21 DI FEBRÜARI 2022
RUSIA

Algun Ruman Hòmber Ta Fortalesé Nan Fe ku Yudansa di Otro Ruman

TOKA NA

E korte di e stat di Petrozavodsk di e Repúblika di Karelia pronto lo anunsiá su veredikto den e kaso di e rumannan Maksim Amosov, Mikhail Gordeev, Nikolay Leshchenko i Dmitriy Ravnushkin. Ainda e fiskal no a bisa ki sentensia lo e eksigí di nan.

Algun Suseso Ku A Tuma Lugá

31 di yüli 2019

Agente di FSB a listra kas i lugá di trabou di 16 Testigu di Yehova
2 di ougùstùs 2019

Esun ku ta investigá e kaso a prohibí Maksim di bai for di e pais. E outoridatnan a kuminsá un kaso penal kontra di Nikolay i a prohibié pa bai for di e área
6 di ougùstùs 2019

Esun ku ta investigá e kaso a akusá Maksim i Nikolay di e “krímen” di studia Beibel
5 di sèptèmber 2019

Agente di FSB a detené Mikhail na su lugá di trabou i a bai ku su kòmpiuter. Esun ku ta investigá e kaso a kuminsá un kaso penal kontra di Mikhail
20 di sèptèmber 2019

Agente di FSB a listra Dmitriy su lugá di trabou i a bai ku su telefòn. Esun ku ta investigá e kaso a interogá Dmitriy pa kuater ora, a kuminsá un kaso penal kontra di dje i a prohibié pa bai for di e área
18 di òktober 2021

E kaso a kuminsá den korte

Informashon Personal

Mikhail Gordeev

Nasí na: 1959

Background: E gusta landa i skucha músika

For di un edat yòn, e tabatin pregunta tokante Dios i e propósito di bida. Su promé kasá a fayesé ora nan yu hòmber tabata yòn. Ora e tabata buska konsuelo, el a papia ku un Testigu di Yehova i a siña Dios su nòmber. Vários aña despues, el a bolbe topa ku e Testigunan di Yehova i mesora el a aseptá un kurso di Beibel. El a batisá na aña 1996

El a kasa ku Yelizaveta na aña 1999. Ainda nan tin dos yu muhé ku ta biba na kas

Loke Nos Ruman A Bisa

Kon bo a prepará bo famia pa enfrentá persekushon?

Ora nan a prohibí Testigunan di Yehova den e pais, . . . mi a realisá ku nos fe lo ser poné na prueba. Pues, mi a hasi sigur pa fortalesé mi fe i fe di mi famia. Regularmente nos tabata lesa Beibel i hasi orashon huntu, i nos tabata pidi pa kurashi. Ademas, nos tabata lesa tokante e perseveransia di nos rumannan.

Bo ta kòrda un okashon unda Yehova a yuda bo na un manera spesial?

Mas o ménos un luna despues ku nan a listra mi kas, [e hendenan ku tabata investigá e kaso] a arestá mi na trabou. Nan a hiba mi nan ofisina pa interogá mi, i nan a bisa mi ku ki krímen mi a ser akusá. Durante e interogashon, nan a purba di intimidá mi. Nan a menasa mi ku nan lo manda mi prizòn si mi nenga di duna deklarashon kontra di mi rumannan. Esei tabata un tempu difísil pa mi. Mi a hasi orashon na Yehova, i mi a pidié pa sabiduria i forsa. El a yuda mi perseverá i pa no traishoná mi rumannan.

Nikolay Leshchenko

Nasí na: 1962 (Poltava, Ukrania)

Background: El a kasa ku Svetlana na aña 1984. Na aña 1988, nan a konosé un pareha Testigu tempu ku Nikolay tabata un sòldá stashoná na Polonia. Na aña 1989, nan a asistí na Memorial pa promé bes. Na aña 1993, despues ku nan a bai bèk Rusia, nan a kuminsá studia Beibel i mas despues e aña ei nan a batisá

Loke Nos Ruman A Bisa

Kon Yehova a yuda bo durante e tempu akí ku bo no por biaha?

Na final di aña 2019, mi a bira deprimí. Svetlana tabata asistí na e kongreso na Varsovia, Polonia. El a topa ku algun di nos amigunan ku e tempu ei tabata biba na Polonia. Svetlana a hasi un areglo ku nos amigunan pa mi por a papia ku nan via un konferensia di vidio. Mi no ta kòrda eksaktamente kiko nan a bisa, pero djis papia ku nan a pone mi sinti muchu mas mihó. . . . Mi por a mira ku Yehova tabata usando e oportunidat akí pa yuda mi.

Nos kurason ta yen di goso pasobra nos rumannan na Rusia ta sigui kana den e bèrdat apesar di persekushon.—3 Huan 4.

a b Nos no por a hasié pregunta.

KOMUNIKADO