“Bo Konosé Dios na Su Nòmber?”

E PREGUNTA ei a lanta interes di un señora den e parti zùitwèst di Asia Sentral. E pregunta a sali riba e portada di Spièrta! di 8 di febrüari 2004, e revista ku ta kompañá esun aki. E señora a skirbi e editornan: “For di promé instante boso revista a atraé mi, i el a yuda mi enfoká riba bon norma i balor. Mi punto di bista di bida a bira mas positivo. Mi ta konta tur hende tokante nos Dios i e pas ku e konosementu aki ta duna.”

Na hopi lugá—de echo “te na e parti mas alehá di mundu”—hende ta siña konosé e nòmber di Dios, Yehova. (Echonan 1:8) Por ehèmpel, na idioma turkmeno e nòmber aki ta Yehowa, i bo por hañ’é fásilmente den e tradukshon turkmeno di e Skritura Santu. Salmo 8:1 ta bisa: “Yehova nos Señor, ki mahestuoso bo nòmber ta den henter mundu!”

Pa e señora por a siña mas tokante Yehova Dios, el a pidi un ehemplar di e foyeto di 32 página titulá E nomber divino cu lo permanece pa semper. Bo tambe por pidi e foyeto aki serka kualke Testigu di Yehova.