4 DI MART 2022
RUSIA

E Palabranan Animante di Su Rumannan Ta Fortalesé Ruman Lyudmila Shchekoldina

TOKA NA

Korte di Distrito Pavlovskiy di e teritorio di Krasnodar pronto lo anunsiá su veredikto den e kaso kontra Ruman Lyudmila Shchekoldina. Ainda e fiskal no a bisa ki sentensia lo e eksigí pa Ruman Lyudmila.

Algun Suseso Ku A Tuma Lugá

23 di aprel 2020

E outoridatnan a kuminsá un kaso penal kontra Lyudmila despues ku el a papia ku un polis sekreto tokante Beibel
29 di aprel 2020

E outoridatnan a listra Lyudmila su kas pa nuebe ora largu i a interog’é. El a ser akusá ofisialmente di promové aktividat di un organisashon ekstremista
21 di yüni 2021

E kaso a kuminsá den korte

Informashon Personal

Lyudmila Shchekoldina

Nasí na: 1976 (Aleksandrovka, Teritorio di Krasnodar)

Background: Na mucha, el a siña toka piano. El a bira yùfrou di skol

E tabata puntra su mes kiko ta e propósito di bida i pakiko tabatin asina tantu inhustisia. El a kuminsá studia Beibel ku Testigunan di Yehova i a haña kontesta satisfaktorio pa su preguntanan. El a batisá na aña 1995

Loke Nos Ruman A Bisa

Ki animashon bo a haña for di otro hende?

Resientemente, algun ruman muhé a traha un vidio pa mi. Un di nan a bisa: “Ora mi pensa riba bo, mesora e ehèmpel di e mucha muhé israelita ta bini na mi mente. Dikon? E . . . tabata parse un mucha débil, pero e tabata manera un guerero poderoso! Pa ami, bo tambe ta dunando e mesun ehèmpel di kurashi.”

E superintendente di sirkuito a manda un karta pa mi ku teksto di Beibel animante pa mi pensa ariba. Un di nan tabata Salmo 68:28. Aplikando e teksto na mi, el a skirbi: “Bo ta pasando den un tempu difísil aworakí. Sinembargo, mi sa ku bo amor pa Yehova i bo lealtat na dje lo yuda bo para firme. . . . Yehova ta orguyoso di su sirbidónan leal.”

Mi ta warda e ekspreshonnan animante ei den mi buki personal, i mi ta lesa nan hopi biaha.

Nos tin konfiansa ku Lyudmila i tur nos otro rumannan ku ta pasando den prueba lo keda firme ku Yehova su yudansa.—Salmo 68:28.

KOMUNIKADO