Nashonnan Uní ta informá lo siguiente:

•   Entre 7 pa 23 di òktober 2023, 6.400 hende a muri i 15.200 hende a ser heridá den e guera entre Gaza i Israel. Mayoria di e hendenan ei ta hende komun i koriente ku no tin nada di haber ku e guera. Ademas, míles i míles di hende a haña nan fòrsá pa bandoná nan kas.

•   E sifranan te ku 24 di sèptèmber 2023 ta mustra ku 9.701 siudadano a muri i 17.748 siudadano a ser heridá na Ukrania debí na e guera entre Rusia i Ukrania.

 Ki speransa Beibel ta duna hende ku ta ser afektá pa motibu di guera?

 Beibel ta bisa ku Dios ta bai “kaba ku guera tur kaminda riba tera.” (Salmo 46:9) Dios ta bai usa un gobièrnu selestial, òf un reino, pa remplasá tur gobièrnu. (Dánièl 2:44) E Reino di Dios lo bai trese alivio pa humanidat.

 Esaki ta algun di e kosnan ku Hesukristu, Rei di e Reino di Dios, lo bai hasi:

•   “Lo e libra hende pober ku ta sklama pa yudansa; lo e libra hende oprimí i hende ku no tin niun persona pa yuda nan. Lo e tene kompashon ku hende oprimí i ku hende pober, i lo e salba bida di hende pober. Lo e libra nan for di opreshon i violensia.”—Salmo 72:12-14.

 Pa medio di e Reino di Dios, Dios ta bai kita tur tristesa i sufrimentu ku guera i violensia ta kousa.

•   “Lo e seka tur lágrima for di nan wowo, i lo no tin morto mas; ni tristesa ni sklamashon ni doló lo no tin mas. E kosnan ku tabata pasa ántes no t’ei mas.”—Revelashon 21:4.

 Pronto, e Reino di Dios ta bai trese kambio grandi riba tera. Beibel a papia di antemano tokante e gueranan ku nos ta mira awe. (Mateo 24:6) Guera i vários otro suseso ta mustra ku nos ta biba den “e último dianan” di gobernashon humano.—2 Timoteo 3:1.