21 DI SÈPTÈMBER 2022 | INFORMASHON NOBO: 2 DI YANÜARI 2023
RUSIA

INFORMASHON NOBO—NOS RUMAN A BAI PRIZÒN—Algun Motibu pa Keda Kontentu

TOKA NA

Dia 28 di desèmber 2022, Korte di Distrito Oktyabrskiy na Kransnoyarsk a kondená Ruman Aleksandr Filatov. Korte a dikta un sentensia di 6 aña di prizòn kontra Ruman Aleksandr. Ruman Aleksandr a keda detené.

Algun Suseso Ku A Tuma Lugá

9 di yüli 2021

A kuminsá un kaso penal kontra Aleksandr. E ta ser akusá di a organisá aktividat pa un organisashon ekstremista
11 di yüli 2021

E outoridatnan a listra su kas
13 di yüli 2021

Aleksandr a ser arestá i hibá na Ministerio di Asuntu Interino
15 di yüli 2021

Nan a pon’é den aresto preventivo
20 di yanüari 2022

Kaso den korte ta kuminsá

Informashon Personal

Aleksandr Filatov

Nasí na: 1984 (Sharypovo, Teritorio Krasnoyarsk)

Background: El a traha komo ingeniero i elèktrishèn

Su mama a siñ’é tokante Yehova. Na 1994, el a batisá komo Testigu di Yehova

El a kasa ku Yelena na 2007. Nan tin dos yu hòmber

Loke Yelena, kasá di Aleksandr, a bisa tokante Aleksandr a

Kiko a yuda Aleksandr soportá su situashon den prizòn durante su aresto preventivo?

Aleksandr tin un buki pa e skirbi tur e bendishonnan ku el a eksperensiá. Den e buki, e ta skirbi tur motibu ku e tin pa keda kontentu. E ta purba di buska kos positivo den e kosnan difísil ku e ta pasa aden. El a bisa tambe ku lesamentu di Beibel i orashon ta yud’é keda positivo.

Mi ta tambe ta purba di animá Aleksandr. Promé ku mi skirbi un karta p’e, mi ta pensa tokante kos ku por anim’é. Por ehèmpel, mi ta pensa tokante un lès ku mi a saka for di un teksto di Beibel ku mi a lesa òf algun palabra di animashon ku e rumannan a kompartí ku mi.

Aleksandr ta fiel na Yehova, i e ta pone un bon ehèmpel pa nos. Su ehèmpel ta kòrda nos ku Yehova ta bendishoná hende ku ta sirbié ku alegria i ku kurason kontentu.—Deuteronomio 28:47.

a Durante preparashon di e artíkulo akí, Ruman Filatov tabata den aresto preventivo, i nos no por a hasié pregunta.

KOMUNIKADO