“Bethlehem el Efrata, kau a tar a kot el kekerei el beluu er a Juda. E ngdi kmo otebedii er kau a mo merreder er a Israel.”

Mika 5:2

“A Jesus a mlechell er a beluu er a Bethlehem er a Judea er ser a le king a Herodes. A re bebil chad er a Ongos el milsuub a btuch a mlor a Jerusalem.”

Mateus 2:1

“Tomii a bilek er a delongelir, e kengmors er a ikrel a bilek.”

Psalm 22:18

“Te ngiluu a bilel el mei e mingii el mo eual bliongel, me te mlo chemur a blingelir er ngii. Te dirrek el ngiluu sel ikrel a bilel el di chelaus er bab el mor iou e diak a rresmelel. Te mle katekoi el kmo, ‘Mei me lak dosodel er ngii, bai bo de kengmors el osiik er a mo nguu.’”

Johanes 19:23, 24

“A RUBAK a kmal di kudmeklii; me ng diak a tar a chiuesel el chelemuul.”

Psalm 34:20

“Ngdi tia er a le bor a Jesus, e te milsa el mla mad me ng dimlak longam ochil.”

Johanes 19:33

“Ak mo loia er a ruldidellel a rsechel a David ma re chad el kiei er a Jerusalem a reng er a klechubechub ma reng er a nglunguuch, me sel bo lesang ngikei el le rirsur, e ng mo mekngit a rengrir er ngii, el ua chad el mekngit a rengul er a di tal ngelekel; te kmal mo lmangel er ngii, el ua chad el lmangel er a kodellel a kot el klou el ngelekel.”

Sekaria 12:10

“Ngdi tar a re soldau a ngiluu a biskelengel el rusur a kekengel a Jesus, me ng di tilobed er ngii a rasech ma ralm.”

Johanes 19:34

“Me te mildudak er okedei el silber el udoud.”

Sekaria 11:12, 13

“E sola e a tar a re truich ma terul obengkel a Jesus, el Judas Iskariot a ngklel, a mlor a re bderrir a re prist e oker el kmo, ‘Ngera kom mo meskak a lsekum ak uterur a Jesus er kemiu?’ Me te milechur 30 el silber el udoud e ngmai el msang.”

Mateus 26:14, 15; 27:5