Un Lei di Amor Skirbí Riba Kurason
Un Lei di Amor Skirbí Riba Kurason
“Lo mi pone mi lei den nan i lo mi skirbié riba nan kurason.”—JEREMIAS 31:33.
1, 2. (a) Kiko nos lo konsiderá awor? (b) Kon Yehova a manifestá su mes na Seru Sinaí?
DEN e dos artíkulonan anterior, nos a siña ku ora Moisés a baha for di Seru Sinaí, su kara tabatin un brio ku a reflehá e gloria di Yehova. Tambe nos a trata e velo ku Moisés a tapa su kara kuné. Laga nos konsiderá awor un asuntu relashoná ku esakinan ku ta importante pa kristiannan djawe.
2 Ora Moisés tabata riba e seru, el a risibí instrukshon for di Yehova. E israelitanan reuní dilanti di Seru Sinaí tabata testigu di un manifestashon masha impreshonante mes di Dios. “Tabatin strena i lamper [bos ku werlek] i un nubia diki riba e seru i un zonidu masha duru mes di tròmpèt, asina ku henter e pueblo ku tabata den e kampamentu tabata tembla. . . . Awor Seru Sinaí tabata tur na huma, pasobra SEÑOR a baha riba dje den kandela; i su huma tabata subi manera huma di fòrnu, i henter e seru tabata sagudí masha duru mes.”—Eksodo 19:16-18.
3. Kon Yehova a duna e Dies Mandamentu na Israel, i kiko e nashon a bin komprondé?
3 Yehova a papia ku e pueblo mediante un angel, i a duna nan e leinan ku a bira konosí komo Dies Mandamentu. (Eksodo 20:1-17) Pues, no por tabatin ningun duda ku e leinan aki a bin di e Todopoderoso. Yehova a skirbi e mandamentunan ei riba tabla di piedra, pero Moisés a kibra e tablanan ora ku el a mira e israelitanan ta adorá un bisé di oro. Yehova a bolbe skirbi e mandamentunan riba piedra. E biaha aki, ora Moisés a baha for di e seru ku e tablanan, su kara tabata bria. E ora ei sí tur hende lo a komprondé ku e leinan ei tabata sumamente importante.—Eksodo 32:15-19; 34:1, 4, 29, 30.
4. Dikon e Dies Mandamentu tabata di gran importansia?
4 A pone e dos tablanan riba kua e Dies
Mandamentu tabata skirbí den e arka di aliansa den e Santísimo di e tabernakel i mas despues den e Santísimo di e tèmpel. E leinan ku tabatin riba e tablanan ei a deklará e prinsipionan básiko di e aliansa di e Lei di Moisés i a forma e base pa e manera ku Dios lo a goberná e nashon di Israel. E leinan a duna prueba ku Yehova tabata trata ku un pueblo spesífiko, un pueblo skohí.5. Den ki maneranan Dios su leinan ku el a duna Israel a reflehá su amor?
5 E leinan ei a bisa nos hopi di Yehova, foral di su amor pa su pueblo. Nan a resultá di ta un regalo presioso pa esnan ku a obedesé nan! Un komentarista bíbliko a skirbi: “Ningun sistema moral ku hende a yega di formulá sea promé òf despues . . . por aproksimá, muchu ménos igualá e dies mandamentunan aki di Dios òf sobresalí riba nan.” Relashoná ku e Lei di Moisés den su totalidat, Yehova a bisa: “Si di bèrdat boso kier obedesé mi bos i warda mi aliansa, e ora ei boso lo ta un tesoro pekuliar riba tur pueblo, pasobra henter tera ta di mi; i boso lo ta pa mi un reino di saserdotenan i un nashon santu.”—Eksodo 19:5, 6.
Un Lei Skirbí Riba Kurason
6. Ki lei a resultá hopi mas balioso ku lei skirbí riba piedra?
6 Sí, e leinan divino ei tabatin gran balor. Pero bo tabata sa ku kristiannan ungí tin algu hopi mas balioso ku lei skirbí riba piedra? Yehova a profetisá ku lo el a sera un aliansa nobo, unu distinto for di e aliansa di Lei ku el a sera ku e nashon di Israel. “Lo mi pone mi lei den nan i lo mi skirbié riba nan kurason.” (Jeremias 31:31-34) Hesus, e Mediadó di e aliansa nobo, no a duna su siguidónan un kódigo di lei skirbí. El a inkulká e lei di Yehova den mente i kurason di su disipelnan dor di e kosnan ku el a bisa i hasi.
7. Na promé instante, ta na ken a duna e “lei di Kristu,” i ken a asept’é mas despues?
7 Beibel ta yama e lei aki “e lei di Kristu.” Na promé instante e no a ser duná na e nashon di Israel natural, ku tabata desendiente di Jakòb, sino na un nashon spiritual, “e Israel di Dios.” (Galationan 6:2, 16; Romanonan 2:28, 29) E Israel di Dios ta konsistí di kristiannan ungí ku spiritu. Ku tempu, “un multitut grandi” di tur nashon, kendenan tambe ta buska pa adorá Yehova, a djòin e kristiannan ungí. (Revelashon 7:9, 10; Zakarias 8:23) Siendo “ún tou” bou di “ún wardadó,” ámbos grupo ta aseptá “e lei di Kristu,” i ta laga e lei ei dirigí tur loke nan ta hasi.—Juan 10:16.
8. Menshoná un diferensia entre e Lei di Moisés i e lei di Kristu.
8 Distinto for di e israelitanan natural, ku mester a kumpli ku e Lei di Moisés pasobra nan a nase den e nashon di Israel, kristiannan ta keda bou di e lei di Kristu di nan
propio boluntat, i faktornan manera rasa i lugá di nasementu no ta relevante. Nan ta siña tokante Yehova i su kamindanan i ta anhelá pa hasi su boluntat. Siendo ku kristiannan ungí tin e lei di Dios “den nan”—skirbí na moda di papia “riba nan kurason”—nan no ta obedesé Dios djis pasobra e por kastigá esnan ku desobedesé; tampoko nan no ta obedes’é djis pa kumpli ku un deber. Nan obedensia ta ankrá den algu mas fundamental i hopi mas poderoso, i e otro karnénan tambe ta obediente pasobra nan tin e lei di Dios den nan kurason.Leinan Basá Riba Amor
9. Kon Hesus a indiká ku amor tabata e esensia di e leinan di Yehova?
9 Nos por resumí e esensia di tur Yehova su lei- i statutonan den un solo palabra: amor. Esei semper tabata i semper lo ta un parti esensial di adorashon puru. Ora nan a puntra Hesus kua tabata e mandamentu di mas grandi di e Lei, el a kontestá: “Stima SEÑOR bo Dios ku henter bo kurason, i ku henter bo alma, i ku henter bo mente.” E di dos tabata: “Stima bo próhimo manera bo mes.” Kaba Hesus a bisa: “Riba e dos mandamentunan aki henter e Lei i e Profetanan ta basá.” (Mateo 22:35-40) Asina Hesus a indiká ku no ta solamente e Lei ku e Dies Mandamentu tabata basá riba amor, sino henter e Skritura Hebreo.
10. Kon bin nos sa ku amor ta e punto sentral di e lei di Kristu?
10 Amor pa Dios i amor pa próhimo ta e punto sentral tambe di e lei ku tin skirbí riba kurason di kristiannan? Sigur ku sí! E Juan 13:34, 35; 15:12, 13) Hesus asta a instruí nan pa stima nan enemigunan.—Mateo 5:44.
lei di Kristu tin keber ku un amor sinsero pa Dios i ta enserá un mandamentu nobo: kristiannan mester tin amor di sakrifisio propio pa otro. Nan mester stima otro manera Hesus a stima su disipelnan, i boluntariamente a entregá su bida na fabor di su amigunan. El a siña su disipelnan pa nan stima Dios i stima otro, meskos ku el a stima nan. E amor ekstraordinario ku nan ta mustra na otro ta e kualidat prinsipal na kua por rekonosé kristiannan berdadero. (11. Kon Hesus a demostrá amor tantu pa Dios komo pa humanidat?
11 Hesus a pone e ehèmpel perfekto den mustra amor. Komo un kriatura spiritual poderoso den shelu, gustosamente el a aseptá e oportunidat di promové e interesnan di su Tata riba tera. Fuera di sakrifiká su bida humano pa otro hende por biba pa semper, el a mustra hende tambe kon nan mester biba. Hesus tabata humilde, bondadoso i komprensivo, i a yuda esnan kargá i oprimí. Tambe el a kompartí “palabranan di bida eterno,” i a traha inkansablemente pa yuda hende siña konosé Yehova.—Juan 6:68.
12. Dikon nos por bisa ku amor pa Dios i pa próhimo ta inseparablemente ligá ku otro?
12 Bon mirá, amor pa Dios i pa próhimo ta inseparablemente ligá ku otro. Apòstel Juan a deklará: “Amor ta bin di Dios . . . Si un hende bisa: ‘Mi ta stima Dios,’ i ta odia su ruman, e ta un gañadó; pasobra esun ku no ta stima su ruman ku el a mira, no por stima Dios, kende e no a mira.” (1 Juan 4:7, 20) Yehova ta e fuente i tambe e puru personifikashon di amor. Tur loke ku Yehova hasi ta influensiá pa amor. Nos ta stima pasobra nos a ser trahá den su imágen. (Génesis 1:27) Dor di mustra amor na nos próhimo, nos ta demostrá nos amor pa Dios.
Stima Ke Men Obedesé
13. Pa nos por stima Dios, kiko nos mester hasi promé?
13 Kon nos por stima Dios, kende nos no por mira? E promé paso krusial ta pa siña konos’é. Nos no por realmente stima òf konfia un persona deskonosí. Pues, e Palabra di Dios ta animá nos pa siña konosé Dios dor di lesa Beibel, dor di hasi orashon i dor di asosiá ku esnan ku ya kaba stim’é i konos’é. (Salmo 1:1, 2; Filipensenan 4:6; Hebreonan 10:25) Spesialmente e kuater Evangelionan ta hopi balioso, pasobra nan ta revelá e personalidat di Yehova manera Hesukristu a reflehá esei den su bida i ministerio. Nos deseo pa obedesé Dios i imitá su personalidat ta bira mas i mas fuerte segun ku nos ta siña konos’é i ta apresiá e amor ku el a mustra na nos. Sí, amor pa Dios ta enserá obedensia.
14. Dikon nos por bisa ku e leinan di Dios no ta pisá?
14 Nos ta konsiente di loke e personanan ku nos ta stima ta gusta i no ta gusta, i nos ta komportá nos mes di akuerdo ku esei. Nos no ke hasi nada ku ta desagradá esnan ku nos ta stima. Apòstel Juan a skirbi: “Esaki ta e amor di Dios, ku nos ta warda su mandamentunan; i su mandamentunan no ta pisá.” (1 Juan 5:3) Nan no ta pisá ni nan no ta hopi. Ta amor ta guia nos kaminda. Nos no tin nodi siña henter un sèt di regla for di kabes pa dirigí delaster un stap ku nos dal; nos amor pa Dios ta guia nos. Si nos ta stima Dios, ta un plaser pa hasi su boluntat. Di e manera ei nos ta gana Dios su aprobashon, i nos ta benefisiá nos mes ya ku su instrukshon semper ta traha na nos fabor.—Isaias 48:17.
15. Kiko lo motivá nos pa imitá Yehova? Splika.
15 Amor pa Dios ta motivá nos pa imitá su kualidatnan. Ora nos ta stima un persona, nos ta atmirá su kualidatnan i ta purba di ta Juan 14:9) Segun ku nos ta siña konosé i apresiá Yehova i su Yu, nos ta sinti nos motivá pa ta meskos ku nan. Nos amor pa Yehova, huntu ku e yudansa di su spiritu santu, lo kapasitá nos pa “pone un banda e hende [òf, “personalidat,” NW] bieu ku su práktikanan malbado, i . . . bisti e hende nobo.”—Kolosensenan 3:9, 10; Galationan 5:22, 23.
meskos kuné. Konsiderá e relashon entre Yehova ku Hesus. Nan tabata huntu den shelu pa podisé míles di miónes di aña. Nan a desaroyá un amor profundo i puru pa otro. Hesus a parse su Tata selestial asina perfektamente ku e por a bisa su disipelnan: “Esun ku a mira mi a mira e Tata.” (Amor den Akshon
16. Dikon nos aktividat di prediká i siña hende ta demostrá nos amor pa Dios i pa próhimo?
16 Komo kristian, nos ta laga nos amor pa Dios i pa próhimo motivá nos pa partisipá den e trabou di prediká e Reino i hasi disipel. Asina nos ta hasi Yehova Dios kontentu, pasobra e “ta deseá pa tur hende wòrdu salbá i yega na konosementu di e bèrdat.” (1 Timoteo 2:3, 4) P’esei nos por haña goso dor di yuda otro hende skirbi e lei di Kristu riba nan kurason. I ta un plaser pa nos mira nan progreso segun ku nan ta transformá nan personalidat pa e reflehá e kualidatnan divino di Yehova. (2 Korintionan 3:18, NW) Bon mirá, e regalo di mas presioso ku nos por duna otro hende ta di yuda nan siña konosé Dios. Esnan ku aseptá Yehova su amistat por disfrutá di dje pa eternidat.
17. Dikon ta mas sabí pa kultivá amor pa Dios i pa próhimo en bes di amor pa kos material?
17 Nos ta biba den un mundu kaminda hende ta duna gran balor na kos material i ta Mateo 6:19) Beibel ta spièrta nos: “Mundu ta pasa bai i su deseonan tambe, ma esun ku hasi e boluntat di Dios ta permanesé pa semper.” (1 Juan 2:16, 17) Sí, Yehova lo keda pa semper, i tambe esnan ku ta stim’é i sirbié. Pues anto, lo no ta mas sabí pa nos kultivá amor pa Dios i pa hende en bes di kore tras di e kosnan di mundu, ku asta den e mihó sirkunstansia t’ei djis pa un tempu?
asta stima nan. Sin embargo, kos material no ta keda pa semper. Hende por hòrta nan òf nan por daña. (18. Kon un misionero a demostrá amor di sakrifisio propio?
18 Personanan ku ta sigui tras di amor ta trese alabansa na Yehova. Tuma por ehèmpel Sonia, un misionero na Senegal. El a studia Beibel ku un señora ku yama Heidi, kende a haña HIV di su kasá inkrédulo. Heidi a batisá despues ku su kasá a muri, pero no a dura hopi ku su salú a bai atras i el a keda hospitalisá ku AIDS. Sonia a konta: “E personal di hospital a hasi nan bèst, pero nan tabata masha tiki. E kongregashon a hasi un apelashon pa haña rumannan boluntario pa atendé Heidi su nesesidatnan den hospital. E di dos anochi ku e tabata hospitalisá, mi a drumi banda di su kama riba un kama di habri abou i a yuda kuid’é te na su morto. E dòkter enkargá a bisa: ‘Nos problema di mas grandi ta ku hopi biaha asta famianan ta bandoná nan hendenan ora ku nan sa ku nan tin AIDS. Dikon abo, ku no ta su famia, no ta di e mesun pais, ni sikiera di su mesun koló, a bai di akuerdo pa kore un riesgo?’ Mi a splik’é ku pa mi, Heidi tabata ègt mi ruman muhé, komo si fuera nos tabatin e mesun mama ku tata. Unabes mi a siña konosé e ruman muhé nobo aki di mi, tabata un plaser pa mi kuid’é.” Por sierto, Sonia su esfuerso amoroso pa kuida Heidi, no tabatin ningun mal konsekuensia p’e.
19. Siendo ku nos tin e lei di Dios skirbí riba nos kurason, di kiko nos tin ku probechá?
19 Entre e sirbidónan di Yehova nos por haña hopi ehèmpel di amor di sakrifisio propio. No tin un kódigo di lei skirbí ku ta identifiká e pueblo di Dios awe. Mas bien, nos ta mira kumplimentu di loke tin pará skirbí na Hebreonan 8:10: “Esaki ta e aliansa ku lo mi sera ku e kas di Israel despues di e dianan ei, SEÑOR ta bisa: lo mi pone mi leinan den nan mente, i lo mi skirbi nan riba nan kurason. I ami lo ta nan Dios, i nan lo ta mi pueblo.” Laga nos semper apresiá i balorá e lei di amor ku Yehova a skirbi riba nos kurason i probechá di tur oportunidat pa demostrá amor.
20. Dikon e lei di Kristu ta algu sumamente balioso?
20 En bèrdat ta un gran goso di por sirbi Dios huntu ku un hermandat mundial ku ta desplegá tal amor! Personanan ku tin e lei di Kristu skirbí riba nan kurason ta poseé algu sumamente balioso den e mundu sin amor aki. No solamente nan ta disfrutá di Yehova su amor sino tambe di e banchi fuerte di amor ku tin den e hermandat. “Mira, ki bon i ki dushi ta pa rumannan biba huntu den armonia!” Ounke Testigunan di Yehova ta biba den hopi nashon, ta papia hopi lenga i ta representá hopi kultura, nan ta disfrutá di un union religioso sin igual. E union aki ta trese Yehova su aprobashon. E salmista a skirbi: “Ayanan [meimei di un pueblo uní den amor] SEÑOR a ordená e bendishon, bida pa semper.”—Salmo 133:1-3.
Bo Por Kontestá?
• Kon importante e Dies Mandamentu tabata?
• Kiko e lei skirbí riba kurason ta?
• Ki papel amor ta hunga den “e lei di Kristu”?
• Den ki maneranan nos por desplegá amor pa Dios i pa próhimo?
[Preguntanan di Estudio]
[Plachi na página 25]
E israelitanan tabatin leinan skirbí riba tabla di piedra
[Plachinan na página 26]
Kristiannan tin e lei di Dios skirbí riba nan kurason
[Plachi na página 28]
Sonia huntu ku un mucha muhé di Senegal na e kongreso di distrito 2004