Sí. E por hasi esei na e siguiente dos maneranan:

•   Pa medio di un petishon ofisial. Un persona por duna di konosé ku e no ke ta un Testigu di Yehova mas sea verbal òf por eskrito.

•   Pa medio di su akshonnan. E por hasi algu ku ta mustra ku e no ke ta un Testigu di Yehova mas. (1 Pedro 5:9) Por ehèmpel, e por djòin un otro religion i bisa klaramente ku e tin intenshon di keda den e religion ei.—1 Huan 2:19.

 Nò. Ora un persona skohe pa stòp di ta un Testigu di Yehova òf desasosiá su mes, no ta meskos ku ora su fe debilitá. Mayoria di biaha, esnan ku pa un tempu a baha man òf stòp ku nan adorashon, no a bandoná nan fe, pero nan ta desanimá. En bes di rechasá nan, nos ta purba di konsolá i yuda nan. (1 Tesalonisensenan 5:14; Hudas 22) Si e persona ke yudansa spiritual, e ansianonan di kongregashon ta e promé hendenan ku lo dun’é esaki.—Galationan 6:1; 1 Pedro 5:1-3.

 Sinembargo, e ansianonan no tin e derecho pa obligá òf preshoná un persona pa keda un Testigu di Yehova. Kada hende ta disidí pa su mes na kua religion e ke pertenesé. (Hosue 24:15) Esnan ku ta adorá Dios mester hasi esei di nan mes boluntat, di kurason.—Salmo 110:3; Mateo 22:37.