Atmirashon pa Nan Interes den Beibel

MARIANNA, un Testigu di Yehova den sur di Italia, tin 18 aña di edat i ta den su último aña di skol sekundario. E ta asistí na e mesun skol ku algun otro Testigu hóben.

Marianna a skirbi: “Pa un par di aña kaba, algun di nos ta lesa e teksto di Beibel di dia for di Eksaminando e Skritura Diariamente den pousa. E úniko lugá ku nos por a hasi esei tabata den un di e gangnan banda di e sala di e maestronan. E gang no tabata un lugá muchu ketu. Mayoria di e maestronan tabata mira nos ora nan tabata pasa, i algun tabata para pa mira kiko nos tabata hasiendo. Hopi bes esaki a duna nos oportunidat pa kontestá nan preguntanan. Komo promedio, tur dia un maestro tabata para un ratu serka nos. Vários di nan a yega di keda pa skucha nos konsiderashon di e teksto di Beibel i a ekspresá nan atmirashon pa e interes ku nos komo Testigu tin den kosnan spiritual. Un biaha, e asistènt di e kabes di skol a invitá nos pa tene e konsiderashon den e sala di maestro.

Despues ku mi maestro a mira unda nos tabata konsiderá e teksto, el a puntra e kabes di skol si nos por a konsider’é den un di e klasnan, kaminda lo tabata mas ketu. E kabes di skol a duna pèrmit, i mi maestro a elogiá nos dilanti henter e klas pa e bon ehèmpel ku nos ta pone. Nos tur ta masha kontentu pa e gran privilegio ku Yehova a duna nos.”