren di Vigilancia? Wel, wak si bo por contestá e siguiente preguntanan:

• Kico a pone cu tabata fácil pa hende adoptá Pascu na Korea?

Na Korea i algun otro pais tabatin un creencia bieu tocante un dios di cushina. Nan tabata kere cu den december e tabata pasa dor di ‘schoorsteen’ bin trece regalo. Tambe, despues di Guera Mundial II, soldánan mericano tabata parti regalo i duna yudansa na misanan local.—15/12, página 4, 5.

• Den cumplimentu di Isaías 21:8, ki clase di “vigilante” Dios tabatin den nos tempu?

Cristiannan ungí cu spiritu cu a sirbi como e clase di vigilante a alertá hende n’e nificacion dje sucesonan di mundu cu ta cumpli cu profecia bíblico. Tambe nan a yuda studiantenan di Bijbel identificá i evitá doctrina i prácticanan no-bíblico.—1/1, página 8, 9.

• Ken tabata e “Rumannan Polaco”?

Nan tabata un grupo religioso chikitu den siglo 16 i 17 na Polonia cu a stimulá hende pa pega na Bijbel. P’esei nan a rechasá doctrinanan comun di iglesia manera Trinidad, bautismo di mucha chikitu i candela di fiernu. Cu tempu, nan a sufri persecucion severo i a obligá nan plama den otro paisnan.—1/1, página 21-3.

• Di con profecia bíblico ta mas confiabel cu pronósticonan di futurólogo of di astrólogo?

Hende cu ta pretendé di ta profeta a resultá inconfiabel dor cu nan ta ignorá Jehova i Bijbel. Ta profecia bíblico so por yuda bo sa con sucesonan ta cuadra cu Jehova su propósito, beneficiando bo mes i bo famia pa semper.—15/1, página 3.

• Cua ta algun área di evidencia cu ta duna prueba cu nos ta biba den e último dianan?

Nos por mira efectonan dje expulsion di Satanas for di shelu. (Revelacion 12:9) Nos ta biba den tempu dje último “rey” mencioná na Revelacion 17:9-11. E cantidad di berdadero cristian ungí ta menguando, aunke ta parce cu algun di nan lo ta riba tera ainda ora e tribulacion grandi cuminsá.—15/1, página 12, 13.

• Na ki tempu a skirbi e buki di Habacuc, i di con nos mester ta interesá den dje?

E buki bíblico aki tabata skirbí rond di aña 628 P.E.C. E ta contené Jehova su huicio contra antiguo Huda i Babilonia. Tambe e ta trata e huicio divino cu tin cu bini pronto riba e sistema malbado actual.—1/2, página 8.

• Unda den Bijbel nos por haña e conseho sabí di un mama pa esposanan capas?

E último capítulo dje buki di Proverbionan, esta, capítulo 31, ta un excelente fuente di tal conseho.—1/2, página 30, 31.

• Di con nos por ta gradicidu cu Jehova a revelá “e mente di Cristo” na nos? (1 Corintionan 2:16)

Pa medio dje Evangelionan, Jehova a haci posibel pa nos siña conocé Jesus su pensamentu, sintimentu, actividad i prioridadnan. Esaki por yuda nos pa ta mas manera Jesus, foral pa loke ta e énfasis cu nos ta pone riba e trabou di predicá cu ta salba bida.—15/2, página 25.

• Dios ta contestá oracion awe?

Sí. Maske Bijbel ta mustra cu Dios no ta contestá tur oracion, experencianan di nos tempu ta proba cu hopi bes el a contestá hende cu a pidi consuelo i yudansa den asuntunan manera resolvé problemanan di matrimonio.—1/3, página 3-7.

• Kico nos por haci pa haña Dios su forsa?

Nos por pidi p’e den oracion, nos por usa Bijbel pa haña fortalesa spiritual i nos por ser fortalecé via asociacion cristian.—1/3, página 15, 16.

• Con mayornan por yuda nan yunan beneficiá mas for dje reunionnan cristian?

Nan por yuda nan yunan keda lantá, kisas dor di laga nan drumi promé cu reunion. Por animá yunan pa haci “nota,” por ehempel, dor di marca riba un papel cada biaha cu nan tende un palabra of nomber conocí.—15/3, página 17, 18.

• Kico ta algun cos cu nos por siña di Job su ehempel?

Job a pone su relacion cu Dios na promé lugá, e tabata hustu den su trato cu su próhimo, el a haci esfuerso pa ta leal na su partner matrimonial, el a mustra interes den e spiritualidad di su famia i el a wanta fielmente bou di prueba.—15/3, página 25-7.

• Bijbel tin un código scondí cu ta yuda nos comprendé mensahenan presentá via código?

No. Hende lo por pretendé mescos tocante supuesto código scondí den cierto bukinan seglar. Supuesto códigonan den Bijbel ta perde nan balor dor cu ortografia den manuscritonan hebreo ta varia.—1/4, página 30, 31.