Siña un Lès for di Nikodemo
Siña un Lès for di Nikodemo
“SI UN persona kier sigui mi, lagu’é nenga su mes i tuma su staka di tormento dia tras dia i sigui mi kontinuamente.” (Lukas 9:23, NW) Piskadónan humilde i un kobradó di belasting despresiá a aseptá e invitashon aki sin pensa dos bes. Nan a laga tur kos atras pa nan sigui Hesus.—Mateo 4:18-22; Lukas 5:27, 28.
Awe, ainda e yamada di Hesus ta zonando, i hopi hende a reakshoná na dje. Pero algun hende ku gusta studia Beibel ku Testigunan di Yehova ta duda pa ‘nenga nan mes i tuma nan staka di tormento.’ Nan no ta kla pa aseptá e responsabilidat i privilegio di ta disipel di Hesus.
Pakiko tin hende ta duda pa aseptá e invitashon di Hesus i dediká nan mes na Yehova Dios? Ta bèrdat ku si un hende no a lanta for di chikitu ku e idea hudiu-kristian di un solo Dios, lo Mateo 24:36-42; 1 Timoteo 6:9, 10) Loke sea ta e kaso, hende ku ta keda posponé nan desishon pa bira siguidó di Hesus por siña un lès for dje relato di Nikodemo, un gobernante hudiu riku den tempu di Hesus.
por tuma tempu p’e logra komprendé kompletamente ku ta eksistí un Kreador todopoderoso i personal. Pero asta despues ku algun di nan keda konvensí ku Dios ta real, nan ta bula pipa pa sigui e pasonan di Hesus. Kisas nan tin miedu di loke nan famia lo pensa di nan si nan bira Testigu di Yehova. Otronan ta pèrdè for di bista e urgensia dje tempu ku nos ta biba aden, i nan ta kuminsá kore tras di fama i rikesa. (Bendishoná ku Oportunidatnan Maravioso
Apénas seis luna despues ku Hesus a kuminsá ku su ministerio riba tera, Nikodemo a rekonosé ku Hesus ‘a bin di Dios komo un maestro.’ Impreshoná ku e milagernan ku Hesus a kaba di hasi na Yerusalèm durante Pasku hudiu di aña 30 Era Komun, Nikodemo a bai serka Hesus, probechando ora ta skur, p’e konfesá su fe den Hesus i siña mas tokante e maestro aki. E ora ei Hesus a bisa Nikodemo un bèrdat profundo; ku hende mester “nase di nobo” pa nan por drenta e Reino di Dios. Ta n’e mesun okashon aki Hesus a bisa e palabranan: “Dios a stima mundu asina tantu, ku el a duna su Yu unigénito, pa ken ku kere den dje no bai pèrdí, ma tin bida eterno.”—Huan 3:1-16.
Un chèns maravioso a habri pa Nikodemo! Lo e por a bira un kompañero íntimo di
Hesus. Lo e por tabata testigu personal di vários aspekto dje bida di Hesus riba tera. Komo un gobernante hudiu i un maestro den Israel, Nikodemo tabatin un bon konosementu dje Palabra di Dios. Ademas e tabatin hopi perspikasia, pasobra el a identifiká Hesus komo un maestro mandá dor di Dios. Nikodemo tabatin interes den kos spiritual, i e tabatin un grado di humildat poko komun. Lo mester tabata masha difísil pa un miembro dje korte di mas haltu dje hudiunan rekonosé ku un humilde yu di karpinté tabata un hòmber mandá dor di Dios! Tur e kualidatnan ei ta hopi importante pa un hende por bira disipel di Hesus.Ta parse ku Nikodemo su interes den e hòmber di Názarèt aki no a fria. Dos aña i mei despues, n’e Fiesta di Kabaña, Nikodemo a asistí na un reunion di Sanedrin. E tempu ei ainda Nikodemo tabata “un di nan.” E saserdotenan prinsipal i e fariseonan a manda algun ofisial bai arestá Hesus. E ofisialnan a bolbe i a relatá: “Nunka un hende no a papia manera e hòmber aki ta papia.” E fariseonan a kuminsá rebahá nan, bisando: “Boso tambe a wòrdu gañá? Ni un di e gobernantenan òf e fariseonan no a kere den dje, no ta asina? Ma e multitut aki, ku no konosé e Lei, ta maldishoná.” Nikodemo no por a keda ketu mas. El a tuma palabra: “Akaso nos lei ta husga hende sin tend’é promé i sin sa kiko e ta hasi?” E otro fariseonan a atak’é ku krítika: “Abo tambe ta di Galilea? Buska i mira ku for di Galilea no ta lanta ningun profeta.”—Huan 7:1, 10, 32, 45-52.
Un seis luna despues, riba dia di Pasku hudiu di aña 33 Era Komun, Nikodemo a mira nan baha e kurpa di Hesus for dje staka di tormento. Huntu ku un otro miembro di Sanedrin, Hosé di Arimatea, el a prepará e kurpa di Hesus pa entiero. P’e propósito ei Nikodemo a trese “un meskla di mirra i aloé” ku ta pisa komo 100 liber romano; mas o ménos 32 kilo. Esaki a representá un gastu hopi haltu. Ademas, e mester tabatin kurashi Huan 19:38-42; Mateo 27:63; Marko 15:43.
pa identifiká su mes ku “e gañadó ei,” manera e otro fariseonan tabata yama Hesus. Nan dos a prepará e kurpa di Hesus lihé, i a pon’é den un graf konmemorativo nobo ku tabatin ei serka. Pero ni e ora ei ainda Nikodemo no a identifiká su mes komo disipel di Hesus!—Pakiko E No A Aktua
Huan su relato no ta splika dikon Nikodemo a bula pipa pa “tuma su staka di tormento” i sigui Hesus. Sin embargo, e ta duna algun indikashon ku lo por splika kon bini e fariseo aki tabata indesiso.
Di promé, Huan a mustra ku e gobernante hudiu “a bin serka Hesus den anochi.” (Huan 3:2) Un erudito di Beibel ta bisa ku kisas “Nikodemo a bini den anochi pa evitá e multitutnan ku lo a interumpí su entrevista ku Hesus, i no pa miedu.” Pero Huan a papia di Nikodemo komo esun ku “na prinsipio a bin serka [Hesus] den anochi” den e mesun konteksto ku el a referí na Hosé di Arimatea komo “un disipel di Hesus, ma na sekreto pa miedu di e hudiunan.” (Huan 19:38, 39) Pues, kasi sigur Nikodemo a bishitá Hesus probechando ku tabata skur “pa miedu di e hudiunan,” meskos ku otro hende di su tempu no tabata ke tin nada di haber ku Hesus, pa miedu.—Huan 7:13.
Abo ta tarda pa tuma e desishon di bira disipel di Hesus pa miedu di loke bo famia i konosínan lo bisa? Un proverbio ta bisa ku “temor pa hende ta pone un trampa.” Kon bo por enfrentá e miedu ei? E proverbio ta sigui bisa: “Ma esun ku konfia den SEÑOR lo ta halsá.” (Proverbionan 29:25) Pa bo haña konfiansa den Yehova, bo mester mira pa bo mes ku Dios ta sostené bo ora bo ta den tempu difísil. Resa na Yehova i pidié duna bo kurashi pa tuma asta desishonnan di ménos importansia relashoná ku bo adorashon. Pokopoko bo fe i konfiansa den Yehova lo krese te ora bo por tuma desishonnan importante na armonia ku Dios su boluntat.
Kisas Nikodemo su posishon den komunidat i su prestigio komo miembro dje klase na mando tambe a strob’é di dal e paso importante di nenga su mes. E tempu ei, ainda su puesto komo miembro di Sanedrin lo mester a nifiká hopi p’e. Abo ta duda pa tuma akshon i bira siguidó di Kristu dor ku lo bo por pèrdè un puesto di prestigio den komunidat, òf pasobra kisas lo bo tin ku sakrifiká sierto oportunidatnan pa bai dilanti? Niun dje kosnan aki ta komparabel ku e onor di por sirbi e Haltísimo di universo, ku ta dispuesto di kumpli ku loke bo pidié na armonia ku su boluntat.—Salmo 10:17; 83:18; 145:18.
Otro posibel motibu pakiko Nikodemo a tarda pa tuma un desishon por tabatin di haber ku su rikesa. Ya ku e tabata un fariseo, kisas e otro fariseonan “stimadó di plaka” a influensi’é. (Lukas 16:14) E echo ku e por a afòrt un ròl karu di mirra i aloé ta mustra ku e tabatin moda. Tin hende awe ku ta keda posponé nan desishon pa tuma e responsabilidatnan di un kristian, dor ku nan ta muchu preokupá ku nan propiedatnan material. Pero Hesus a spièrta su siguidónan: “No preokupá boso mes pa boso bida, kiko boso lo kome òf kiko boso lo bebe; tampoko pa boso kurpa, kiko boso lo bisti. . . . Boso Tata selestial sa ku boso tin mester di tur e kosnan aki. Ma buska promé e reino di Dios i Su hustisia, i tur e kosnan aki lo wòrdu añadí na boso.”—Mateo 6:25-33.
E Tabatin Hopi di Pèrdè
Ta interesante ku e relato tokante Nikodemo, ku ta aparesé den e Evangelio di Huan so, no ta bisa si finalmente el a bira siguidó di Hesus òf nò. Segun un sierto tradishon, Nikodemo a skohe p’e banda di Hesus, el a
batisá, e hudiunan a kuminsá persiguié, nan a kit’é for di su puesto, i finalmente nan a deport’é for di Yerusalèm. Sea ku ta asina òf nò, un kos ta sigur: E tabatin hopi di pèrdè dor di tarda pa tuma un desishon tempu ku Hesus tabata riba tera.Si Nikodemo a kuminsá sigui Hesus for di tempu ku el a topa Señor pa di promé bes, lo e por a bira un disipel íntimo di Hesus. Ademas dje echo ku e tabata konsiente di su nesesidat spiritual, Nikodemo su konosementu, perspikasia i humildat lo por a yud’é bira un disipel sobresaliente. Sí, lo e por a skucha e diskursonan impreshonante dje Gran Maestro. Lo e por a siña lèsnan vital for dje komparashonnan di Hesus. Lo e por a mira e milagernan asombroso ku Hesus a hasi, i tende su palabranan di estímulo na momentu ku el a despedí di su apòstelnan. Pero el a pèrdè tur esei.
Nikodemo a pèrdè hopi dor ku el a tarda pa tuma desishon, entre otro e invitashon kaluroso aki di Hesus: “Bin serka mi tur ku ta kansá i kargá, i lo mi duna boso sosiegu. Tuma mi yugo riba boso, i siña di mi, pasobra mi ta mansu i humilde di kurason; i boso lo haña sosiegu pa boso alma. Pasobra mi yugo ta suave i mi karga ta lihé.” (Mateo 11:28-30) Nikodemo a pèrdè e chèns di haña e sosiegu òf refreskamentu aki literalmente for di Hesus mes!
Kiko di Abo?
For di 1914, Hesukristu ta presente den shelu komo Rei dje Reino selestial di Dios. Den su profesia tokante loke lo tuma lugá durante su presensia, el a bisa: “E evangelio aki di e reino lo wòrdu prediká den henter mundu komo un testimonio na tur nashon, i e ora ei e fin lo yega.” (Mateo 24:14) Promé ku e fin yega, e predikashon mundial ei mester ser hasí. Hesukristu ta kontentu di laga hende imperfekto partisipá. Abo tambe por tuma parti den e obra aki.
Nikodemo a rekonosé ku Hesus a bini di Dios. (Huan 3:2) Dor di studia Beibel, kisas abo tambe a yega na un konklushon asina. Por ta bo a hasi kambio den bo moda di biba p’e kuadra ku normanan di Beibel. Kisas asta bo ta asistí na reunionnan di Testigunan di Yehova pa bo haña mas konosementu di Beibel. Bo esfuersonan ta elogiabel. Sin embargo, Nikodemo tabatin ku bai mas ayá ku djis rekonosé ku ta Dios a manda Hesus. E tabatin ku “nenga su mes i tuma su staka di tormento dia tras dia i sigui [Hesus] kontinuamente.”—Lukas 9:23, NW.
Tuma na pechu loke apòstel Pablo ta bisa nos. El a skirbi: “Trahando huntu kuné nos tambe ta roga boso pa no risibí e grasia di Dios en bano—pasobra e ta bisa: ‘Den e tempu aseptabel mi a skucha bo, i riba e dia di salbashon mi a yuda bo;’ mira, awor ta ‘e tempu aseptabel,’ mira, awor ta ‘e dia di salbashon.’”—2 Korintionan 6:1, 2.
Awor t’e momentu pa kultivá e fe ku lo motivá bo pa tuma akshon. Ku esei komo meta, meditá riba e kosnan ku bo ta studia den Beibel. Resa na Yehova i pidié yuda bo demostrá tal fe. Segun ku bo mira kon e ta saka su man pa yuda bo, bo apresio i amor p’e lo motivá bo pa deseá di ‘nenga bo mes i tuma bo staka di tormento dia tras dia i sigui Hesukristu kontinuamente.’ Lo bo tuma akshon mesora?
[Plachi na página 9]
Na kuminsamentu Nikodemo a sali na defensa di Hesus ku kurashi
[Plachi na página 9]
Apesar di oposishon, Nikodemo a yuda prepará e kurpa di Hesus pa su entiero
[Plachi na página 10]
Studio personal i orashon por fortalesé bo pa tuma akshon
[Plachi na página 10]
Lo bo aseptá e privilegio di traha bou dje liderato di Hesukristu?