“E situashon alarmante di klima ta kousando hopi daño. Hende, e statnan i e ekosistemanan ta sufri. Debí na kambio di klima, e tormentanan ta bira mas i mas fuerte. E tormentanan ei ta destruí hopi kas i afektá bida di hopi hende rònt mundu. E oséanonan tambe ta birando mas kayente, loke por pone hopi espesie di bestia stòp di eksistí.”—Inger Andersen, sekretario general athunto di Nashonnan Uní i direktor di Programa Ambiental di Nashonnan Uní, 25 di yüli 2023.

 E gobernantenan lo por solushoná e problemanan akí ku mundu ta enfrentá? Nan lo por solushoná e problemanan di medio ambiente?

 Beibel ta papia di un solo gobièrnu ku sí lo por solushoná e problemanan di medio ambiente ku mundu ta konfrontá. Beibel ta bisa ku “Dios di shelu lo lanta un reino,” un gobièrnu ku lo solushoná tur problema na mundu. (Dánièl 2:44) Bou di e gobièrnu ei, hende “lo no kousa daño” ni destruí e mundu.—Isaías 11:9.