Página pa Hóbennan

E Resurekshon di Lázaro

Instrukshon: Hasi e proyekto akí den un ambiente trankil. Segun ku bo ta lesa e tekstonan, imaginá bo mes den e situashon: purba visualisá e suseso, tende e stèmnan i sinti meskos ku e personahenan prinsipal a sinti. Hinka bida den e relato.

ANALISÁ E SUSESO.—LESA JUAN 11:​1-45.

Ora bo lesa versíkulo 21, kon bo ta kere Marta a sinti? I segun versíkulo 32, kon Maria a sinti?

․․․․․

Kon bo ta imaginá ku Hesus lo a ekspresá e emoshonnan profundo ku versíkulo 33 i 35 ta deskribí?

․․․․․

Purba visualisá kon abo lo a sinti si ta abo lo a eksperensiá loke versíkulo 43 i 44 ta deskribí. Purba visualisá esaki desde e punto di bista di Lázaro i di e otro hendenan ku tabata presente.

BAI MAS PROFUNDO.

For di kaminda Hesus tabata, lo e tabatin ku biaha dos dia p’e yega Betania. Pakiko Hesus no a disidí di bai mesora? (Bolbe lesa versíkulo 6.)

․․․․․

Kon Beibel ta indiká ku tantu Maria komo Marta tabata interesá den asuntunan spiritual? (Lukas 10:​38, 39; Juan 11:24)

․․․․․

Dikon Hesus a resusitá hende maske nan lo a muri atrobe? (Juan 5:​28, 29; 11:45)

․․․․․

APLIKÁ LOKE BO A SIÑA. SKIRBI LOKE BO A SIÑA TOKANTE . . .

Hesus su kapasidat pa resusitá e mortonan i e echo ku e tabata dispuesto pa hasi esei.

․․․․․

Hesus su sintimentu di kompashon pa esnan ku tabata den tristesa.

․․․․․

KEN ABO LO KE MIRA ORA E RESUREKSHON TUMA LUGÁ?

․․․․․

KI ASPEKTO DI E RELATO AKÍ BO TA HAÑA MAS ÚTIL PA BO, I DIKON?

․․․․․