Nos rumannan den e statnan Mariupol, Kharkiv, Hostomel i otro stat ta pasando tempu hopi difísil durante e bombardeonan na Ukrania. Algun di nos rumannan no por a sali for di e lugá kaminda nan a buska refugio pa kasi un siman. Kuminda ta kabando. Ademas, ta difísil pa e rumannan keda den kontakto ku otro pasobra na vários lugá koriente a bai i konekshon di Internet i selular a kai afó.

Lamentablemente, Ruman Dmytro Rozdorskyi, un ansiano di 28 aña di edat na Myrnohrad, a muri debí na su leshonnan despues ku el a trapa riba un mina. Nos ta resa pa nos rumannan ku a pèrdè ser kerí, i nos ta pidi Yehova yuda nos rumannan ku ta den e statnan kaminda tin hopi bombardeo.—2 Tesalonisensenan 3:1.

E siguiente sifranan ta for di informe ku nos a haña te ku 7 di mart 2022.

• 2 publikadó a muri

• 8 publikadó a ser heridá

• 20.617 publikadó a bandoná nan kas pa bai otro lugá di e pais ku ta mas sigur

• 25 kas a ser destruí

• 29 kas tabatin daño grandi

• 173 kas tabatin daño leve

• 5 Salòn di Reino tabatin daño

• Tin 27 Komité di Ousilio na Ukrania

• E komiténan a yuda 6.548 publikadó haña otro lugá mas sigur pa keda

• 7.008 publikadó a hui pa otro pais. Einan, nos rumannan ta yudando e publikadónan ei

• 1 Salòn di Asamblea i mas o ménos 30 Salòn di Reino ta prepará pa risibí refugiado. Nan ta keda na parti wèst, na Ukrania. E regionnan ta: Chernevtsi, Ivano-Frankivsk, Lviv i Transcarpathian