Edukashon Bíbliko Ta Edifiká Fe
Edukashon Bíbliko Ta Edifiká Fe
“KI UN tremendo privilegio di por a pasa e último sinku lunanan aki prestando atenshon na e pensamentunan di nos Kreadó i siñando kon pa mira kosnan manera é ta mira nan!” Asina un representante di e di 122 klas di e Skol Bíbliko di Galaad di Watchtower a bisa riba dia di graduashon. Dies di mart 2007 lo keda un dia inolvidabel pa e 56 miembronan di e klas ku tabata na punto di kuminsá ku nan sirbishi di misionero den e 26 paisnan na kua nan a ser asigná.
Theodore Jaracz, miembro di Kuerpo Gobernante, a ekstendé un kaluroso bonbiní na e 6.205 personanan ku a sigui e programa i a deklará: “Nos tin sigur ku boso presensia na e programa di graduashon aki lo fortifiká boso spiritualmente i edifiká boso fe.” Kaba el a introdusí kada un di e kuater oradónan ku a duna e studiantenan animashon i konseho oportuno basá riba Beibel pa yuda nan ta eksitoso den nan asignashon di misionero.
Graduadonan Ta Ser Animá pa Edifiká Fe den Otro Hende
Leon Weaver, miembro di Komité di Sukursal di Merka, a papia riba e tema “Sigui Hasi Loke Ta Bon.” El a rekordá e studiantenan ku kada un di nan a dediká un promedio di 13 aña den sirbishi di tempu kompletu, promoviendo edukashon bíbliko ku ta edifiká fe. E di: “Esei ta un bon trabou pasobra e ta enserá salba bida di hende, i mas importante, e ta un bon trabou pasobra e ta engrandesé nos Tata selestial, Yehova.” Anto Ruman Weaver a animá e studiantenan pa sigui ‘sembra ku e spiritu na bista’ i pa no “kansa di hasi bon.”—Galationan 6:8, 9.
David Splane, miembro di Kuerpo Gobernante, a duna rekordatorionan práktiko segun ku el a desaroyá e tema “Hasi Bo Bèst pa Kuminsá Riba un Bon Pia.” Ruman Splane a animá e misioneronan nobo pa kuminsá riba un bon pia den nan asignashon dor di hasi lo siguiente: “Mantené un aktitut positivo. No bula saka konklushon. Smail. No sea krítiko. Sea humilde, i respetá e rumannan lokal.” Anto el a agregá: “Ora boso baha for di avion, hasi boso bèst i kuminsá riba un bon pia, i ku Yehova bendishoná boso pianan bunita segun ku nan ta trese ‘bon nobo di felisidat’ pa e hendenan.”—Isaias 52:7.
Hebreonan 11:1; Revelashon 17:8) Djei padilanti, Galaad a duna studiantenan un chèns di fortifiká nan fe. Un fe fuerte ta motivá graduadonan pa bai proklamá e bèrdat ku entusiasmo.
“Un Herensia Ku Ta Fuera di Tur Duda” tabata e tema ku e instruktor di Galaad, Lawrence Bowen, a trata. Ruman Bowen a rekordá e studiantenan ku Skol di Galaad a kuminsá durante Segundo Guera Mundial a base di e pleno konfiansa ku e rumannan tabatin den e kumplimentu di Yehova su Palabra profétiko. (Mark Noumair, un otro instruktor di Galaad, a papia riba e tema intrigante “Boso Ta Laga Mi Kòrda un Hende.” El a hala atenshon na e ehèmpel di profeta Eliseo, kende a demostrá fe i kurashi den su asignashon. 1 Reinan 19:21, bisando: “Eliseo tabata dispuesto pa hasi ahuste den su bida, pone interesnan personal na di dos lugá i defendé e propósito di Yehova.” El a elogiá e graduadonan pasobra nan a demostrá e mesun spiritu i a animá nan pa sigui hasi esei den nan asignashon nobo.
Ruman Noumair a basa su komentarionan ribaFe Ta Promové Frankesa di Ekspreshon
Durante e oranan di skol e futuro misioneronan tabata edifiká nan fe, pero fin di siman nan tabata probechá prediká e bon nobo na otro hende. Esaki a resultá den bunita eksperensia ku e graduadonan a konta i a demostrá den un parti di e programa na enkargo di Wallace Liverance, un otro instruktor di Galaad. E tema di su parti, “Nos Ta Ehersé Fe, P’esei Nos Ta Papia,” a referí na e palabranan di apòstel Pablo ku nos ta haña na 2 Korintionan 4:13.
Despues di e parti aki, Daniel Barnes i Charles Woody, miembronan di e famia di Bètel, a entrevistá rumannan ku ta misionero i algun ku tabata misionero. E rumannan aki a enfatisá kon Yehova ta kuida i bendishoná esnan ku ta sirbié fielmente. (Proverbionan 10:22; 1 Pedro 5:7) Un misionero a komentá: “Ami ku mi esposa definitivamente a mira kon Yehova a kuida nos mediante e edukashon ku nos a haña na Galaad. Esei realmente a edifiká nos fe. Fe ta importante pasobra tur sirbidó di Dios, inkluso misionero, ta bai konfrontá prueba, problema i ansiedat.”
Sigui Promové Edukashon Bíbliko Ku Ta Edifiká Fe
Komo un kulminashon apropiá di e programa di graduashon, Samuel Herd, miembro di Kuerpo Gobernante, a papia ku e presentenan riba e tema “Sigui Edifiká Boso Rumannan.” Kiko tabata e propósito di e edukashon ku e studiantenan a haña? Ruman Herd a bisa: “Su propósito tabata pa siña boso kon pa usa boso lenga pa alabá Yehova, pa siña e hendenan den boso teritorio nobo su bèrdatnan, i pa edifiká otro den e fe.” Sin embargo, el a rekordá e studiantenan ku e lenga por promové tambe kos ku no ta edifikante. (Proverbionan 18:21; Santiago 3:8-10) El a animá e studiantenan pa imitá e ehèmpel di Hesus den e manera ku nan ta usa nan lenga. Na un okashon, despues di a skucha Hesus, e disipelnan a bisa: “Nos kurason no tabata kima den nos . . . miéntras ku e tabata splika nos e Skrituranan?” (Lukas 24:32) Ruman Herd a bisa: “Si boso palabranan ta edifikante, nan lo toka kurason di e rumannan den boso asignashon.”
Despues di esei, e graduadonan a haña nan diploma. Anto un di nan a lesa un karta di apresio di e klas. E karta a bisa: “Nos ta sinti un responsabilidat profundo pa usa loke nos a siña pa kumpli fielmente ku nos asignashon komo misionero. Awor ku nos ta kla pa bai te na e finnan di tera, nos ta pidi den orashon pa nos esfuersonan por resultá den un gran gritu di alabansa na nos Magnífiko Instruktor, Yehova Dios.” E presentenan a reakshoná ku un aplouso sinsero. En bèrdat e programa di graduashon a edifiká e fe di tur presente.
[Komentario na página 17]
“Si boso palabranan ta edifikante, nan lo toka kurason di e rumannan den boso asignashon”
[Kuadro na página 15]
ESTADÍSTIKANAN DI E KLAS
Kantidat di pais representá: 9
Kantidat di pais na kua a asigná nan: 26
Kantidat di studiante: 56
Promedio di edat: 33,4
Promedio di aña den e bèrdat: 16,8
Promedio di aña den sirbishi di tempu kompletu: 13
[Plachi na página 16]
E di 122 Klas di Graduado di e Skol Bíbliko di Galaad di Watchtower
Den e lista aki bou, e reinan ta numerá di dilanti bai patras, i e nòmbernan ta bai di robes pa drechi den kada rei.
(1) Howitt, R.; Smith, P.; Martinez, A.; Pozzobon, S.; Kitamura, Y.; Laud, C. (2) Fiedler, I.; Beasley, K.; Matkovich, C.; Bell, D.; Lippincott, W. (3) Sites, W.; Andersen, A.; Toevs, L.; Fusano, G.; Rodríguez, C.; Yoo, J. (4) Sobomehin, M.; Thomas, L.; Gasson, S.; Dauba, V.; Bertaud, A.; Winn, C.; Dobrowolski, M. (5) Yoo, J.; Dauba, J.; Mixer, H.; Newton, M.; Rodríguez, F.; Mixer, N. (6) Laud, M.; Lippincott, K.; Martinez, R.; Haub, A.; Schamp, R.; Pozzobon, L.; Toevs, S. (7) Howitt, S.; Kitamura, U.; Newton, D.; Haub, J.; Sites, J.; Thomas, D. (8) Sobomehin, L.; Matkovich, J.; Fusano, B.; Winn, J.; Schamp, J.; Andersen, D.; Dobrowolski, J. (9) Fiedler, P.; Bell, E.; Beasley, B.; Smith, B.; Bertaud, P.; Gasson, M.