Riba djaluna, 13 di febrüari 2023, Sentro pa Kontrol i Prevenshon di Enfermedat (CDC) na Merka a publiká un rapòrt tokante salú mental di e tinernan na Merka. E rapòrt ta bisa ku mas ku 40 porshento di studiante di skol sekundario ta sinti nan tristu i desesperá riba un base regular.

 Dòkter Kathleen Ethier, direktor di Departamento di Adolesente i di Salú na Skol (DASH) di CDC, a bisa: ‘Durante e último 10 añanan, nos a mira ku salú mental di e hóbennan a bai mas i mas atras. Pero awe mas ku nunka promé, mas i mas mucha muhé tiner ta haña nan ku problema mental i mas i mas mucha muhé tiner ta pensa di kometé suisidio òf nan ta purba di hasi esei.’

 E rapòrt ta bisa lo siguiente:

•   Mas ku 1 di kada 10 mucha muhé tiner (14 porshento) ta ser obligá pa tene relashon seksual. Dòkter Ethier a bisa: “Esei sigur ta un situashon masha alarmante. Un di kada 10 mucha muhé tiner ku bo konosé òf probablemente mas ku un di nan a ser violá seksualmente.”

•   Kasi 1 di kada 3 mucha muhé tiner (30 porshento) ta pensa seriamente di kometé suisidio.

•   Kasi 3 di 5 mucha muhé tiner (57 porshento) sa sinti nan tristu òf desesperá riba un base regular.

 E estadístikanan ei ta realmente tristu. Hubentut mester ta un periodo di goso i di felisidat. Kiko por yuda e tinernan trata ku strès òf ku e preshonnan ku nan ta haña nan kuné awendia? Kiko Beibel ta bisa?

Beibel ta ofresé e tinernan yudansa práktiko

 Beibel ta deskribí nos tempu na un manera realístiko. Beibel ta mustra ku ta ‘tempu krítiko, difísil pa trata kuné.’ (2 Timoteo 3:1-5) Sinembargo, Beibel ta duna konseho práktiko ku ta yudando miónes di tiner rònt mundu trata ku éksito ku e problemanan ku nan ta enfrentá. Bo por analisá e siguiente artíkulonan ku ta basá riba Beibel.

•   Kiko Mi Tin ku Hasi si Mi No Ke Biba Mas?

•   Mi No Ke Biba Mas—Beibel Por Yuda Mi Stòp di Pensa di Kometé Suisidio?

•   Ta Bale la Pena pa Sigui Biba?

•   Kiko Mi Por Hasi si Mi Ta Deprimí?

•   Kiko Por Yuda Mi Evitá di Pensa Negativo?

•   Kon Mi Por Trata ku Ansiedat?

•   Kon Mi Por Dominá Mi Emoshonnan?

•   Di Tristesa pa Alegria (pintamentu riba bòrchi)

•   Kiko Mi Tin ku Hasi si e Muchanan na Skol Ta Tèr Mi òf Hasi Chèrchi di Mi?

•   Kiko Mi Tin ku Hasi si Hende ta Tèr Mi Online?

•   Defendé Bo Kurpa sin Usa Moketa (pintamentu riba bòrchi)

•   Kon Mi Por Trata ku Intimidashon Seksual?

•   Kiko Mi Mester Sa di Agreshon Seksual—Parti 1: Loke Bo Por Hasi

•   Kiko Mi Mester Sa di Agreshon Seksual?—Parti 2: Kon Bo Por Rekuperá?

Beibel ta duna un mayor bon konseho

 Beibel ta duna konseho práktiko ku un mayor por usa ora di yuda un yu trata ku difikultat. Bo por analisá e siguiente artíkulonan ku ta basá riba Beibel.

•   Tiner ku Depreshon—Dikon? I Kiko Por Yuda Nan?

•   Kiko Mi Por Hasi si Mi Yu Muhé Tin Hopi Strès?

•   Kiko si Nan Ta Tèr Mi Yu?

•   Kiko Mi Por Hasi si Mi Yu Muhé Ta Hasi Su Mes Daño?

•   Mucha i Ret Sosial—Parti 1: Ta Bon Idea pa Mi Yunan Usa Ret Sosial?

•   Mucha i Ret Sosial—Parti 2: Siña Bo Yunan Tiner Tokante e Peligernan di Ret Sosial

•   Mucha i Telefòn Selular—Parti 1: Mi Mester Duna Mi Yu un Selular?

•   Mucha i Telefòn Selular—Parti 2: Siña Bo Yunan Kon pa Usa Selular na un Manera Sabí

•   Kon Bo Por Papia ku Bo Yunan Tokante Sexting?