“Por Fin Mi Sa Ta Kico Falta Mi!”

ASINA un homber na Tokio a sinti ora el a lesa e historia di bida den e edicion di E Toren di Vigilancia di 1 di december 2000. Título dje artículo tabata “Bo No Sa Con Bo Bida Lo Ta Mañan,” i el a relatá experencia di un ex-misionero cu ta sufri di e malesa cu den ciencia médico ta conocí como sicósis maniaco-depresivo.

Den un carta cu e homber di Tokio a dirigí na e publicadónan di e revista aki, el a bisa: “E síntomanan describí ta cuadra perfectamente cu loke mi ta sinti. P’esei mi a bai na un clínica sikiátrico i mi a haña sa cu mi tin sicósis maniaco-depresivo. E dokter cu a examiná mi a keda asombrá. El a bisa: ‘Masha poco bes hende cu tin e malesa aki ta pensa cu nan ta malu.’ Mi a ser yudá pa diagnosticá e malesa promé cu el a bira muchu serio.”

Miyones di hende rond mundu ta beneficiá den vários manera dor cu nan ta lesa tur edicion di E Toren di Vigilancia i su revista compañero, Spierta! Nan ta haña cu e artículonan ta informativo i satisfaciente. Actualmente e revista Toren di Vigilancia ta ser imprimí den 141 idioma, i Spierta! ta ser publicá den 86 idioma. Bo tambe lo disfrutá di lesa E Toren di Vigilancia i Spierta! regularmente.