Jehova Ta Duna Poder na Esun Cansá
Jehova Ta Duna Poder na Esun Cansá
“[Jehova] ta dunando poder na esun cansá; i esun sin energia dinámico e ta haci abundá den pleno potencia.”—ISAÍAS 40:29.
1. Ilustrá e poder cu tin den e cosnan cu Dios a crea.
JEHOVA su poder no tin límite. Anto esta un energia dinámico tin den e cosnan cu el a crea! Atom, locual tur cos ta trahá di dje, ta asina chikitu cu den un solo gota di awa tin shen miar miar di nan. * Tur bida riba nos planeta ta dependé riba e energia generá dor di reaccion atómico den solo. Pero cuantu energia solar ta necesario pa sostené bida riba tera? Tera ta ricibí djis un parti masha chikitu di tur e energia cu solo ta producí. Sin embargo, e parti chikitu ei dje energia di solo cu ta yega tera ta inmensamente mas tantu cu tur e energia cu industria mundial ta usa.
2. Kico ta e esencia di loke Isaías 40:26 ta bisa tocante Jehova su poder?
2 Sea cu nos pensa riba atom of nos bira pensa riba e universo inmenso, nos ta keda impresioná cu Jehova su poder inmenso. Nada straño cu e por a bisa: “Hisa boso wowo na haltu i mira. Ken a crea e cosnan aki? Ta Esun cu ta saca e ehército di nan asta pa number, cu tur e ta yama asta pa nomber. Debí n’e abundancia di energia dinámico, pasobra tambe e ta Isaías 40:26) Sí, Jehova ta “vigoroso den poder,” i e ta Fuente dje “energia dinámico” cu a ser usá pa trece henter universo na existencia.
vigoroso den poder, ni un di nan no ta falta”! (Mas cu Poder Normal Ta Necesario
3, 4. (a) Cua ta algun factor cu por pone nos cansa? (b) Ki pregunta mester di nos atencion?
3 Dios su poder no tin límite, pero hende sí ta cansa. Unda cu nos bira nos ta mira hende cansá. Nan ta lanta mainta cansá, nan ta bai trabou of scol cansá, nan ta yega cas cansá, i ta bai drumi, no djis cansá, sino morto cansá. Algun di nan tin gana di por bai un caminda pa haña un tiki dje descanso cu nan tin asina tantu mester di dje. Como sirbidónan di Jehova, nos tambe ta cansa, pasobra nos bida di debocion na Dios ta rekerí esfuerso vigoroso. (Marco 6:30, 31; Lucas 13:24; 1 Timoteo 4:8) I tin hopi otro factor cu ta kita energia for di nos.
4 Maske nos ta cristian, nos no ta immuun pa tur e problemanan cu hende en general ta pasa aden. (Job 14:1) Enfermedad, golpi financiero i otro dificultadnan comun di bida por descurashá nos i como resultado, debilitá nos. Banda di e retonan aki ta bini e pruebanan particular di hende cu ta ser persiguí pa causa di husticia. (2 Timoteo 3:12; 1 Pedro 3:14) Pa motibu di preshon diario di mundu i e oposicion contra nos obra di predicá e Reino, kisas algun di nos ta asina cansá cu nos ta sinti gana di baha man den Jehova su sirbishi. Ademas, Satanas e Diabel ta usa tur medio na su disposicion p’e purba kibra nos integridad na Dios. Pues anto, con nos por haña e fortalesa spiritual necesario pa nos no cansa i entregá?
5. Pakico mas cu fortalesa humano ta necesario pa efectuá e ministerio cristian?
5 Pa fortalesa spiritual nos mester dependé riba Jehova, e Creador todopoderoso. Apostel Pablo a mustra cu e ministerio cristian lo rekerí mas cu e poder normal di hende imperfecto. El a skirbi: “Nos tin e tesoro aki den weanan di klei, p’e poder mas ayá di loke ta normal sea di Dios i no loke ta bini di nos mes.” (2 Corintionan 4:7) Cristiannan ungí ta efectuando “e ministerio di reconciliacion” cu apoyo di nan compañeronan cu tin e speransa terenal. (2 Corintionan 5:18; Juan 10:16; Revelacion 7:9) Ya cu nos, hende imperfecto, ta efectuando Dios su obra enfrentando cu oposicion, nos no por hacié cu nos propio forsa so. Jehova ta yuda nos cu su spiritu santu, di moda cu nos debilidad ta duna realse na su poder. I esta un consuelo nos ta ricibí dje siguransa di cu “Jehova lo sostené e hustunan”!—Salmo 37:17.
‘Jehova Ta Nos Energia Vital’
6. Con e Scritura ta sigurá nos cu Jehova ta nos Fuente di fortalesa?
6 Nos Tata celestial ta “vigoroso den poder,” i p’e ta fácil pa fortalecé nos. De echo, nos ta ser bisá cu “[Jehova] ta dunando poder na esun cansá; i esun sin energia dinámico e ta haci abundá den pleno potencia. Mucha hombernan lo cansa i tambe fatigá, i hóbennan mes sin falta lo trompecá, pero esnan cu ta spera den Jehova lo recobrá poder. Nan lo subi cu hala manera águila. Nan lo core i no fatigá; nan lo cana i no cansa.” (Isaías 40:29-31) Dor cu preshon ta aumentá, kisas tin bes nos ta sinti manera un coredó morto cansá, cu no ta capas pa sigui. Pero e final dje careda ta net nos dilanti, i nos no mag entregá. (2 Crónicanan 29:11) Nos Adversario e Diabel ta cana rond “manera un leon cu ta grita,” i e kier stop nos. (1 Pedro 5:8) Laga nos tene na mente cu ta ‘Jehova ta nos forsa i nos escudo.’ I el a haci percuracionnan na abundancia ‘pa duna poder na esun cansá.’—Salmo 28:7.
7, 8. Ki prueba tin di cu Jehova a fortalecé David, Habacuc i Pablo?
7 Jehova a duna David e fortalesa necesario p’e sigui padilanti, apesar di obstáculonan grandi. P’esei, cu pleno fe i confiansa, David a skirbi: “Dor di Dios nos lo obtené energia vital, i e mes lo trapa nos adversarionan.” (Salmo 60:12) Jehova a duna Habacuc tambe energia pa e por a completá su asignacion como profeta. Habacuc 3:19 ta bisa: “Jehova, e Señor Soberano ta mi energia vital; i lo e haci mi pianan mescos cu esnan di biná, i riba mi lugánan haltu lo e laga mi stap.” E ehempel di Pablo tambe ta digno di atencion. El a skirbi: “Pa tur cos mi tin e forsa den birtud di [Dios] cu ta duna mi poder.”—Filipensenan 4:13.
8 Mescos cu David, Habacuc i Pablo, nos tin cu ehercé fe den Dios su capacidad pa fortalecé nos, i den su poder pa salba nos. Ya cu nos ta conciente cu Señor Soberano Jehova ta nos Fuente di “energia vital,” laga nos considerá awor algun manera pa nos haña fortalesa spiritual for di percuracionnan cu Dios ta haci na abundancia.
Percuracionnan Spiritual pa Duna Nos Vigor
9. Ki rol publicacionnan cristian ta hunga den alimentá nos?
9 Un estudio diligente di e Scritura cu yudansa di publicacionnan cristian por duna nos vigor i sostené nos. E salmista a canta: “Felis ta e homber cu . . . su deleite ta den e ley di Jehova, i den su ley e ta lesa na bos abou di dia i anochi. I sigur lo e bira manera un palu plantá cantu di coriente di awa, cu ta duna su propio fruta den su temporada i di cua su blachinan no ta marchitá, i tur loke e haci lo tin éxito.” (Salmo 1:1-3) Mescos cu nos mester come pa keda físicamente fuerte, nos mester tuma alimento spiritual cu Dios ta percurá pa medio di su Palabra i publicacionnan cristian, pa nos keda spiritualmente fuerte. P’esei, studio i meditacion significativo ta esencial.
10. Ki ora nos por saca tempu pa studia i meditá?
10 Meditá riba “e cosnan profundo di Dios” ta algu recompensador berdad. (1 Corintionan 2:10) Pero ki ora nos por saca tempu pa meditá? Abraham su yu Isaac “tabata pafó ta cana p’e meditá den cunucu rond di ora cu anochi ta cera.” (Génesis 24:63-67) David e salmista a ‘meditá riba Dios durante warda djanochi.’ (Salmo 63:6) Nos por studia e Palabra di Dios i meditá riba dje mainta, atardi, anochi—sí, cualkier ora. Tal studio i meditacion ta hiba na otro percuracion di Jehova pa fortalecé nos spiritualmente, esta oracion.
11. Di con nos mester considerá oracion regular como algu hopi importante?
11 Oracion regular na Dios ta yuda nos haña vigor. P’esei, laga nos “perseverá den oracion.” (Romanonan 12:12) Tin bes cu nos mester pidi specíficamente pa e sabiduria i forsa necesario pa por enfrentá un prueba. (Santiago 1:5-8) Laga nos gradicí i alabá Dios tambe ora nos mira su propósito realisá, of ora nos mira cu el a fortalecé nos pa sigui efectuá su sirbishi. (Filipensenan 4:6, 7) Si nos keda cerca di Jehova den oracion, é lo no bandoná nos nunca. “Mira!” David a canta, “Dios ta mi yudante.”—Salmo 54:4.
12. Pakico nos mester pidi Dios pa su spiritu santu?
12 Nos Tata celestial ta duna nos vigor i ta fortalecé nos pa medio di su spiritu santu, su forsa activo. Pablo a skirbi: “Mi ta dobla mi rudianan n’e Tata . . . afin cu segun e rikesanan di su gloria e permití boso ser hací poderoso den e hende cu boso ta paden, cu poder mediante su spiritu.” (Efesionan 3:14-16) Nos mester resa pidi pa spiritu santu, confiando cu Jehova lo bendicioná nos cuné. Jesus a razoná asin’akí: Si un yu pidi un piscá, un tata amoroso lo dun’é un colebra? Claro cu no. Pues, el a concluí: “P’esei, si boso, aunke boso ta [pecaminoso, i pues te na cierto grado] malbado, sa con pa duna bon regalo na boso yunan, cu cuantu mas rason e Tata den shelu lo duna spiritu santu na esnan cu ta pidié!” (Lucas 11:11-13) Laga nos haci oracion cu e clase di confiansa ei, i semper corda cu sirbidónan fiel di Dios por ser “hací poderoso” pa medio di su spiritu.
E Congregacion, un Yudansa Fortalecedor
13. Con nos mester mira reunionnan cristian?
13 Jehova ta duna nos vigor pa medio di reunionnan dje congregacion cristian. Jesus a bisa: “Unda cu tin dos of tres reuní den mi nomber, ei mi ta meimei di nan.” (Mateo 18:20) Ora Jesus a haci e promesa ei, e tabata trata asuntunan cu esnan cu ta hiba delantera den congregacion mester a presta atencion na dje. (Mateo 18:15-19) Sin embargo, loke el a bisa ta aplicá básicamente na tur nos reunionnan, asambleanan i congresonan: nan tur ta habri i cera cu oracion den su nomber. (Juan 14:14) Pues, ta un privilegio di por asistí na reunionnan cristian asina, sea cu tin poco of hopi hende presente. P’esei, laga nos mustra gratitud pa e ocasionnan aki, cu ta diseñá pa fortalecé nos spiritualmente i incitá nos na amor i obra excelente.—Hebreonan 10:24, 25.
14. Ki beneficio nos ta saca for dje esfuerso cu ancianonan cristian ta haci?
14 Ancianonan cristian ta percurá yudansa spiritual i animacion. (1 Pedro 5:2, 3) Pablo a yuda i a animá e congregacionnan cu el a sirbi, mescos cu superintendentenan biahero ta haci awe. De echo, el a anhelá di ta cerca su compañeronan creyente, pa por tabatin un intercambio edificante di estímulo. (Echonan 14:19-22; Romanonan 1:11, 12) Laga nos tambe semper mustra aprecio pa nos ancianonan local i otro superintendentenan cristian cu ta hunga un papel importante den fortalecé nos den sentido spiritual.
15. Con compañeronan creyente den nos congregacion ta resultá di ta “un yudansa fortalecedor”?
15 E compañeronan creyente cu nos congregacion ta consistí di dje por ta “un yudansa fortalecedor.” (Colosensenan 4:10, 11) Manera “berdadero compañero,” nan por yuda nos den tempu di angustia. (Proverbionan 17:17) Por ehempel, ora guardianan nazi a saca 220 sirbidó di Dios for dje campo di concentracion di Sachsenhausen na 1945, nan mester a marcha 200 kilometer. Nan a cana den un grupo, anto esnan mas fuerte a hala esnan mas swak nan tras den un par di garoshi chikitu. Cu ki resultado? Den un marcha di morto cu a cobra bida di mas cu 10.000 prizonero dje campo di concentracion ei, ni un Testigo di Jehova a muri. Relatonan asina cu ta aparecé den publicacionnan di Watch Tower, incluso den Anuario di Testigonan di Jehova i Testigonan di Jehova—Proclamadónan dje Reino di Dios, ta proba cu Dios ta duna su hendenan poder di manera cu nan no ta entregá.—Galationan 6:9. *
Fortalecí dor di Nos Ministerio di Veld
16. Con participacion regular den e ministerio ta fortalecé nos spiritualmente?
16 Participacion regular den e trabou di predicá Hudas 20, 21) E promesanan dje Scritura cu nos ta papia di dje den nos ministerio ta duna nos speransa, i nan por haci nos mes decididu cu profeta Mikéas, cu a bisa: “Nos . . . lo cana den e nomber di Jehova nos Dios te na tempu indefiní, asta pa semper.”—Mikéas 4:5.
e Reino ta fortalecé nos spiritualmente. E actividad aki ta yuda nos enfocá riba e Reino di Dios, i tene eternidad na bista, huntu cu tur su bendicionnan. (17. Ki sugerencia ta ser ofrecí tocante studio di Bijbel na cas di hende?
17 Mas nos usa e Scritura pa siña otro hende, mas fuerte nos mes relacion cu Jehova ta bira. Por ehempel, ora nos ta conducí studio di Bijbel na cas cu yudansa dje buki Conocimentu cu Ta Hiba na Bida Eterno, ta sabí pa nos lesa i trata algun dje textonan mencioná. Esei ta yuda e studiante i ta fortalecé nos propio comprendimentu spiritual. Su un studiante tin dificultad pa comprendé un cierto concepto bíblico of un ilustracion, por usa mas cu un sesion di studio pa trata un solo capítulo dje buki Conocimentu. Esta contentu nos ta keda pa prepará bon i haci un esfuerso extra pa yuda otronan hala cerca Dios!
18. Ilustrá con e buki Conocimentu ta ser usá eficasmente.
18 Tur aña e buki Conocimentu ta ser usá eficasmente pa yuda miles di hende bira sirbidónan dedicá di Jehova, incluso hopi hende cu ántes no tabatin conocimentu di Bijbel. Por ehempel, tempu cu e tabata mucha, un homber hindú na Sri Lanka a tende ora un señora Testigo a papia tocante Paradijs. Algun aña despues el a acercá e señora, i den poco tempu e esposo dje señora a cuminsá un studio di Bijbel cuné. De echo, e hóben tabata bin studia tur dia, i nan a caba e buki Conocimentu den un periodo basta corticu. El a cuminsá bai tur reunion, el a kibra laso cu su religion anterior, i a bira un publicadó dje Reino. Ora el a bautisá, ya e tabata dirigí studio di Bijbel cu un conocí di dje.
19. Segun cu nos ta busca e Reino promé, di kico nos por keda sigur?
19 Busca e Reino promé ta duna nos un goso fortalecedor. (Mateo 6:33) Apesar cu nos ta pasa dor di vários prueba, nos ta sigui proclamá e bon nobo cu alegria i celo. (Tito 2:14) Hopi di nos ta cumpli cu e rekisitonan di sirbishi di pionero di tempu completo, i algun ta sirbi caminda cu tin mas necesidad di evangelisadó. Sea cu nos ta promové interesnan di Reino gososamente asin’akí, of di otro maneranan, nos tin confiansa cu Jehova lo no lubidá nos trabou i e amor cu nos ta mustra pa su nomber.—Hebreonan 6:10-12.
Sigui Padilanti cu Jehova Su Fortalesa
20. Con nos por demostrá cu nos ta dependé riba Jehova pa fortalesa?
20 Laga nos demostrá di henter curason cu nos ta spera riba Jehova i cu nos ta dependé riba dje pa fortalesa. Nos por haci esei dor di probechá plenamente di e percuracionnan spiritual cu e ta haci pa medio dje “esclabo fiel.” (Mateo 24:45) Studio dje Palabra di Dios tantu den privá como den congregacion, cu yudansa di publicacionnan cristian, oracion sincero, yudansa spiritual di anciano, ehempel excelente di compañeronan creyente i participacion regular den e ministerio ta algun dje percuracionnan cu ta fortalecé nos relacion cu Jehova, i cu ta duna nos forsa pa sigui padilanti den su sirbishi sagrado.
21. Con tantu apostel Pedro como apostel Pablo a expresá e necesidad cu nos tin di e forsa cu Dios ta duna?
1 Pedro 4:11) I Pablo a mustra cu el a dependé riba e forsa cu Dios ta duna, ora el a bisa: “Mi tin placer den debilidad, den insulto, den casonan di necesidad, den persecucion i dificultad, pa Cristo. Pasobra ora mi ta débil, e ora ei mi ta poderoso.” (2 Corintionan 12:10) Laga nos desplegá e mésun conviccion, i duna gloria n’e Señor Soberano Jehova, cu ta duna esun cansá poder.—Isaías 12:2.
21 Apesar di nos debilidad como ser humano, Jehova lo fortalecé nos pa haci su boluntad si nos dependé riba su yudansa. Conciente cu nos tin mester di tal yudansa, apostel Pedro a skirbi: “Si un hende ta sirbi, lagu’é sirbi como dependiendo dje forsa cu Dios ta suministrá.” ([Nota]
^ par. 1 Den nos sistema di skirbi cifra mester skirbi e number aki como un 1, siguí pa 20 sero.
^ par. 15 Publicá dor di Watchtower Bible and Tract Society of New York, Inc.
Con Lo Bo Contestá?
• Di con Jehova su pueblo tin mester di mas cu poder normal?
• Ki prueba bíblico tin di cu Dios ta duna su sirbidónan poder?
• Cua ta algun percuracion spiritual di Jehova pa fortalecé nos?
• Con nos por mustra cu nos ta dependé riba Dios pa fortalesa?
[Preguntanan di Estudio]
[Plachi na página 12]
Ora nos usa e Scritura pa siña otro hende, nos mes relacion cu Jehova ta bira mas fuerte