Yehova Su Kontesta Riba un Orashon Ferviente
Yehova Su Kontesta Riba un Orashon Ferviente
“Pa hende por sa ku abo, kende su nòmber ta Yehova, abo so ta e Haltísimo riba henter tera.”—SAL. 83:18, NW.
1, 2. Kon hopi hende a sinti ora nan a siña tokante e nòmber di Dios, i ki preguntanan nos lo por hasi nos mes?
ALGUN aña pasá, un señora a keda masha perturbá debí na un tragedia ku a tuma lugá den e área kaminda e tabata biba. Komo ku el a nase den un famia katóliko romano, el aserká e pastor di su parokia pa haña yudansa. Pero e pastor no tabata dispuesto pa ni papia kuné. P’esei, el a resa na Dios: “Mi no sa ken bo ta . . . , pero mi sa ku bo t’ei riba. Por fabor, laga mi konosé bo!” Un poko tempu despues, Testigunan di Yehova a bishit’é i a dun’é e konsuelo i konosementu ku e tabata buska. Un di e hopi kosnan ku nan a siñ’é ta ku Dios tin un nòmber personal, esta, Yehova. Ora el a haña sa esaki, el a keda masha emoshoná. El a bisa: “Imaginá bo, esaki ta e Dios ku mi a anhelá di konosé for di tempu mi tabata mucha!”
2 Hopi hende tabatin un eksperensia similar. Hopi biaha, nan a mira Yehova su nòmber pa promé bes ora nan a lesa Salmo 83:18 den Beibel. Den e Tradukshon di Mundu Nobo, e versíkulo ei ta bisa: “Pa hende por sa ku abo, kende su nòmber ta Yehova, abo so ta e Haltísimo riba henter tera.” Bo a yega di puntra bo mes dikon Salmo 83 a ser skirbí? Ki susesonan lo obligá tur hende rekonosé ku Yehova ta e úniko Dios berdadero? Kiko nos por siña for di e salmo akí awe? Nos lo konsiderá e preguntanan ei den e artíkulo akí. *
Un Konspirashon Kontra e Pueblo di Yehova
3, 4. Ken a komponé Salmo 83, i ki peliger el a deskribí?
3 Segun e título di introdukshon, Salmo 83 ta “un salmo di Asaf.” Probablemente e kompositor di e salmo tabata un desendiente di e levita Asaf, un músiko prominente durante reinado di Rei David. Den e salmo, e eskritor ta roga Yehova pa tuma akshon pa asina vindiká Su soberania i hasi Su nòmber konosí. E salmo akí lo mester a ser komponé poko despues di e morto di Salomon. Dikon? Pasobra durante e reinadonan di David i di Salomon, e rei di Tiro no tabata enemigu di Israel. Rònt dje tempu ku a komponé Salmo 83, e habitantenan di Tiro a bira kontra Israel i tabata apoyá e enemigunan di Israel.
4 E salmista a menshoná dies nashon ku a konspirá huntu pa destruí Dios su pueblo. E enemigunan ei tabata situá tur rònt di Israel i nan tabata: “E tèntnan di Edòm i e ismaelitanan, Moab i e hagarenonan, Gebal, Amon i Amalek, Filistea ku e habitantenan di Tiro; Asiria tambe a uni ku nan.” (Sal. 83:6-8) Na ki susesonan históriko e salmo ta referí? Algun hende ta pensa ku e salmo ta referí na e atake ku e koalishon di Amon, Moab i e habitantenan di Seru Seir a hasi kontra Israel den e dianan di Josafat. (2 Kró. 20:1-26) Otronan ta kere ku e salmo ta papia di e enemistat en general ku Israel a eksperensiá na man di su bisiñanan atraves di su historia.
5. Kon Salmo 83 ta benefisiá kristiannan awe?
5 Sea kual sea e kaso, ta bisto ku Yehova Ezekiel 38:2, 8, 9 i 16.
Dios a inspirá skirbimentu di e salmo akí na un tempu ku e nashon tabata den peliger. Ademas, e salmo akí ta animá Dios su sirbidónan djawe, kendenan durante henter nan historia a eksperensiá un atake tras di otro na man di nan enemigunan ku ta determiná pa destruí nan. I siguramente lo e fortalesé nos den futuro serkano ora ku Gòg di Magòg reuní su ehérsito den un último intento pa destruí tur hende ku ta adorá Dios den spiritu i bèrdat.—LesaUn Asuntu Importante
6, 7. (a) Kiko ta e kosnan ku e salmista a resa p’e den e palabranan di introdukshon di Salmo 83? (b) Kiko tabata e salmista su interes prinsipal?
6 Skucha kon e salmista ta deshogá su sintimentunan den orashon: “No warda silensio, o Dios; no keda ketu, o Dios, no keda sin aktua. Pasobra mira, bo enemigunan ta borotá; i esnan ku ta odia bo a halsa nan mes. Nan ta traha plannan astuto kontra bo pueblo . . . Pasobra nan a konspirá huntu den ún akuerdo, kontra bo nan a sera un aliansa.”—Sal. 83:1-3, 5.
7 Kiko tabata e salmista su interes prinsipal? Naturalmente, lo e tabata preokupá pa su propio siguridat i di su famia. Sinembargo, den su orashon el a enfoká riba e reproche ku e nashonnan enemigu tabata pone riba e nòmber di Yehova i nan menasanan kontra e pueblo ku a karga e nòmber ei. Meskos ku e salmista, laga nos tur mantené un punto di bista balansá segun ku nos ta soportá difikultat durante e último dianan di e mundu bieu akí.—Lesa Mateo 6:9 i 10.
8. Dikon e nashonnan a konspirá kontra Israel?
8 E salmista a sita Israel su enemigunan, kendenan a bisa: “Laga nos ban kaba ku nan komo nashon, pa e nòmber di Israel no wòrdu rekordá mas.” (Sal. 83:4) E nashonnan tabatin masha rabia mes riba Dios su pueblo skohí! Pero nan tabatin un otro motibu pakiko nan a konspirá kontra Israel. Nan a kudishá Israel su tera i a broma: “Laga nos tuma pa nos mes e lugánan di yerba bèrdè [òf, “lugánan di habitashon,” NW] di Dios.” (Sal. 83:12) Tin algu similar ta tuma lugá den nos tempu? Sí!
“Bo Habitashon Santu”
9, 10. (a) Kiko tabata Dios su lugá di habitashon den tempu di antigwedat? (b) Ki bendishonnan e restu ungí i e “otro karnénan” ta disfrutá di dje awe?
9 Den antigwedat, hende tabata referí na e Tera Primintí komo Dios su lugá di habitashon santu. Kòrda riba e kantika di viktoria ku e israelitanan a kanta despues ku Dios a libra nan for di Egipto: “Den bo miserikòrdia bo a guia e pueblo ku bo a redimí; den bo fortalesa bo a guia nan na bo habitashon santu.” (Eks. 15:13) Mas despues, e lugá di “habitashon” ei a kontené un tèmpel ku su saserdosio i un stat kapital, Yerusalèm, ku un dinastia di rei ku a bini di David i a sinta riba e trono di Yehova. (1 Kró. 29:23) Ku bon motibu anto, Hesus a yama Yerusalèm “e stat di e gran Rei.”—Mat. 5:35.
10 Kiko di nos tempu? Na aña 33 di nos era, un nashon nobo, “e Israel di Dios,” a nase. (Gal. 6:16) E nashon ei, ku a konsistí di Hesukristu su rumannan ungí, a kumpli ku e tarea ku Israel karnal no por a kumpli kuné, esta, ser testigu di e nòmber di Dios. (Isa. 43:10; 1 Ped. 2:9) Yehova a primintí nan e mesun kos ku el a primintí Israel di antigwedat: “Lo mi ta nan Dios, i nan lo ta mi pueblo.” (2 Kor. 6:16; Lev. 26:12) Na aña 1919, Yehova a drenta un relashon spesial ku e restu di “e Israel di Dios,” i e tempu ei, nan a tuma posishon di un “tera.” E “tera” akí ta referí na nan aktividatnan spiritual, i miéntras nan a okupá nan mes ku e aktividatnan akí, nan a disfrutá di un paradeis spiritual. (Isa. 66:8) For di dékada di 1930, miónes di ‘otro karné’ a djòin nan. (Juan 10:16) E echo ku Yehova ta bendishoná e kristiannan di nos tempu akí ku oumento i ta protehá nan, ta duna nos prueba konvinsente ku Yehova tin derecho di ta e Soberano. (Lesa Salmo 91:1 i 2.) Esaki ta hasi Satanas furioso!
11. Kiko ta e meta prinsipal di e enemigunan di Dios?
11 Durante e tempu di fin, Satanas a instigá su
siguidónan riba tera pa oponé e restu ungí i nan kompañeronan, e otro karnénan. Esei a sosodé na Wèst Europa bou di e régimen nazi i na Ost Europa bou di e gobernashon komunista di Union Soviétiko. El a sosodé tambe den hopi otro pais i lo e bolbe sosodé, spesialmente durante e atake final di Gòg di Magòg. Durante e atake ei, kisas opositornan golos pa kos lo konfiská e propiedatnan di e pueblo di Yehova, meskos ku nan enemigunan a hasi den pasado. Sinembargo, semper Satanas su meta prinsipal tabata pa kibra nos komo pueblo pa asina e nòmber “Testigunan di Yehova” pasa pa olvido. Kon Yehova ta reakshoná riba tal rebeldia kontra su soberania? Pensa atrobe riba e palabranan di e salmista.Un Ehèmpel di Yehova Su Viktoria
12-14. E salmista a skirbi tokante kua dos viktoria históriko ku a tuma lugá serka di e stat Meguido?
12 Tuma nota ku e salmista tabatin e fe firme ku Yehova por a stroba e nashonnan enemigu di kumpli ku nan plannan. Den e salmo, e ta menshoná dos viktoria desisivo ku Israel a logra riba su enemigunan serka di e antiguo stat Meguido, ku tabatin bista riba un vaye di sabana ku tabatin e mesun nòmber. Den zomer, bo por mira e fondo seku di Riu Kison ku ta pasa zigzag dor di e sabana di e vaye. Despues di un bon yobida den wenter, e riu ta inundá e sabana. Kisas ta pa e motibu ei, nan ta yama e riu tambe “e awanan di Meguido.”—Hues. 4:13; 5:19.
13 Aproksimadamente 15 kilometer for di Meguido, na otro banda di e vaye, bo ta haña e seritu di More. Einan, den tempu di Hues Gideon, e tropanan kombiná di madianita, amalekita i e yu hòmbernan di oriente a reuní pa bringa kontra dje. (Hues. 7:1, 12) Gideon su ehérsito chikitu al final tabata konsistí di 300 hòmber so, pero ku e yudansa di Yehova, nan a derotá e ehérsito grandi di enemigu. Kon nan a logra esaki? Riba instrukshon di Dios, nan a rondoná e kampamentu enemigu anochi i den nan man nan tabatin kanika ku flambeu sendí aden. Ora Gideon a duna e señal, su hòmbernan a dal e kanikanan kibra i e flambeunan a bira visibel. Na mes momento, nan a supla nan kachunan i a grita: ‘Un spada pa Yehova i pa Gideon!’ Esaki a konfundí e enemigu, i nan mes a kuminsá mata otro; esnan ku a sobrebibí a hui via Riu Hordan. Miéntras tantu, mas israelita a bini i a kuminsá persiguí e enemigu. Na tur, nan a mata 120.000 sòldá enemigu.—Hues. 7:19-25; 8:10.
14 Aproksimadamente seis kilometer despues di e seritu di More, na otro banda di e vaye dilanti di Meguido, bo ta haña Seru Tabor. Ta einan Hues Barak mas promé a reuní 10.000 sòldá israelita pa konfrontá e ehérsito di Jabin, e rei kananeo di Hazor, bou di komando di su hefe di ehérsito Sísara. E ehérsito kananeo akí tabatin 900 garoshi di guera ekipá ku blet largu di heru pegá na e wilnan. Israel su sòldánan, mal ekipá, a reuní riba Seru Tabor. Sísara su ehérsito, debí na nan ekipo superior, tabatin sigur ku nan por a derotá e israelitanan i p’esei nan a drenta e vaye. E ora ei, Yehova “a konfundí Sísara i tur su garoshinan i henter su ehérsito.” Probablemente, un yobida inesperá a pone ku e garoshinan a pega den lodo debí ku Riu Kison a desbordá. E israelitanan a mata henter e ehérsito.—Hues. 4:13-16; 5:19-21.
15. (a) Kiko e salmista a pidi Yehova hasi? (b) Kiko e nòmber di Dios su bataya final ta laga nos kòrda?
15 E salmista a roga Yehova pa hasi algu similar ku e nashonnan ku den su tempu a pone eksistensia di e pueblo di Israel na peliger. El a resa: “Trata ku nan manera bo a trata ku Madian, Sal. 83:9, 10) Ta interesante pa mira ku Beibel ta yama Dios su guera final kontra e mundu di Satanas Armagedón (ku ta nifiká “Seru di Meguido”). E nòmber ei ta laga nos kòrda e batayanan desisivo ku a tuma lugá serka di Meguido. Yehova su viktoria den e antiguo gueranan ei ta un garantia pa nos ku lo e triunfá sigur den e bataya di Armagedón.—Rev. 16:13-16.
manera bo a trata ku Sísara i Jabin, na e roi di Kison, kendenan a peresé na Endor, kendenan a bira manera mèst pa tera.” (Resa pa e Vindikashon di e Soberania di Yehova
16. Kon kara di opositornan a ‘yena ku desonor’ awe?
16 Atraves di e “último dianan” akí, Yehova a stroba tur esfuerso ku su opositornan a hasi pa eliminá su pueblo. (2 Tim. 3:1) Esei a pone ku nan a keda tur na bèrgwensa. Salmo 83:16 a profetisá esaki, ora el a bisa: “Yena nan kara ku desonor, asina ku nan lo buska bo nòmber, o SEÑOR” Yehova. Den un pais tras di otro, opositornan a frakasá barbaramente den nan intentonan pa silensiá Testigunan di Yehova. Den e paisnan ei, e firmesa i perseveransia di e adoradónan di e úniko Dios berdadero a sirbi komo un testimonio pa hende sinsero, i hopi a ‘buska Yehova su nòmber.’ Den vários pais kaminda opositornan un tempu tabata persiguí Testigunan di Yehova kruelmente, awor tin míles, asta sientos di míles di alabadó gososo di Yehova. Ki un triunfo pa Yehova! I ki un bèrgwensa pa su enemigunan!—Lesa Jeremias 1:19.
17. Ki situashon krítiko opositornan ta enfrentá, i kua palabranan nos lo kòrda pronto?
17 Klaru ku nos sa ku e lucha no a terminá ainda. I nos ta sigui prediká e bon nobo—asta na hende ku ta kontra. (Mat. 24:14, 21) Sinembargo, pronto lo bin un fin na e oportunidat ku e opositornan ei tin awe pa repentí i haña salbashon. Santifikashon di Yehova su nòmber ta muchu mas importante ku hende su salbashon. (Lesa Ezekiel 38:23.) Ora tur nashon rònt mundu reuní, manera Beibel a profetisá, pa destruí e pueblo di Dios, nos lo kòrda e palabranan akí di e salmista su orashon: “Laga nan wòrdu brongosá i konfundí pa semper; sí, laga nan wòrdu humiá i laga nan peresé.”—Sal. 83:17.
18, 19. (a) Kiko ta spera opositornan di Yehova su soberania? (b) Ki efekto e binidero vindikashon final di Yehova su soberania tin riba bo?
18 Un fin humiante ta spera hende ku na un manera desididu ta oponé Yehova su soberania. E Palabra di Dios ta revelá ku esnan ku “no ta obedesé e evangelio”—i ku p’esei ta ser ehekutá na Armagedón—lo haña “pèrdishon eterno.” (2 Tes. 1:7-9) Nan destrukshon i e sobrebibensia di esnan ku sí ta adorá Yehova lo ta evidensia konvinsente ku Yehova ta e úniko Dios berdadero. Den e mundu nobo, hende lo keda kòrda e gran viktoria ei pa semper. E hendenan ku bini bèk den e “resurekshon di . . . e hustunan [i] e malbadonan,” lo tende di Yehova su hazaña. (Echo. 24:15) Den e mundu nobo, nan lo mira evidensia konvinsente ku ta sabí pa nos biba bou di e soberania di Yehova. I esnan entre nan ku ta mansu lo keda konvensí masha lihé ku Yehova ta e úniko Dios berdadero.
19 Esta un futuro maravioso nos Tata selestial a prepará pa su fiel adoradónan! Sin duda, bo ta sinti bo motivá pa pidi Yehova pa pronto e duna un kontesta final na e orashon ku e salmista a hasi na dje: “Laga [bo enemigunan] wòrdu humiá i laga nan peresé, pa nan por sa ku abo so, kende su nòmber ta [Yehova], ta e Haltísimo riba henter tera.”—Sal. 83:17, 18.
[Nota]
^ par. 2 Promé ku bo studia e artíkulo akí lo ta bon pa lesa Salmo 83 pa bo por familiarisá bo mes ku su kontenido.
Bo Por Splika?
• Den ki situashon Israel tabata ora a skirbi Salmo 83?
• Kiko tabata e interes prinsipal di e eskritor di Salmo 83?
• Ken tabata e blanko di Satanas su enemistat durante nos tempu?
• Kon Yehova lo kontestá e orashon ekspresá den Salmo 83:18 finalmente?
[Preguntanan di Estudio]
[Mapa na página 22]
(Pa e teksto den su formato kompleto, wak e publikashon)
Kiko e batayanan ku a tuma lugá serka di antiguo Meguido tin di haber ku nos futuro?
Riu Kison
Haroset
Seru Karmelo
Vaye di Jezreel
Meguido
Taanak
Seru Gilboa
Fuente di Harod
More
Endor
Seru Tabor
Laman di Galilea
Riu Hordan
[Plachi na página 19]
Kiko a motivá un salmista pa komponé un orashon ferviente?