Tabatin un tempu ku Dios a permití poligamia, esta, pa un hòmber tin mas ku ún esposa. (Génesis 4:19; 16:1-4; 29:18-29) Pero no ta Dios a originá poligamia. El a duna Adam ún esposa.

 Dios a outorisá Hesukristu pa reinstituí Dios su norma original pa matrimonio, esta, monogamia: ún esposa pa kada hòmber. (Huan 8:28) Ora e hendenan a hasi Hesus pregunta tokante matrimonio, el a kontestá: “Esun ku a krea hende na prinsipio a traha nan hòmber i muhé i a bisa: ‘P’esei un hòmber lo bandoná su tata i su mama i lo pega na su esposa, i nan dos lo ta ún karni.’”—Mateo 19:4, 5.

 Mas despues, Dios a inspirá un disipel di Hesus pa skirbi: “Laga kada hòmber tin su mes esposa i kada muhé su mes esposo.” (1 Korintionan 7:2) Ademas, Beibel ta bisa ku pa un hòmber kasá por risibí privilegio den e kongregashon kristian, e mester ta “esposo di ún esposa.”—1 Timoteo 3:2, 12.