Hesus ta komprondé loke hende ta sinti ora nan ta sufri pa motibu di krímen òf inhustisia. Hende a ser akusá falsamente, batí, husgá i kondená inhustamente i ehekutá na un manera kruel. Aunke Hesus tabata inosente, e tabata dispuesto pa sakrifiká “su bida komo reskate pa por libra hopi hende.” (Mateo 20:28; Huan 15:13) Awor, komo Rei di e Reino di Dios, pronto lo e sòru pa hustisia reina riba henter tera. Lo e kaba ku kriminalidat pa semper.—Isaías 42:3.

 Beibel ta deskribí kon mundu lo ta despues ku Hesus kaba ku krímen i inhustisia:

•   “Lo no tin hende malbado mas. Lo bo bai wak kaminda nan tabata, ma nan lo no t’ei. Pero hende mansu lo heredá tera, i nan lo disfrutá di pas na abundansia.”—Salmo 37:10, 11.

 Kon nos por mustra ku nos ta gradisidu pa tur loke Hesus a hasi i lo bai hasi pa nos? Na Lukas 22:19, nos ta lesa ku Hesus a bisa su siguidónan pa rekordá su morto. Pa e motibu ei, tur aña, riba e fecha ku el a muri, Testigunan di Yehova ta reuní huntu. Nos ta invitá bo pa djòin nos pa e Konmemorashon di e Morto di Hesus ku lo tuma lugá djadumingu 24 di mart 2024.

Buska un lugá kaminda lo tene e konmemorashon