Na momento ku un hende bira un publikadó, e ta aseptá pa e organisashon religioso mundial di Testigunan di Yehova—inkluso e kongregashon lokal di Testigunan di Yehova, e sukursal lokal i otro organisashon afiliá di Testigunan di Yehova—usa dato personal na un manera legal i ku ta kuadra ku e organisashon su interesnan religioso legítimo. Manera e buki Organisá pa Hasi Boluntat di Yehova ta bisa, e publikadónan ta entregá sierto dato personal boluntariamente na nan kongregashon pa por partisipá den aktividat religioso relashoná ku nan forma di adorashon i pa por risibí asistensia spiritual.—1 Pedro 5:2.

Pa un publikadó kuminsá partisipá den otro aktividatnan religioso, lo e mester entregá mas di su datonan personal na Testigunan di Yehova den konteksto di e otro aktividatnan religioso ei. E datonan personal akí por ta, entre otro, su nòmber, fecha di nasementu, sekso, fecha di boutismo, dato di kontakto i informashon relashoná ku su estado spiritual, aktividat den sirbishi di vèlt òf kualke tarea ku e ta kumpli kuné den e organisashon di Testigunan di Yehova. E datonan akí ta inkluí informashon ku lo revelá e kreensianan religioso di e publikadó i kisas tambe otro dato personal sensitivo. Uso di e datonan personal akí por enserá kompilá, registrá, organisá, strukturá i warda nan, i tambe otro akshon paresido.

E Lei pa Protekshon di Dato ku ta vigente na e pais akí ta:

Lei 171/2018 di San Marino di 21 di desèmber 2018.

Konforme e lei pa Protekshon di Dato, e publikadónan ta duna nan outorisashon pa Testigunan di Yehova usa nan datonan personal pa meta religioso, manera entre otro:

• partisipá den kualke reunion di un kongregashon lokal di Testigunan di Yehova i partisipá komo boluntario den kualke aktividat òf proyekto;

• disidí di partisipá den un reunion, asamblea òf kongreso ku ta ser grabá i transmití pa duna instrukshon spiritual na Testigunan di Yehova rònt mundu;

• kumpli ku kualke asignashon òf kualke otro tarea den un kongregashon; esei por rekerí pa e publikadó su nòmber i e asignashon aparesé riba bòrchi di anunsio na un Salòn di Reino di Testigunan di Yehova;

• aktualisá e karchinan di Registro di Publikadó di Kongregashon;

• pastoreo i kuido di parti di e ansianonan di Testigunan di Yehova (Echo. 20:28; Sant. 5:14, 15);

• registrá informashon di kontakto pa usa den kaso di emergensia.

Ta warda e datonan personal pa e tempu ku ta nesesario pa kumpli ku e metanan menshoná ariba òf otro metanan legítimo rekerí pa warda nan. Si un publikadó disidí ku e no ta firma e formulario Notifikashon i Aprobashon pa Usa Dato Personal, Testigunan di Yehova lo no por evaluá si e ta kumpli ku e rekisitonan pa sierto tarea den kongregashon òf pa partisipá den sierto aktividat spiritual.

Ora ta nesesario i apropiá, por manda dato personal pa kualke un di e organisashonnan afiliá di Testigunan di Yehova. E publikadónan ta komprondé ku algun di e organisashonnan afiliá di Testigunan di Yehova por ta ubiká den pais kaminda e leinan ta ofresé un otro nivel di protekshon di dato, i ku e nivel ei no nesesariamente ta ekivalente na e nivel di protekshon di dato ku tin den e pais for di unda a manda nan. Sinembargo, e publikadónan ta komprondé ku ken ku risibí nan datonan personal, inkluso e organisashonnan afiliá di Testigunan di Yehova na e sede mundial di Testigunan di Yehova na Merka, lo usa e datonan solamente na maneranan ku ta kuadra ku e Maneho Mundial di Testigunan di Yehova pa Protekshon di Dato.

Un publikadó tin derecho di haña akseso na su datonan, pidi pa kita nan, limitá kon ta prosesá nan i korigí kualke ineksaktitut ku tin den e datonan personal ku Testigunan di Yehova tin di dje. Na kualke momento, un publikadó por kita su outorisashon pa uso di su datonan personal den futuro na sierto manera spesífiko. Si un publikadó kita su outorisashon pa uso di su datonan personal, Testigunan di Yehova por tin derecho—a base di nan propósito religioso legítimo di mantené i atministrá informashon di membresia di Testigunan di Yehova mundialmente òf otro base legal fihá den e Lei pa Protekshon di Dato—di sigui usa algun di su datonan personal sin su konsentimentu. E publikadónan ta konsiente ku nan tin derecho di presentá keho na e entidat ku ta supervisá protekshon di dato den e pais kaminda nan ta bibando.

Testigunan di Yehova a adoptá diferente prosedura i medida di karakter tékniko pa protekshon di dato personal, konforme e Lei pa Protekshon di Dato. E publikadónan ta komprondé ku ta un kantidat limitá di persona outorisá so lo tin akseso na nan datonan personal pa kumpli ku e metanan menshoná aki riba.

Por manda kualke pregunta na e “enkargado di protekshon di dato” konserní, via e-mail pa:

E publikadónan ta komprondé ku identidat i e datonan di kontakto di e data controller den e pais kaminda nan ta biba i, si esei ta aplikabel, tambe di su representante i su enkargado di protekshon di dato, ta disponibel riba e página Data Protection Contacts di jw.org.

E manera ku nos ta anda ku dato por kambia de bes en kuando debí na kambio den nos aktividatnan religioso, kambio den lei òf kambio teknológiko. Si na kualke momento nos haña nos ta kambia e página akí di Uso di Dato Personal, nos lo publiká e kambionan riba e página akí pa e publikadónan semper por ta na altura di ki informashon nos ta kompilá i kon nos ta usa esakinan. Sea asina bon di chèk e página akí de bes en kuando pa wak si tin kambio.