Kiko Lo Bo Sakrifiká pa Haña Bida Eterno?
Kiko Lo Bo Sakrifiká pa Haña Bida Eterno?
“Kiko un hende lo duna en kambio di su alma?”—MAT. 16:26.
1. Dikon Hesus a reakshoná asina fuerte riba loke Pedro a bis’é?
APÒSTEL Pedro no por a kere su orea. Su Lider stimá, Hesukristu, tabata bisa “bon kla” ku pronto lo E mester a sufri i muri! Reakshonando riba esei, Pedro—sin duda ku bon intenshon—a skual Hesus, bisando: “Dios libra, Señor! [Òf: “Sea bondadoso ku bo mes, Señor,” NW] Esaki nunka lo no sosodé ku bo.” Hesus a bira lomba pa Pedro i a wak e otro disipelnan. Probablemente nan tambe tabata kompartí e mesun opinion robes ei. Anto el a bisa Pedro: “Kita for di mi dilanti, Satanas! Bo ta un piedra di trompeká pa mi; pasobra bo no tin bo pensamentu riba e kosnan di Dios, sino riba esnan di hende.”—Mar. 8:32, 33; Mat. 16:21-23.
2. Kon Hesus a definí loke ta ser ferwagt di un berdadero disipel?
2 Loke Hesus a sigui bisa kisas a yuda Pedro mira dikon Hesus a reakshoná asina fuerte riba su palabranan. Hesus “a yama e multitut i su disipelnan” i a bisa nan: “Si un hende kier sigui mi, lag’é nenga su mes, i hisa su [“staka di tormento,” NW], i sigui mi. Pasobra ken ku kier salba su bida lo pèrd’é; ma ken ku pèrdè su bida pa mi kousa i pa kousa di evangelio, lo salb’é.” (Mar. 8:34, 35) Ta bisto ku Hesus no solamente tabata a punto di sakrifiká su bida, sino ku el a ferwagt tambe ku e hendenan ku a siguié lo tabata kla pa sakrifiká nan bida den Dios su sirbishi. Si nan a hasi esei, nan lo a risibí un gran rekompensa.—Lesa Mateo 16:27.
3. (a) Ki preguntanan Hesus a hasi su oyentenan? (b) E di dos pregunta di Hesus kisas a pone su oyentenan kòrda riba kiko?
3 Na e mesun okashon ei, Hesus a hasi dos pregunta interesante: “Ki probecho un hende tin si e gana henter mundu i pèrdè su alma?” i Mar. 8:36, 37) For di punto di bista humano, e kontesta riba e promé pregunta ta bisto. Un hende no tin ningun probecho si e gana henter mundu i pèrdè su alma, esta, su bida. Pertenensianan ta útil solamente si bo ta na bida pa disfrutá di nan. Podisé e di dos pregunta di Hesus, “Kiko un hende lo duna en kambio di su alma?,” a pone su oyentenan kòrda riba loke Satanas a pretendé den tempu di Jòb, esta, ku “tur loke un hende tin e lo duna pa su bida.” (Jòb 2:4) E palabranan di Satanas lo por ta bèrdat den kaso di algun hende ku no ta adorá Yehova. Hopi di nan lo hasi kualke kos, bandoná tur prinsipio, djis pa keda na bida. Sinembargo, kristiannan ta mira kos otro.
“Kiko un hende lo duna en kambio di su alma?” (4. Dikon e preguntanan di Hesus tin un nifikashon mas profundo pa kristiannan?
4 Nos sa ku Hesus no a bini na tera pa duna nos bon salú, rikesa i bida largu den e mundu akí. El a bini pa habri e kaminda pa hende biba pa semper den e mundu nobo, i ta e speransa di bida eterno ta loke nos ta balorá mashá. (Juan 3:16) Un kristian lo a komprondé ku e promé pregunta di Hesus ke men: “Ki probecho un hende tin si e gana henter mundu i pèrdè su speransa di bida eterno?” E kontesta ta: Ningun probecho. (1 Juan 2:15-17) Pa yuda nos kontestá e di dos pregunta di Hesus, nos por puntra nos mes: ‘Kuantu mi ta dispuesto pa sakrifiká awor pa sigurá mi speransa di biba den e mundu nobo?’ Nos kontesta riba e pregunta ei—ku ta bisto na e manera ku nos ta hiba nos bida—ta revelá kon firme e speransa ei ta den nos kurason.—Kompará ku Juan 12:25.
5. Kon nos por risibí e regalo di bida eterno?
5 Klaru ku Hesus no tabata ke men ku bida eterno ta algu ku nos por gana. Bida—asta e bida relativamente kòrtiku ku nos tin den e sistema di kosnan akí—ta un regalo. Nos no por kumpr’é ni hasi nada pa meres’é. E úniko manera ku nos por risibí e regalo di bida eterno ta dor di pone “fe den Kristu Hesus” i den Yehova, “Esun ku ta rekompensá esnan ku ta busk’é.” (Gal. 2:16; Heb. 11:6) Sinembargo, nos mester demostrá nos fe pa medio di akshon, pasobra ‘fe sin obra ta morto.’ (Sant. 2:26) P’esei, ora nos ta meditá mas aleu riba e pregunta di Hesus, lo ta bon pa nos konsiderá seriamente kuantu kos nos ta dispuesto pa sakrifiká den e sistema di kosnan akí i kiko nos ta dispuesto pa hasi den e sirbishi di Yehova pa demostrá ku di bèrdat nos fe ta bibu i no morto.
“Kristu No A Agradá Su Mes”
6. Kiko tabata e kos mas importante pa Hesus?
6 Hesus no a fiha su bista riba loke e mundu di su tempu tabatin di ofresé, sino mas bien, el a enfoká riba e kosnan importante i a rechasá e tentashon di optené kosnan material pa hasi su bida kómodo. El a hiba un bida di sakrifisio i obedensia na Dios. Na lugá di agradá su mes, el a bisa: “Semper mi ta hasi e kosnan ku ta Juan 8:29) Te kon leu Hesus tabata dispuesto pa bai p’e agradá Dios?
agradá [Dios].” (7, 8. (a) Ki sakrifisio Hesus a hasi, i ki rekompensa el a haña? (b) Ta bon pa nos hasi nos mes ki pregunta?
7 Na un okashon, Hesus a bisa su disipelnan: “E Yu di hende no a bini pa wòrdu sirbí, ma pa sirbi, i pa duna su bida komo preis di reskate pa hopi.” (Mat. 20:28) Anteriormente, ora Hesus a kuminsá spièrta su siguidónan ku pronto lo el a “duna su bida,” Pedro a suplik’é pa e ta bondadoso ku su mes. Sinembargo, Hesus a para firme. Boluntariamente el a entregá su alma, su kurpa humano perfekto, pa humanidat. Hesus su manera di aktua sin egoismo a pone ku e tabatin un futuro sigur. El a ser resusitá i “halsá na man drechi di Dios.” (Echo. 2:32, 33) Pues, el a bira un ekselente ehèmpel pa nos.
8 Apòstel Pablo a konsehá kristiannan na Roma pa nan “no djis agradá” nan mes i a kòrda nan ku “ni Kristu no a agradá su mes.” (Rom. 15:1-3) Pues anto, te kon leu nos lo apliká e konseho apostóliko ei? Sí, kuantu nos ta dispuesto pa sakrifiká siguiendo e ehèmpel di Kristu?
Yehova Ke pa Nos Dun’é Lo Mihó
9. Bon mirá, kiko un kristian ta hasi ora e dediká su mes na Dios?
9 Den Israel di antigwedat, Lei di Moisés a stipulá ku mester a libra esklabonan hebreo sea den e di shete aña di nan sklabitut òf durante e aña di Hubileo. Sinembargo, tabatin un opshon mas. Si un esklabo a haña kariño pa su doño, lo e por a skohe pa keda komo esklabo den e kas ei pa restu di su bida. (Lesa Deuteronomio 15:12, 16 i 17.) Nos ta den un situashon similar ora nos skohe pa dediká nos mes na Dios. Boluntariamente nos ta bai di akuerdo pa hasi su boluntat, i no sigui nos propio inklinashonnan. Hasiendo esei, nos ta demostrá nos amor profundo pa Yehova i nos deseo di sirbié pa semper.
10. Den ki sentido nos ta propiedat di Dios, i kon esei mester influensiá nos manera di pensa i aktua?
10 Si aktualmente bo ta studiando Beibel ku Testigunan di Yehova, i ta partisipá den predikashon di e bon notisia i ta asistí na reunionnan kristian, nos ta elogiá bo pa esei. Nos ta spera ku pronto lo bo sinti bo motivá pa dediká bo mes na Yehova i hasi e pregunta ku e etiopio a hasi Felipe: “Kiko ta stroba pa mi wòrdu batisá?” (Echo. 8:35, 36) Despues di esei bo relashon ku Dios lo ta manera di e kristiannan ku Pablo a skirbi: “Boso no ta pertenesé na boso mes . . . Pasobra boso a wòrdu kumprá pa un preis.” (1 Kor. 6:19, 20) Sea ku nos speransa ta pa biba den shelu òf riba tera, si nos a dediká nos mes na Yehova, é ta nos Doño. Pues anto, ta masha importante pa nos dominá deseonan egoista i “no bira esklabo di hende” mas! (1 Kor. 7:23) Nos tin e gran privilegio di por ta un sirbidó leal ku Yehova por usa manera e ke!
11. Ki sakrifisio Beibel ta urgi kristiannan pa ofresé, i kiko esei realmente ta nifiká, manera e sakrifisionan bou di Lei di Moisés a ilustrá?
11 Pablo a konsehá rumannan den fe: “Presentá boso kurpanan komo sakrifisionan bibu i santu, aseptabel pa Dios, kual ta boso sirbishi spiritual di adorashon.” (Rom. 12:1) E palabranan ei kisas a pone e kristiannan hudiu kòrda riba e sakrifisionan ku tabata un rasgo di nan adorashon promé ku nan a bira siguidó di Hesus. Nan lo tabata sa ku bou di Lei di Moisés, e bestianan ku nan a ofresé riba e altar di Yehova mester tabata e mihónan ku tabatin. Kualke kos inferior tabata inaseptabel. (Mal. 1:8, 13) Meskos ta e kaso ora nos ta presentá nos kurpa ‘komo sakrifisio bibu.’ Nos ta duna Yehova lo mihó, no simplemente loke a sobra despues ku nos a satisfasé tur nos deseonan personal. Ora nos dediká nos mes na Dios, nos ta dun’é nos “alma”—nos bida—inkondishonalmente, i esaki ta inkluí nos forsa, pertenensianan i kapasidatnan. (Kol. 3:23) Kiko esei ta nifiká den práktika?
Usa Bo Tempu na un Manera Sabí
12, 13. Menshoná un manera ku nos por duna Yehova lo mihó.
12 Un manera ku nos por duna Yehova lo mihó ta dor di usa nos tempu na un manera Efesionan 5:15 i 16.) Pa hasi esei nos mester tin dominio propio. Influensia di e mundu i nos imperfekshon heredá ta pone ku nos tin e tendensia di usa nos tempu puramente pa nos mes goso òf benefisio personal. Ta bèrdat ku “tin un tempu stipulá pa tur kos,” i esaki ta inkluí tempu pa disfrutá di rekreo i pa traha pa gana nos pan pa por kumpli ku nos obligashonnan kristian. (Ekl. 3:1) Sinembargo, un kristian dediká tin ku keda balansá i usa su tempu na un manera sabí.
sabí. (Lesa13 Ora Pablo a bishitá Atenas, el a ripará ku “tur e hendenan di Atenas, i e stranheronan ku tabata di bishita einan, no tabata okupá nan mes ku nada otro, sino papia òf tende algu nobo.” (Echo. 17:21) Awe tambe hopi hende ta malgastá nan tempu. Distraishonnan moderno ta inkluí wakmentu di televishon, hungamentu di wega di vidio i sùrfmentu riba Internet. Anto kada biaha tin mas i mas kos ku por distraí nos i pone nos malgastá nos tempu. Si nos entregá na nan, nos lo por neglishá nos nesesidatnan spiritual. Nos lo por asta kuminsá kere ku nos ta muchu okupá pa atendé “e kosnan mas importante,” esta, asuntunan relashoná ku nos sirbishi na Yehova.—Fil. 1:9, 10, NW.
14. Ki preguntanan ta bon pa nos konsiderá seriamente?
14 P’esei, komo un sirbidó dediká di Yehova, puntra bo mes: ‘Mi programa diario ta inkluí tempu pa lesa Beibel, pa meditá i hasi orashon?’ (Sal. 77:12; 119:97; 1 Tes. 5:17) ‘Mi ta apartá tempu pa prepará pa e reunionnan kristian? Mi ta animá e otro rumannan dor di duna komentario durante reunion?’ (Sal. 122:1; Heb. 2:12) E Palabra di Dios ta bisa ku Pablo i Barnabas a pasa “basta tempu, papiando ku tur frankesa, ku konfiansa den Señor [Yehova].” (Echo. 14:3) Abo lo por ahustá bo sirkunstansianan pa asina bo por pasa mas tempu—sí, “basta tempu”—den e trabou di prediká, kisas sirbiendo komo pionero?—Lesa Hebreonan 13:15. *
15. Kon ansianonan ta usa nan tempu na un manera sabí?
15 Ora ku apòstel Pablo ku Barnabas a bishitá e kongregashon kristian na Antiokia, “nan a keda basta tempu serka e disipelnan” pa animá nan. (Echo. 14:28) Ansianonan amoroso awe tambe ta usa gran parti di nan tempu pa fortalesé otro rumannan. Nan no solamente ta traha den sirbishi di vèlt, sino tambe ta traha duru pa kuida e tou, buska karnénan pèrdí, yuda esnan enfermo i atendé hopi otro responsabilidat den kongregashon. Si bo ta un ruman hòmber batisá, bo sirkunstansianan ta permití bo hasi esfuerso pa kualifiká pa e privilegionan adishonal akí di sirbishi?
16. Menshoná algun manera ku nos por “hasi bon na . . . esnan ku ta di e famia di fe.”
16 Hopi ruman a haña goso den yuda perkurá alivio pa esnan ku a sufri pèrdida debí na desasternan natural òf kousá pa hende. Por ehèmpel, un ruman muhé di 60 i piku aña, ku ta sirbi na Bètel, na vários okashon a biaha Gal. 6:10.
distansianan largu pa bai yuda duna asistensia despues di desaster. Dikon el a usa su dianan di fakansi pa esei? El a bisa: “Ounke mi no ta spesialisá den un sierto fishi, tabata un privilegio di por hasi loke sea tabata nesesario. Mi a haña masha hopi animashon ora mi tabata mira e fe firme di mi rumannan ku a sufri gran pèrdida material.” Ademas, míles di ruman rònt mundu ta yuda traha Salònnan di Reino i Salònnan di Asamblea. Dor di partisipá den e aktividatnan ei, generosamente nos ta “hasi bon na . . . esnan ku ta di e famia di fe.”—“Mi Ta ku Boso Semper”
17. Kiko abo personalmente lo duna a kambio di bida eterno?
17 E sosiedat humano alehá for di Dios ta a punto di disparsé. Nos no sa presis ki dia esei lo sosodé. Pero nos sa sí ku e “tempu ta kòrtiku” i ku “e mundu akí den su forma aktual ta pasando.” (Lesa 1 Korintionan 7:29-31.) Esei ta duna mas importansia ainda na e pregunta di Hesus: “Kiko un hende lo duna en kambio di su alma?” Pa nos por haña e “bida berdadero,” siguramente nos lo hasi kualke sakrifisio ku Yehova ta pidi nos. (1 Tim. 6:19) Sí, ta sumamente importante pa nos obedesé e konseho ku Hesus a duna, esta, pa nos ‘siguié’ kontinuamente i “buska promé e reino di Dios.”—Mat. 6:31-33; 24:13.
18. Ki konfiansa nos por tin, i dikon?
18 Ta bèrdat ku no ta semper fásil pa sigui Hesus, i manera e mes a spièrta, esei a kosta bida di algun hende den e sistema di kosnan akí. Sinembargo, meskos ku Hesus, nos ta resistí e tentashon pa ta ‘bondadoso ku nos mes.’ Nos tin fe den e siguransa ku el a duna su siguidónan ungí di promé siglo: “Mi ta ku boso semper, te na fin di mundu.” (Mat. 28:20) Pues anto, laga nos usa nos tempu i kapasidatnan lo máksimo posibel den sirbishi sagrado. Segun ku nos ta hasi esei, nos ta demostrá ku nos tin e konfiansa ku Yehova lo spar nos atraves di e gran tribulashon òf resusitá nos pa biba den e mundu nobo. (Heb. 6:10) Asina nos lo a demostrá kuantu balor nos ta duna na e regalo di bida.
[Nota]
^ par. 14 Hebreonan 13:15 (NW): “Mediante dje, laga nos semper ofresé na Dios un sakrifisio di alabansa, esta, e fruta di lepnan ku ta hasi deklarashon públiko di su nòmber.”
Kiko Ta Bo Kontesta?
• Kon Hesus, na un manera ekstraordinario, a demostrá ku e tabata dispuesto pa sirbi Dios i hende?
• Pakiko un hende mester nenga su mes, i kon e ta hasié?
• Den Israel di antigwedat, ki tipo di sakrifisio so tabata aseptabel pa Yehova, i ki guia esei ta duna nos awe?
• Kon nos por usa nos tempu na un manera sabí?
[Preguntanan di Estudio]
[Plachi na página 28]
Hesus semper a hasi loke a agradá Dios
[Plachi na página 30]
Israelitanan apresiativo a duna lo mihó pa sostené adorashon berdadero
[Plachi na página 31]
Nos ta agradá Dios dor di usa nos tempu na un manera sabí