3 DI YÜNI 2024
RUSIA

“Tur Kos den Mi Bida Ta Drei Rònt di Yehova”

TOKA NA

Pronto, Korte di Distrito di Vyselkovskiy di Teritorio Krasnodar lo anunsiá un veredikto den e kaso kontra Ruman Yelena Gadrshina. Fiskal no a pidi un kastigu ainda pa Ruman Yelena.

Informashon Personal

Yelena Gadrshina

Nasí na: 1958 (Bazarny Sygan, Region Ulyanovsk)

Background: Promé ku el a baha ku penshon, e tabata traha komo boekhouder

E tin un yu muhé

Ora el a kuminsá studia Beibel, el a siña ku e Reino di Dios lo trese pas duradero pa humanidat. Esei a dun’é hopi konsuelo. El a ser batisá na aña 1999

Loke Nos Ruman A Bisa

Kiko ta yuda bo pa bo no tin miedu?

Salmo 74:22 ta kòrda mi di algu importante. E ta bisa: “O Dios, lanta ariba, i defendé bo kaso.” E teksto ei ta kòrda mi ku, en realidat, e kaso akí no ta bai tokante ami komo persona, pero ku e kaso ta tokante Yehova i su nòmber. P’esei, mi tin tur konfiansa ku Yehova lo yuda mi pa alabá su nòmber. Tin un otro kos ku ta yuda mi hopi pa mi no tin miedu: Mi ta kòrda mi mes loke ta mas importante den mi bida. Tuma e planetanan komo ehèmpel. Nan ta drei rònt di solo, i p’esei tur kos ta funshoná bon. Den mi kaso ta meskos. Tur kos den mi bida ta drei rònt di Yehova; e ta e persona mas importante den mi bida. Pa e motibu ei, mi bida ta hopi bon.

Nos ta kontentu ku nos por konfia den Yehova, meskos ku Ruman Yelena. Yehova semper lo usa su poder pa apoyá nos i defendé nos.—Salmo 54:1, 2.

Algun Suseso Ku A Tuma Lugá

13 di febrüari 2022

E outoridatnan a listra su kas. Nan a konfiská su aparatonan elektróniko, su karchinan di banko i su datonan personal
15 di yüni 2023

Kaso penal a kuminsá
10 di ougùstùs 2023

E outoridatnan a interogá Ruman Yelena i dun’é òrdu pa e no biaha
30 di yanüari 2024

A kuminsá trata e kaso penal den korte

KOMUNIKADO