Violensia entre gang a sali for di kontrol na Haiti. Krímen violento ta asotá Suráfrika i México i tambe otro pais den Latinoamérika. Asta kaminda tin ménos violensia kompará ku ántes, ainda hende ta sinti nan insigur i anshá debí na informe di krímen, manera ladronisia i vandalismo.

 Kiko Beibel ta bisa tokante violensia rònt mundu?

 Beibel ta bisa ku violensia lo ta parti di e señal di e “konklushon di e era akí.” (Mateo 24:3) Ora Hesus a deskribí e susesonan ku ta forma parti di e señal, el a bisa:

•   “Pa motibu di oumento di maldat, amor di mayoria di hende lo fria.”—Mateo 24:12.

 Ademas, Beibel ta profetisá ku “den e último dianan” hende lo ta “sin dominio propio, feros, sin amor pa loke ta bon.” (2 Timoteo 3:1-5) E karakterístikanan egoista ei ta hiba na e komportashon violento ku nos ta mira awendia.

 Pero nos tin speransa. Beibel ta primintí ku pronto lo no tin violensia mas.

•   “Djis akí, lo no tin hende malbado mas. Lo bo bai wak kaminda nan tabata, ma nan lo no t’ei. Pero hende mansu lo heredá tera, i nan lo disfrutá di pas na abundansia.”—Salmo 37:10, 11.

 Siña mas tokante e mensahe di Beibel ku ta duna speransa i dikon nos por tin sigur ku e susesonan ku nos ta mira den nos tempu ta kumplimentu di profesia di Beibel. Wak e siguiente artíkulonan.

 “Berdadero Speransa pa un Mihó Futuro”

 “Kiko Ta e Señal di “e Último Dianan,” òf di “e Tempu di e Fin”?”

 “Beibel A Bisa Kon Hende Lo Pensa i Aktua den Nos Tempu?”