21 DI ÒKTOBER 2021
RUSIA

Nos Rumannan na Rusia Ta Kontentu Apesar di Aresto Preventivo i Detenshon na Kas pa Hopi Tempu

TOKA NA

INFORMASHON NOBO | Riba 3 di mart 2022, korte di e region di Astrakhan a rechsasá e apelashon di Rumannan Rutam Diarov, Sergey Klikunov i Yevgeniy Ivanov i su esposa Olga. Nan tur kuater a keda den prizòn.

Algun Suseso Ku A Tuma Lugá

Riba 25 di òktober 2021, Korte di Distrito di Trusovskiy di Astrakhan a sentensiá nos rumannan Rustam Diarov, Yevgeniy Ivanov, i Sergey Klikunov na ocho aña den prizòn. Olga, Ruman Ivanov su kasá, a ser sentensiá na tres aña i seis luna den prizòn. E tres ruman hòmbernan tabata den aresto preventivo kaba. Nos ruman muhé Ivanova a ser detené mesora
11 di yüni 2020

Rustam, Yevgeniy, i Sergey a ser detené i a keda den aresto preventivo. Olga a ser poné bou di detenshon na kas
9 di yüni 2020

Mas ku 100 agente polisial a hasi entrada hudisial na kas di 27 famia Testigu di Yehova den e stat di Astrakhan. Rustam, Yevgeniy, Olga i Sergey a ser poné den detenshon temporal
8 di yüni 2020

Nan a kuminsá un kaso penal kontra Rustam, Yevgeniy, Olga i Sergey. E ruman hòmbernan a ser akusá di organisá i finansiá aktividat di un organisashon ekstremista. Olga a ser akusá di partisipá den aktividat di un organisashon ekstremista

Informashon Personal

Olga Ivanova

Nasí na: 1982 (Volzhsky, Region di Volgograd)

Background: El a siña toka akordeon òf sinfonia di man komo mucha. El a studia idioma i tabata duna lès di ingles

Komo mucha, e tabatin miedu di morto. Ora Olga tabata tiner, su mama a drenta den kontakto ku Testigunan di Yehova, i Olga a siña tokante Beibel for di su mama. Olga a batisá na aña 1997

Loke Nos Ruman A Bisa

Kiko ta yuda bo pa bo no sinti bo desanimá miéntras bo ta separá for di bo esposo?

E ehèmpel di Yehova i Hesus ta yuda mi pa mi no entregá. Pa nos benefisio, Yehova a ser separá for di su amigu Hesus pa 33 aña i mei. Mi esposo ta mi mihó amigu, i mi ta ègt sinti su falta. Pero muy probablemente, nos lo no mester keda separá for di otro mes largu ku [Yehova i Hesus a keda separá for di otro]. Mi tin sigur ku nos lo por perseverá den kualke situashon ku Yehova su yudansa.

Sergey Klikunov

Nasí na: 1975 (Astrakhan)

Background: El a traha komo lasdó promé ku su aresto preventivo. E ku su esposa, Irina, a kuminsá studia Beibel huntu. Prinsipionan di Beibel a yud’é stòp di huma, i el a batisá na aña 2007. Nan tin dos yu muhé. Den su tempu liber, e gusta piska i toka guitara

Loke Nos Ruman A Bisa

Kiko ta yudando bo keda leal durante bo detenshon?

Desde ku mi ta será, mi a haña mas apresio pa e regalo di orashon. Orashon ta hopi importante den mi situashon. Mi tin seis luna kaba será den kashòt. Klaru ku no ta fásil, pero orashon ta yuda mi perseverá. Ora e situashon ta hopi difísil, mi ta bai na rudia i mi ta bisa nos Tata tur loke tin den mi kurason. Despues di hasi orashon, e ta konsolá mi i duna mi pas. Esei ta yuda mi sinti mihó. Ta hopi bunita pa mira kon nos Tata ta yuda nos ora nos tin mester di dje. Mi ta konfi’é kompletamente, pues mi no tin miedu.

Ta un konsuelo pa sa ku Yehova semper ta serka di su sirbidónan leal ora nan ta pasa den prueba.—Salmo 139:5, 10.

KOMUNIKADO