“Hende lo . . . no tin kariño natural pa nan famia.”​—2 TIMOTEO 3:​1-3, God’s Word Bible

● Chris, un señora ku ta traha pa un grupo ku ta duna yudansa na víktimanan di violensia doméstiko na Nort Wales, Gran Bretania, a bisa: “Mi ta kòrda un señora ku a bini serka mi ku asina hopi sla na su kurpa ku ni sikiera mi por a rekonos’é desde e último biaha ku mi a mir’é. Otronan ta asina emoshonalmente kibrá ku nan no por ni hisa kara wak bo.”

KIKO ECHONAN TA MUSTRA? Den un pais afrikano, aproksimadamente 1 di kada 3 hende muhé a ser abusá seksualmente tempu ku nan tabata mucha. Un enkuesta ku nan a hasi den e mesun pais ei ta mustra ku mas ku un tersera parti di hende hòmber ta pensa ku ta normal pa nan bati nan kasá. Pero, no ta hende muhé so ta víktima di violensia doméstiko. Por ehèmpel, na Canada kasi 3 di kada 10 hòmber a ser maltratá físikamente òf abusá na man di nan partner.

KIKO TA UN OPHESHON KOMUN? Violensia doméstiko a eksistí semper. E úniko diferensia ta ku awor hende tin mas atenshon p’e ku den pasado.

E OPHESHON EI TIN BASE? Den dékadanan resien, hende a bira muchu mas konsiente di violensia doméstiko. Pero esaki a pone ku e kantidat di kasonan di violensia doméstiko a bira ménos? Nò, al kontrario, falta di kariño natural ta mas komun awe ku nunka.

KIKO ABO TA PENSA? E profesia na 2 Timoteo 3:​1-3 ta kumpliendo? No ta asina ku hopi hende no tin kariño natural pa nan famia?

E di sinku profesia ku ta hañando kumplimentu tin di haber ku nos kas, e planeta Tera. Laga nos wak kiko Beibel ta bisa tokante e tópiko akí.

[Komentario na página 7]

“Violensia doméstiko ta konosí komo un di e krímennan ku ménos un hende ta hasi denunsia di dje. Un hende muhé ta ser maltratá por lo ménos 35 biaha promé ku e yama polis pa su partner.”​—UN BOSERO PA E LIÑA DI YUDANSA KONTRA ABUSU DOMÉSTIKO NA WALES.