“Si nos sigui asin’akí, djis nos lo haña nos ku problema desastroso di klima. Hopi stat grandi lo keda bou di awa. Lo tin temporada di kalor inmenso ku nunka hende a yega di eksperensiá. Ademas, lo tin hopi tormenta spantoso i skarsedat di awa tur kaminda. Miónes di sorto di mata i bestia lo disparsé. E kosnan ei no ta kuenta di fantasia ni eksagerashon. Siensia ta bisa nos ku e kosnan ei lo ta resultado di e manera aktual ku nos ta manehá energia.”—Diskurso di António Guterres, sekretario general di Nashonnan Uní, en konekshon ku un informe ku a sali dia 4 di aprel 2022 di e Grupo Intergubernamental di Eksperto Tokante Kambio di Klima.

 “Vários sientífiko a bati alarma. Nan ta spièrta ku den e añanan binidero destrukshon kousá pa kambio di klima lo afektá tur e 423 parkenan nashonal [na Merka]. E parkenan ei ta ser afektá mas tantu pa oumento di temperatura. E lista largu di kos ku ta menasá e parkenan ta zona manera e kastigunan menshoná den Beibel: kandela i diluvio, kapa di eis ku ta dirti, nivel di laman ku ta subi i ola di kalor.”—“Káos Kousá pa Inundashon na Yellowstone, un Señal di Mas Krísis na Kaminda,” sitá for di korant The New York Times, 15 di yüni 2022.

 Tin solushon pa e problemanan di medio ambiente ku nos planeta Tera ta konfrontá? Si ta asina, ken lo solushoná nan? Ban wak kiko Beibel ta bisa.

 Beibel ta bisa ku Dios lo “kaba ku esnan ku ta kaba ku e tera.” (Revelashon 11:18) Nos ta siña tres kos for di e versíkulo di Beibel akí:

1.  1. Aktividat di hende lo kousa hopi daño na tera.

2.  2. Un dia hende lo stòp di daña tera.

3.  3. Ta Dios lo solushoná e problemanan di medio ambiente di nos planeta i no hende.

 Beibel ta bisa ku “tera ta permanesé pa semper.” (Eklesiástes 1:4) Semper lo tin hende riba tera.

•   “E hustunan lo heredá e tera, i lo biba den dje pa semper.”—Salmo 37:29.

 E medio ambiente di nos planeta lo rekuperá, i nos tera lo ser restorá.

•   “Laga desierto i tera seku alegrá, mondi bira kontentu i floresé.”—Isaías 35:1, Beibel na papiamentu koriente.