E pregunta tokante nifikashon di bida por hiba na vários otro pregunta. Por ehèmpel, dikon nos ta na bida? Òf, mi bida tin un propósito? Beibel ta bisa ku nos propósito den bida ta pa bira amigu di Dios. Laga nos wak algun di e bèrdatnan importante ku Beibel ta papia di dje.

•   Dios ta nos Kreador. Beibel ta bisa di dje: “E ta esun ku a traha nos, i no ta nos a traha nos mes.”​—Salmo 100:3, Beibel Santu; Revelashon 4:11.

•   Dios tin un propósito pa tur loke el a krea; pa nos tambe.​—Isaías 45:18.

•   Dios a krea nos ku un “nesesidat spiritual” ku ta inkluí e deseo pa haña nifikashon den bida. (Mateo 5:3) E ke pa nos satisfasé e deseo ei.​—Salmo 145:16.

•   Nos ta satisfasé nos nesesidat spiritual segun ku nos ta desaroyá un amistat ku Dios. Aunke e idea di ta Dios su amigu por parse imposibel pa algun hende, Beibel ta animá nos: “Hala serka Dios, i lo e hala serka boso.”​—Santiago 4:8; 2:23.

•   Pa nos por bira amigu di Dios, nos mester biba na armonia ku e propósito ku e tin pa hende. Beibel ta papia di e propósito akí na Eklesiástes 12:13: “Teme Dios i warda Su mandamentunan, pasobra esaki ta aplikabel na kada persona.”​—Beibel Santu

•   Pronto nos por mira Dios su propósito original kumpli ora e kaba ku tur sufrimentu i duna bida eterno na su amigunan, esta, hende ku ta sirbié.​—Salmo 37:10, 11.