Konmemorashon di e Morto di Hesus
Djasabra 12 di Aprel 2025
Un biaha pa aña, Testigunan di Yehova ta konmemorá e morto di Hesus manera el a bisa pa hasi. Hesus a bisa: “Sigui hasi esaki na mi memoria.”—Lukas 22:19.
Nos ta invitá bo pa asistí na e evento akí.
Pregunta Ku Hopi Hende Sa Hasi
Kon largu Konmemorashon di e Morto di Hesus lo dura?
Lo e dura mas o ménos un ora.
Unda lo tene e evento akí?
Bo por tuma kontakto ku Testigunan di Yehova pa mas detaye.
Mester paga pa entrada?
Nò.
Ta pasa kolèkt?
Nò.
Kon bo mester bisti?
No ta nesesario pa bo bisti na un manera spesial, pero Testigunan di Yehova ta hasi esfuerso pa sigui Beibel su konseho pa bisti na un manera digno i modesto. (1 Timoteo 2:9) No ta nesesario pa bo bisti paña karu òf muchu formal.
Kiko bo por spera na e Konmemorashon?
E reunion lo kuminsá i kaba ku un kantika i un Testigu di Yehova lo hasi orashon. Lo tin un diskurso basá riba Beibel ku lo mustra dikon Hesus mester a muri i kon nos por benefisiá di loke Dios i Kristu a hasi pa nos.
Pa mas informashon, wak e artíkulo “Dikon Testigunan di Yehova Ta Selebrá e Sena di Señor Diferente for di Otro Religion?”
Ki fecha lo tene e siguiente Konmemorashonnan?
2025: Djasabra 12 di Aprel
2026: Djaweps 2 di Aprel
Otro Artíkulo Interesante
MEMORIAL
Laga Nos Rekordá Hesus Su Morto
Testigunan di Yehova ta invitá bo pa bo reuní ku nan pa e okashon tan importante akí. Lo bo haña sa kon e bida i morto di Hesus por benefisiá bo.
SIÑANSA DI BEIBEL
Dikon Hesus A Muri?
Beibel ta duna hopi importansia na e morto di Hesus. Su morto tabatin un propósito?