SIGUI VIGILÁ!

2022: Un Aña Turbulento—Kiko Beibel Ta Bisa?

TOKA NA

Durante aña 2022, guera, problema ekonómiko i desaster natural tabata hopi den notisia. Ta Beibel so por splika nifikashon di e susesonan akí.

Berdadero nifikashon di algun suseso ku a tuma lugá durante 2022

E susesonan ku a tuma lugá durante e aña ku a pasa ta mas prueba ku nos ta bibando den e tempu ku Beibel ta yama “e último dianan.” (2 Timoteo 3:1) E periodo ei a kuminsá na aña 1914. Mira kon e siguiente susesonan ta kuadra ku loke Beibel a bisa hopi tempu adelantá tokante nos tempu:

“Guera.”—Mateo 24:6.

“Na Aña 2022, Europa A Bolbe Hañ’é ku Guera.” a

Wak e artíkulo: “Rusia A Invadí Ukrania.”

“Skarsedat di kuminda.”—Mateo 24:7.

“2022: Un Aña Históriko pa Loke Ta Skarsedat di Kuminda.” b

Wak e artíkulo: “E Guera na Ukrania Ta Kontribuí na Skarsedat di Kuminda Rònt Mundu.”

“Pèst.”—Lukas 21:11.

“Polio a bolbe lanta kabes. Tabatin brote di algu manera sende paga (monkeypox). I COVID-19 ta sigui kousa problema pa humanidat. E malesanan ei ta mustra kon peligroso malesa kontagioso ta i kon vulnerabel hende ta.” c

Wak e artíkulo: “6 Mion Hende A Muri Debí na COVID.”

“Esenanan spantoso.”—Lukas 21:11.

“Na aña 2022, tabatin ola di kalor, sekura, kandela di mondi i inundashon. Durante zomer di aña 2022, tabatin vários desaster natural ku a kousa hopi destrukshon. Míles di hende a muri, i hopi hende mester a bandoná nan kas. No tin duda: Hende lo kòrda tur e susesonan doloroso ei.” d

Wak e artíkulo: “Temperatura Ta Subi Drástikamente Rònt Mundu.”

“Desòrdu.”—Lukas 21:9.

“Mas i mas hende ta rabiá pa motibu di e problemanan ekonómiko ku ta surgi, spesialmente debí na kosto di bida ku ta subi. Durante aña 2022, tabatin hopi protesta kontra e gobièrnunan debí na problema ekonómiko, mas ku nunka promé.” e

Wak e artíkulo: “Kosto di Bida Ta Subi Rònt Mundu.”

Kiko nos por spera otro aña?

Niun hende no por bisa ku eksaktitut kiko lo sosodé na aña 2023. Loke sí nos sa ta ku pronto e Reino di Dios, òf Dios su gobièrnu selestial, lo tuma akshon. (Dánièl 2:44) Sí, e gobièrnu di Dios lo kaba ku tur loke ta pone hende sufri, i lo e sòru pa boluntat di Dios kumpli aki riba tera.—Mateo 6:9, 10.

Nos ta animá bo pa “keda vigilá,” manera Hesukristu a konsehá nos, pa bo por mira kon e susesonan na mundu ta kumplimentu di profesia bíbliko. (Marko 13:37) Por fabor, tuma kontakto ku nos pa haña sa mas tokante kon Beibel por yuda bo awor i kon abo i bo famia por disfrutá di e mihó futuro ku Beibel ta primintí.

a AP News, “Na Aña 2022, Europa A Bolbe Hañ’é ku Guera,” Jill Lawless, 8 di desèmber 2022.

b World Food Programme, “Skarsedat di Kuminda Rònt Mundu.”

c JAMA Health Forum, “Bibando den un Era di Pandemia—COVID-19; Monkeypox; Polio; Malesa X,” Lawrence O. Gostin, JD, 22 di sèptèmber 2022.

d Earth.Org, “Mal Tempu Ekstremo Durante Zomer 2022—Kon Bini?” Martina Igini, 24 di òktober 2022.

e Carnegie Endowment for International Peace, “Mundialmente, Hopi Hende A Protestá Debí na Problema Ekonómiko Durante 2022,” Thomas Carothers i Benjamin Feldman, 8 di desèmber 2022.