Kon pa Fortalesé Bo Matrimonio
Kon pa Fortalesé Bo Matrimonio
IMAGINÁ bo un kas tur dekaí. E fèrf ta kaska, dak ta dañá, i asta e kurá ta tur deskuidá. Ta bisto ku atraves di añanan e kas aki a pasa dor di algun tormenta pisá, i tambe el a wòrdu neglishá. Mester bash’é abou? No nesesariamente. Si e fundeshi ta fuerte i e struktura ta stabil, probablemente por drecha e kas bèk.
E kas ei ta laga bo kòrda riba bo matrimonio? Atraves di añanan tormenta pisá, na moda di papia, kisas a afektá boso relashon matrimonial. Podisé tabatin un sierto grado di negligensia tambe di parti di un di boso òf di boso tur dos. Tal bes bo ta sinti manera Sandy. Despues di 15 aña kasá, el a deklará: “E úniko kos ku nos tabatin en komun ta ku nos tabata kasá ku otro. I esei no tabata sufisiente.”
Asta si bo matrimonio ta manera esun ei, bo no tin ku kore konkluí ku mester pone un fin na dje. Probablemente bo matrimonio por drecha. Pa gran parti esei ta dependé di boso sentido di kompromiso pa ku e matrimonio, es desir, kon determiná abo ku bo kasá ta pa drecha i konserbá boso matrimonio. E determinashon i deseo ei por yuda duna un matrimonio stabilidat durante tempu di prueba. Pero kiko kompromiso ta enserá? Kon Beibel por yuda bo fortalesé e determinashon i deseo aki?
Kompromiso Ta Enserá Obligashon
Kompromiso ta referí na ora bo ta sinti ku bo tin e deber òf ta emoshonalmente obligá pa kumpli ku un promesa. Tin biaha nan ta apliká e palabra na algu impersonal, manera un akuerdo di negoshi. Por ehèmpel, un kontratista por sintié obligá na kumpli ku e demandanan di un kontrakt ku el a firma pa traha un kas. Kisas e mes no konosé e persona ku a enkargá e trabou. Pero tòg e ta sintié obligá na kumpli ku loke el a primintí den e kontrakt.
Ounke matrimonio no ta djis manera un kontrakt di negoshi, e kompromiso pa ku matrimonio ta enserá obligashon. Abo ku bo kasá probablemente a primintí solemnemente dilanti Dios i hende ku boso lo keda huntu, pase loke pase. Hesus a deklará: “Esun ku a krea hende for di prinsipio ‘a traha nan hòmber i muhé,’ i a bisa: ‘Pa e motibu aki un hòmber lo bandoná su tata i mama i lo uni ku su esposa.’” Mateo 19:4-6) P’esei ora surgi problema, abo ku bo kasá mester ta firmemente determiná pa kumpli ku loke boso a primintí otro. * Un esposa a bisa: “Tabata te ora ku nos a stòp di konsiderá divorsio komo un opshon, ku kos a kuminsá drecha.”
Anto Hesus a agregá: “Loke Dios a uni, no laga ningun hende separá.” (Sin embargo, e kompromiso pa konserbá un matrimonio no ta simplemente un sentido di deber òf obligashon. Kiko mas e ta enserá?
Traha Komo Tim Ta Fortalesé e Kompromiso pa ku Matrimonio
Kompromiso pa ku e matrimonio no ta nifiká ku parehanan kasá nunka lo no tin desakuerdo. Ora surgi un konflikto, nan mester tin e deseo sinsero pa solushoná e asuntu no solamente pasobra primintí ta debe, sino tambe debí na e laso emoshonal ku nan tin ku otro. Hesus a bisa tokante esposo i esposa: “Nan no ta dos mas, sino ún karni.”
Kiko ke men ku abo ku bo kasá ta “ún karni”? Apòstel Pablo a skirbi ku ‘esposonan mester stima nan esposa manera nan mes kurpa.’ (Efesionan 5:28, 29) Ser “ún karni” ta nifiká entre otro ku bo ta mes interesá i preokupá pa e bienestar di bo kasá ku bo ta pa bo propio bienestar. Hende kasá tin ku kambia nan manera di pensa for di “di mi” pa “di nos,” i for di “ami” pa “nos.” Un konsehero a skirbi: “Ámbos kasá mester stòp di ta soltero den nan kurason, i bira persona kasá den nan kurason.”
Abo i bo partner ta ‘kasá den boso kurason’? Ta posibel ku boso ta huntu pa hopi aña i tòg ainda no ta “ún karni” den e sentido ei. Sí, esei por sosodé, pero e buki Giving Time a Chance (Duna Tempu un Chèns) ta bisa: “Matrimonio ta nifiká kompartí un bida; i mas tantu kos dos hende kompartí, mas nan bida kasá lo prosperá.”
Algun pareha infelis ta keda huntu djis pa motibu di e muchanan òf pa siguridat finansiero. Otronan ta keda pasobra divorsio ta kontra nan prinsipionan moral òf pasobra nan tin miedu di kiko hende lo pensa si nan kibra ku otro. Ounke ta digno di elogio ku e matrimonionan aki ta dura, kòrda ku bo meta mester ta pa boso relashon ta unu den kua tin amor, no djis un relashon ku ta dura.
Obranan sin Egoismo Ta Promové e Kompromiso pa ku Matrimonio
Beibel a predisí ku durante “e último dianan,” hende lo ta “stimadó di nan mes.” 2 Timoteo 3:1, 2) I manera e profesia ei a predisí, ta parse ku awe hende ta adorá prinsipalmente nan mes. Den hopi matrimonio e parehanan ta konsiderá ku ora bo ta duna di bo mes sin e garantia di haña meskos bèk, esei ta un señal di debilidat. Sin embargo, den un matrimonio sano, ámbos kasá ta demostrá un spiritu di sakrifisio propio. Kon abo por hasi esei?
(En bes di keda pensa riba e pregunta: ‘Kiko mi ta gana ku e relashon aki?’ puntra bo mes: ‘Kiko ami personalmente ta hasiendo pa fortalesé mi matrimonio?’ Beibel ta bisa ku kristiannan ‘no mester buska nan interes personal so, ma buska tambe interes di otronan.’ (Filipensenan 2:4) Segun ku bo ta meditá riba e prinsipio bíbliko aki, analisá loke bo a hasi durante e último siman aki. Kuantu biaha bo a hasi un akto di bondat eksklusivamente pa benefisiá bo kasá? Bo a skucha bo kasá ora ku e kier a kòmbersá, maske abo no tabatin masha gana e ora ei? Den kuantu aktividat bo a partisipá ku ta interesá bo kasá mas ku nan ta interesá abo?
Segun ku bo ta evaluá e preguntanan ei, no preokupá ku bo kasá lo no tuma nota ni rekompensá bo bon obranan. Un buki di referensia ta bisa: “Den mayoria relashon, komportashon positivo ta pone otro hende reakshoná ku komportashon positivo. P’esei hasi bo bèst pa stimulá bo partner pa hasi kos positivo dor di abo hasi mas kos positivo.” Obranan ku ta reflehá sakrifisio propio ta fortalesé bo matrimonio pasobra nan ta demostrá ku bo matrimonio ta importante pa bo i ku bo ke konserb’é.
Ta Importante pa Mira Matrimonio Komo un Union Permanente
Pa Yehova Dios, fieldat ta balioso. Beibel ta asta bisa: “[Yehova] ta fiel pa esun ku ta fiel.” (2 Samuel 22:26, Beibel na papiamentu koriente) Keda fiel na Dios ta enserá keda fiel na e areglo di matrimonio ku el a instituí.—Génesis 2:24.
Si abo ku bo kasá ta fiel na otro, boso por disfrutá di e dushi sintimentu ku boso union ta permanente. Ora boso ta pensa riba e lunanan, añanan i dékadanan ku tin boso dilanti, boso ta mira boso mes huntu ainda. Boso no ta ni pensa mes ku un dia boso lo no ta kasá mas ku otro; i e punto di bista ei ta duna boso relashon un sintimentu di siguridat. Un esposa a bisa: “Asta ora ku mi ta hopi rabiá ku [mi kasá] i masha molestiá pa loke ta pasando ku nos, mi no ta preokupá ku nos matrimonio lo kaba. Mi ta preokupá tokante kon nos lo bai bèk na e manera ku nos tabata ku otro promé. Niun ora so mi no ta duda ku nos lo bira bon atrobe, simplemente na e momentu ei mi no por mira kon pa logr’é.”
Mira bo matrimonio komo un union permanente ta un parti importante di bo kompromiso ku bo kasá. Pero lamentablemente esei ta loke ta hasi falta den hopi matrimonio. Den Santiago 3:8) Menasa i ultimátum ta meskos ku bisa: ‘Mi no ta mira nos matrimonio komo algu permanente. Mi por bula afó un ora pa otro.’ E mensahe indirekto ei por ta destruktivo pa un matrimonio.
kayente di pleitu, un kasá kisas ta bula bisa: “Mi ta bai lagá bo!” òf, “Mi ta bai buska un hende ku sí ta apresiá mi!” Ta bèrdat ku hopi bes nan no ta men e palabranan ei literalmente. Pero tòg Beibel ta bisa ku lenga por ta “yen di venenu mortal.” (Ora bo ta konsiderá bo matrimonio komo permanente, bo ta ferwagt di keda ku bo kasá den bon i malu. Esaki tin un benefisio adishonal. Ta bira hopi mas fásil pa abo i bo kasá aseptá otro su debilidat i eror i sigui soportá otro i pordoná otro libremente. (Kolosensenan 3:13) Un buki di instrukshon ta bisa: “Den un bon matrimonio, tin lugá pa boso tur dos faya i pa e matrimonio keda eksistí apesar di e fayonan.”
E dia ku bo a kasa, bo a sera un kompromiso, no ku e areglo di matrimonio, sino ku un persona bibu: bo kasá. E echo aki mester tin un efekto profundo riba e manera ku bo ta pensa i aktua komo persona kasá. Bo no ta di akuerdo ku bo mester keda ku bo kasá no solamente pasobra bo ta kere firmemente den e santidat di matrimonio, sino tambe pasobra bo ta stima e persona ku bo a kasá kuné?
[Nota]
^ par. 7 Den kasonan ekstremo, por tin motibu válido pa un pareha kasá separá. (1 Korintionan 7:10, 11; wak e buki E Secreto pa Felicidad den Famia, página 159-61, publiká dor di Testigunan di Yehova.) Ademas, Beibel ta permití divorsio a base di inmoralidat seksual (fornikashon).—Mateo 19:9.
[Kuadro/Plachi na página 5]
Loke Bo Por Hasi Awor
Kon ta pará ku bo kompromiso pa ku bo matrimonio? Kisas bo ta mira ku e por mehorá. Pa hasi bo determinashon mas firme, purba lo siguiente:
● Saminá bo mes. Puntra bo mes: ‘Di bèrdat mi ta sinti ku mi ta kasá den mi kurason, òf ainda mi ta pensa i aktua manera un hende soltero?’ Puntra bo kasá kon e ta haña ku bo ta den esei.
● Lesa e artíkulo aki huntu ku bo kasá. Anto den un manera kalmu, kòmbersá tokante kon boso por hasi boso kompromiso pa ku e matrimonio mas fuerte.
● Partisipá huntu ku bo kasá den aktividatnan ku ta fortalesé boso determinashon. Algun ehèmpel: Wak potrèt di boso kasamentu i di otro susesonan memorabel. Hasi kosnan ku boso tabata gusta hasi durante boso namorashon òf na prinsipio di boso matrimonio. Boso dos huntu studia artíkulonan basá riba Beibel ku a sali den E Toren di Vigilansia i Spièrta! tokante matrimonio.
[Kuadro/Plachi na página 6]
Ser Determiná pa Konserbá Bo Matrimonio Ta Enserá . . .
● Obligashon “Kumpli ku loke bo ta primintí! Ta mihó bo no primintí, ku primintí i keda sin kumpli.”—Eklesiastés 5:4, 5.
● Traha Komo Tim “Dos ta mihó ku un . . . Pasobra si un di nan kai, esun lo lanta su kompañero.”—Eklesiastés 4:9, 10.
● Sakrifisio Propio “Ta mas bendishoná pa duna ku pa risibí.”—Echonan 20:35.
● Konsider’é Komo Union Permanente ‘Amor ta soportá tur kos.’—1 Korintionan 13:4, 7.
[Plachinan na página 7]
Bo ta skucha bo kasá ora ku e ke kòmbersá?